"وكيف لا اطيل النظر وانا انظر اليكِ"💙
وقعت في حب اسيرتي💕
في منزل بسيط جدا نري فتاتين و رجل كبير في السن ... كانتا الفتاتين في قمة الجمال....نعم هم ليليان و ليان"
ليليان= يلا يا حبيبتي متنسيش تدي لبابا الدوا وانا هنزل اجيب طلبات البيت
ليان= أشطا
حسن والدهم= يا ليليان ما تخلي عم محمد "البواب" يجيب الطلبات
ليليان= لا يا بابا بلاش نتعبه الراجل تعبان والجو حر عليه
حسن=ربنا يحميكي يا بنتي
ليان=وانا مليش نصيب من الحب ده ولا اي يا بشمهندس
حسن بضحك= ليكي يا حبيبة بابا
ليان=يلا خد الدوا اهو يا حبيبي عما اقوم اغسل فاكهه
________________________
"في فندق كبير جدا في القاهره .. نجد رجل صارم جدا وحاد في تعامله ، نعم هو يوسف...و ينادون به الاجانب "مستر جوزيف"
يوسف= يلا يا تميم بقا هنتأخر
تميم صديق يوسف= يلا يا عم انا جاهز اهو
يوسف=ما تسمع كلامي وتيجي تبات معايا يبني
تميم بابتسامه=صدقني انا كده مرتاح ، يلا بقا احسن زوزو وحشتني
يوسف=يلا يخويا
_____________________
"في منطقة شعبية وتحديدا في السوق كانت ليليان تشتري كل طلبات المنزل من طعام وشراب وغيرهم ، بعد ان انهت كل الطلبات و ذهبت الي المنزل
"في المنزل"
حسن= عايز اقولكو خبر بس ... خايف تضايقو مني
ليليان= لا طبعا يا حبيبي قول
حسن=انا قررت اتجوز ، ست جميله جدا و هتهتم بيكو وهتعتبركو بناتها
ليليان=بجد يا بابا ، بتتكلم بجد
حسن=ايوة
ليان=واسمها اي ست الحسن والجمال
حسن= زينب
ليليان=لو ده هيريحك يا حبيبي ف انا موافقه
حسن= ونتي يا ليان
ليان بضيق تحاول ان تخفيه= طبعا موافقه
حسن= كويس ، هي عندها ابن ، وابنها ده صاحب الفندق الي تبع شركات الحديدي، صاحبه بيدير الشركه وهو بيدير الفندق
________________
(في فيلا الحديدي نري يوسف و تميم و زينب جالسين علي مائدة الطعام)
زينب= عايزة اقولكو حاجه
يوسف وتميم= قولي ي زوزو
زينب=في راجل متقدملي
يوسف شرق جامد= كح كح اي بتق...كح كح بتقولي اي
تميم بضحك=هموت مش قادر ههههه
يوسف بعدما اتحسن= راجل مين ي ماما
زينب=مهندس بترول ي حبيبي و عنده بنتين زي القمر
يوسف=انتي عايزاه يحبيبتي؟
زينب= مكدبش عليك...فاكر وانت صغير لما سمعت خناقتي انا وابوك الله يرحمه لما قولتلو خدتني من اكتر انسان حبني؟
يوسف بحزن=فاكر يا امي
زينب= هو ده بقا الي عايز يتجوزني ، اسمه حسن 47 سنه
يوسف= لو انتي هتكوني مرتاحه انا موافق
زينب بفرحه=وانت يا تميم
تميم= لو حساه هيعوضك بجد يا زيزي وافقي انتي لسه صغيره
زينب بضحك= صغيره اي يواد انا 43 سنه ، احم انا عرفه انه عيبة ف حق واحده كبيره زيي بس انا ما صدقت و هو كمان كان بيدور عليا كتير
يوسف= معاكي رقمه؟
زينب= اه
يوسف= هاتيه
_______________________
ليان بحقد= بقا عايز تتجوزها يابابا ، ماااشي ي بابا...مش هسيبهالك ، مش هسيبلك الي كنت يوميا تتخانق مع ماما عشانها ، مش هسمحلك
ليليان دخلت عليها= ليلو انتي بتكلمي نفسك؟
ليان= ها...لا كنت بغني
ليليان بعدم تصديق=اوكي ... اي رايك ف حوار بابا
ليان بغل= ومالو الراجل لسه 47 سنه
ليليان= بطلي تريقه يا ليان عيب كداا
ليان= مهو تفهميني راجل اي الي 47 سنه ويتجوز ف السن ده فهميني
ليليان= وهو من امتي الجواز ليه سن يا ست ليان
ليان= يوووه خلاص بقا ..
