الكل بزعيق ورعب وهما متجمعين حوالين ياسين ..
ياسين ارفع راسك فوق عشان الدم ياسين خد نفسك اسعاف بسررررررعة ياااااااسين متغمضش عينك يااااااااسين ......
زياد برعب .... ياااااااااسين افتح عينك قووووووم بقولك يااااااااسين افتح عينك ....
كان في دوامه مش سامع غير صوتها وهي بتقوله (أنا بمووووت) الدم بينزل من أنفه بكميه غبيه ووقع ع الأرض شايف كل حاجة حواليه ضلمه وسامع صوتها وبس ....
ساجدة بهسترية وبكاء..... ابني لاء قوم ياسين اسعاف بسرعة .. اعمل حاجة يا زياد أنا عاوزه ابني قوم ي ياسين ...
قومه زياد وأدهم وسليم أخو ياسين شالوه وحطوه ف العربية وركب زياد وساق العربية بطريقة هستريه ووصل مستشفي الجارحي في وقت قياسي نزل زياد ونزلوا ياسين ودخلوا المستشفي وهناك أول العمال م شافوا زياد الكل بقا بيجري بيسند ياسين وجابوا ترولي ودخلوه العنايه و الدكاتره دخلت وراه ....
سند زياد راسه علي باب العناية برعب وعصبية من كل حاجة ابنه بين الحياة والموت ... وقعدت ساجدة تبكي بعصبية لحد نفسها م بدأ يقطع جامد زياد قرب منها وحضنها جامد وفضل يقولها أنه هيبقا بخير ان شاء الله
قبل اللي حصل بساعة ....!!!!
خرج ياسين من المستشفي بعصبية رهيبه بعد سارة م قالتله انها مش محتاجة مساعدته وانها خرجت من المستشفي قبل هو ميشوفها .. رجع البيت بعصبية كبيرة ركن عربيته ودخل البيت ولسه هيطلع أوضته سمع صوت ساجدة من وراه....
ساجدة .... ياسين (لف وبصلها ومتكلمش بس كان عنيه حمرا جداً ) هتفضل متجنب الكل كدا ومش بتتكلم ليه عشان حتت بنت خليك فاهم يا يسين انا مش هخاطر بحياتك عشان حد انت فاهم كفايه انك عندك الربو دا شئ في حد ذاته هيشلني من الخوف لكن مش هسيبك تخاطر بعمليات وتشيل حاجة من جسمك عشان حتت بنت لاء انسي ....
هنا ودقت كل معاني الخطر عند ياسين معتش قادر يستحمل السكوت بدأ يزعق ويقول .... باااااااااس بقاااا أنا تعبت تعبت من كل حاجة مش قادر أستحمل وجع قلبي مش قادر أخليكي زعلانه مني مش قادر ابص في وشك ولا قادر أكلمك انا تعبت هي بتبعدني وانتي كمان بتبعديني هي بتموت قدام عيني وبشلها وهي غرقانه دم بين إيدي بشوفها بتموت وانا في ايدي الحل ومش قادر اتحرك عشان متكتف بسبب ساعتك ارحموني بقا انتم همكم نفسكم وبس وانااا فين وسط دول قلبي فيييييييين انا بكرهكم كلكم وبس ( كان بياخد نفسه بصعوبه) أول ما شوفتها ساحرتني بشكل مش معقول كان قلبي هيقف لما كانت غرقانه دم بين إيدي كنت عايش في نار وانا كل يوم بستني تلفون يقلولي فيها انها ماتت كنت بخاف أغمض عيني مشوفهاش قدامي تاني كنت بخاف يوم جديد يبدأ ملقهاش قدامي مشفش ضحكتها بقيت بخاف اروح الكلية مشفهاش احميني بقا وافقي ......
أنت تقرأ
رفيق العمر
Romanceحاول ياسين ينسي ومسك القلم ولسه هيكتب عنوان المحاضرة لكن سمع صريخ بنت برا وكان صوتها عالي جداً لدرجة أن كل اللي في المحاضرة طلعوا ....
