اتنين مجانين

الفصل الرابع

#اتنين_مجانين
#الرابع
#شهد_ابراهيم

 تانى يوم الصبح

كانت ريم واقفه على جبل عالى السما صافيه و المنظر كان جميل  كانت لابسه فستان طويل أحمر نارى من غير أكتاف  وشعرها مفرود وراها
حست بحد وراها لفت وشافت سما وراها
........... وفجأة السما اتملت غيوم والجبل بقى بركان و الجو بقى حر بصت جوه فوهة البركان لقت الحمم قربت توصل للسطح بصت وراها تانى لقت
سما قربت منها عنيها احمرت وجلدها بقى أزرق  وبترجعها عند الفوهه
''' عمر بتاعى انا .. انا وبس عمر وسما لبعض

ريم خافت ورجعت ورا لحد ما وقفت على الحافه البركان وراها وسما قدامها
المكان ال كانت واقفه عليه انهار داست على طرف الفستان من غير قصد و وقعت فى البركان بس مسكت فى حجر كبير قبل ما تقع والحمم كانت قربت منها خلاص  مافيش امل ال سما بصت لسما برجاء
_ الحقينى

سما قربت منها ومسكت ايدها وشدتها

ريم وقفت وشكرتها
.............وفجأة سما زقتها و
قامت مفزوعه من النوم
_ ايه الكابوس ده

قامت من على السرير وهى خارجه بصت فى المرايه  (ولك أن تتخيل عزيزى القارئ ما هو شعور المرأه بعد ما شافت خلقتها)
 ريم بصت على المرايه
 
_ يا رب ارحمنا من اشكالنا .. ايه الكرش ده انا تخنت اوى كده ليه .. ليه حق عمر يخونى انا لو مكانه كنت هربت من زمان لازم اعمل رجيم .. بس بعد أما أفطر الأول

خرجت ريم وراحت على المطبخ لقت منال فى المطبخ  منال اتصدمت وبصتلها على إنها كائن غريب
= بنتى صاحيه بدرى ..وراحت عندها حطت ايدها على وشها .. مش سخنه لا انت تعبانه يا حبيبتى اجبلك دكتور

ريم اتعجبت
_ انا كويسه بس هو فى ايه

= كويسه ازاى انتى مش بتصحى بدرى من ايام الكليه

ريم قعدت ورجعت رأسها لورا
_ ياه يا حاجه فكرتينى بأيام زمان

منال قعدت جمبها وسندت خدها على ايدها
= كانت ايام جميله

ريم اتنفضت من مكانها و شوحت
_ كانت ايام منيله بستين نيله كنت اصحى الساعه سته الصبح وادوخ السبع دوخات على أما لاقى مواصلات. . والمحاضرات تجر بعضيها وتنزل فوق دماغنا نروح الساعه اربعه  اتغدى وتخلينى اغسلكم المواعين وباليل اققعد اطحن فى المذاكره  لحد ما انام وكل يوم زى اليوم ال قبله لحد ماقرفت

= طب ماتشوحيش بإيدك كده وروحى صحى اخوكى يجى يفطر معاكى

دخلت اوضه حسام لقت رجله طالعه من تحت الغطا ومغطى وشه وسمعت همس كأنه بيتكلم مع حد براحه استخبت تحت السرير وبراحه شدت رجله ورجعت تانى

حسام اتفزع وقام من مكانه
= بسم الله بسم الله انا بتخيل صح بتخيل

ريم عملت صوت تحت السرير حسام شد الغطا واتغطى تانى وهنا اشتغل بنظريه وأنا عامله نفسي نايمه وأنا عامله نفسي نايمه