ليليان= يعني انتي موافقه؟
ليان بحقد وغل= موافقه طبعا...اه موافقه
حسن دخل عليهم= يا بنات...انا خدت معاد وهروح بليا الساعه7
ليليان= ماشي يا حبيبي ربنا يوفقك
___________________
زينب = بتكلم مين يحبيبي
يوسف= أستاذ حسن جاي يطلب ايدك رسمي الساعه 7
زينب بفرحه= طب هطلع عشان اجهز نفسي
"طلعت و اتبقي تميم و يوسف"
تميم= متزعلش يا يوسف...ده حقها ، الجواز مش بالسن ابدا ، وبعدين ما انت علي يدك حليم "السكرتير بتاع تميم" متجوز وهو عنده 45 سنه وعادي يعني
يوسف= الحكايه مش راكبه ع بعضها ي تميم اصلا...مس عقل داا
تميم= سيبها ع ربنا
________________
ليليان= قمر ي بابا الله يحميك ، خلي بالك من نفسك
حسن= حاضر يا حبيبتي ، اي رايك ي ليان
ليان=اه حلو
ليليان وكزتها= يلا يا بابا روح عشان متتاخرش
_________________
زينب= اي رايك ي يوسف
يوسف= قمر ي ماما ولله
زينب= حجابي مظبوط؟
يوسف بابتسامه= مظبوط يقلبي ، بقولك اي
زينب= قول يحبيب ماما
يوسف= طول القاعده متتكلميش الا اما اوجهلك انا كلام
زينب بضحك= مااشي
"سمعو جرس الباب"
تميم= زمانه جه
الخدامه= يوسف بيه في راجل برا عايز حضرتك
يوسف=قعديه في الصالون ، يلا يا تميم... ماما خليكي هنا لما ابعت حد ليكي تنزلي
زينب=حاضر يا حبيب ماما
" في الصالون"
يوسف= السلام عليكم
حسن بارتباك= وع..وعليكم السلام ، ازيك يبني
يوسف= الحمدلله ، اتفضل اقعد
حسن= بص يبني انا و والدتك كنا مخطوبين قبل ما تتجوز والدك الله يرحمه ، كنا بنحب بعض جدا... بس من 24 سنه كل حاجه اتغيرت ، هي باباها جبرها تتجوز قريبها وانا والدي اجبرني اتجوز بنت عمتي
يوسف=عارف كل ده يا استاذ حسن
حسن= انا لحد دلوقتي بحب والدتك.... و بناتي متقبلين الموضوع ده جدا ، و حبوها من كتر كلامي عليها...وبصراحه يبني انا طالب ايد والدتك زينب
يوسف=انا سالت عليك و عرفت انك راجل طيب وهتصون والدتي
حسن=بالظبط
يوسف= وانا موافق يا استاذ حسن ، بس اياك ثم اياك تزعلها ف يوم
حسن=مقدرش ولله يا يوسف بيه
تميم= يوسف بيه اي بس يا استاذ حسن انت زي والدنا برضو
حسن=الله يكرمك يا استاذ تميم
تميم بضحك= بلاش القاب بقاا
يوسف= نالاا
الخادمه نالا= ايوة يا باشا
يوسف= اندهي ماما
نالا=حاضر يا باشا
"وزينب نزلت و مجرد ما حسن شافها حس انه رجع مراهق تاني ، فضل متنح فيها و..."
#بقلمي_حبيبه
