تزوجت مُلتحي رغماً عني🖤.! #البارت التاني
احمد: اهلى واهلك برا ومش عارف افتح ولالا
انا بصدمه: احييه وبعدين بقا هنعمل ايه؟
احمد بتوتر: مش عارف...
قولتله انه يفتح عقبال منا اغير لبسي...
فتح احمد الباب لقي اخته ومامته وبابا ودادا ميرڤت
احمد: اتفضلو، اتفضلو نورتو البيت والله
بابا: تسلم يا حبيبي اومال اسراء فين؟
احمد بتوتر: ها؟ اس اسر اه اسراء بتغير وجايه اهي
دادا ميرڤت: طيب انا هدخلها ينفع يبنى.!
احمد اتوتر ولكن قبل م ينطق كنت انا خرجت لهم
وكنت لابسه روب ابيض علشان لسه عرسان وبتاع
مامت احمد "طنط سلوى" : ماشاء الله ايه القمر ده جميله اوى يا حبيبتي ربنا يسعدكم ويحفظكم لبعض يارب يلا بقا شدو حيلكو عايزين بيبي نلعب بيه...
بصيت لأحمد وقولت: اه اكيد ان شاء الله
احمد كان مستغرب طريقتي وقد ايه بتعامل وكأن الموضوع طبيعي جدا _ممثله شاطره_
قدمتلهم حلويات وعصير وبعد ساعه استأذنو ومشيو.!
انا = ييييييي الحمدلله، انا داخله انام بقا يلا سلام
لاقيت احمد مسكني من ايدى وبيبصلى
ساعتها خوفت منه وقولت فى نفسى: ايه ماله ده؟ هو نسي اتفاق اننا اخوات ولا ايه! والله لو قربلى لاقتله وفجأة لاقيته بيقولى
احمد = غيري هدومك علشان نصلى يا اسراء
انا = اووووف الحمدلله اه حاضر هغير واجي
صليت معاه الضحي ودخلت نمت لحد الساعه 3 العصر
كنت صاحيه مصدعه جدا ودايخه وحاسه اني تعبانه جدا ومش قادره اقوم جسمى كان وجعنى ولكن اتغلبت على الوجع اللى من غير سبب ده وقومت
لاقيت احمد قاعد في الاوضه بتاعت الانتريه بيتفرج علي كرتون، ساعتها ضحكت على طفولته المتأخره دى
انا = هاي احمد انا صحيت
احمد بإبتسامة: وعليكم السلام ورحمة الله وبركاته يا اسراء، صح النوم، مالك شكلك تعبانه فى حاجه ولا ايه؟
انا = اه معلش اصلى متعوده على هاي وكده ، لا مش تعبانه ولا حاجه بس حاسه اني دايخه شويه، شويه كده وهبقي كويسه ان شاء الله، المهم قولى انت بتعمل ايه؟
احمد: بتفرج علي كرتون، اقعدي اتفرجي معايا، والله حلو اوى وكمان مضحك
قعدت معاه اسمع الكرتون وفجأة حاسيت انى مليت جدا من القعده قدام كرتون الاطفال
انا = بقولك م تغير هات حاجه تانيه.!
احمد: حاضر اجيبلك ايه؟
انا = هات فيلم او مسلسل اي حاجه
احمد: اااه بس معلش يا اسراء انا مسستم التليفزيون ع البرامج والكرتون بس..
اتصدمت من كلامه، يعني ايه مسستم التليفزيون ع البرامج والكرتون بس! دى شكلها هتبقي عيشه منيله بنيله يا رييي
أنت تقرأ
تزوجت مُلتحي رغم عني بقلم #sherry Essam (داعية المستقبل)... 🖤
Short Storyممكن حاجه تحصلي نظمها شر بس هو الخير كله بإختصار كل محنه جواها منحه قال تعالي بَاطِنُهُ فِيهِ الرَّحْمَةُ وَظَاهِرُهُ مِن قِبَلِهِ الْعَذَابُ قال تعالى: "كُتِبَ عَلَيْكُمُ الْقِتَالُ وَهُوَ كُرْهٌ لَّكُمْ وَعَسَى أَن تَكْرَهُوا شَيْئًا وَهُوَ خَي...
