شيخ وعشك ضابطة

البارت الحادي عشر

الشيخ صكر: شفنه كلنه السيديات مال نيشانها ومن عرفة قصتها هيه وكيان صدك غرت منو صح هوه ميت بس صدك مرام طلعت بنت اصل حت بعد موت كيان ضلت تحبو وما قبلت تزوج بعدو  بس نقهرت عليها كل هل معانات  عاشتها وبعمر صغير  خطيبها مات  اوف بس من حرمة زلم  الدنيا كلها عليها يعني خلص بعد ما تزوج  اوف  راحت  من يدي بنت كلبي  ثاني نهار رجعنه واني صرت شخص ثاني قليل الكلام ما اتواجد بالبيت اهواي كلها بالديوان والفصول او بالمحكمة مرت الايام وعرفة بعد باجر ذكره وفات كيان ردت اروح اشوفها شراح تسوي وصدك ثاني نهار رحنه عليهم كلنه وصلنه وستقبلونه احسن استقبال كاعدين ونزلت مرام لابسه اسود باسود كالت

مرام: سلام عليكم

الكل:عليكم السلام

مرام:ثاني يوم راحو اهل صكر وبيتنه ما فرغ من الخطار وخواتي هم عدنا وضلو يحجون عليه واني طنشتهم ما رديت على احد ضلو يومين ورجعو على بيتهم مشت الايام عادي وممله بقه يوم واحد على ذكره وفات كياني كعدت الصبح بدلت ولبست كابوي اسود وقميص اسود وحذاء (تكرمون) سوده وشعري لايمتو ومكياج ما خليت ونزلت تفاجئت شجاب اهل صكر كلت

مرام:سلام عليكم

الكل:عليكم السلام

مرام:تصافحت وياهم ورحت بست راس الحجيه وابو صكر وام صكر وكعدت  ماسكه فوني واقلب بصور كياني وفصلت عن العالم كلو ما اشوف الا نسحب الجهاز مني باوعت حسام كبالي كتلو 

مرام:حسام انطيني جهازي

حسام:ما انطي الجهاز كافي بطلي خبال كيان مات الله يرحمه

مرام: انطيني جهازي ما ماثره عليكم بشي كياني صح مات بالدنياء بس بكلبي بعده عايش واذا ما نطيتني جهازي تعرف شسوي

حسام: وهوه يذكر نرجع للماضي بعد موت كيان مرام جانت هم ماسكه الفون وتباوع الصور كيان وحسام اخذ الجهاز منها وحاولة تنتحر بس ما ماتت وحسام من ذاك الوكت  يخاف يسوي مره ثانيه لا تنتحر اختو نرجع للحاضر

حسام:ها لا لا خذي بس لا تسويها ولله بعد ما اعيدها

مرام:لا خلص الجهاز بعد ما يلزمني خلي يمكن جاو

حسام:مرام وكفي ولله اسف وعد بعد ما تنعاد

ابو مرام عزام: بنتي لا تسويها الله يخليج

ام مرام غزل: بنيتي فدوه الطولج بداعت كيانج لا تسويها

مرام:وكفت واني اسمع امي تحلفني بداعت كياني نزلت دمعه من عيني بس مسحتها بقوه وانداريت على ماما وركضت  حضنت امي وابجي على خيباته املي وعلى خطيبي وحبيبي وانا اتذكر لوله موت كيان جا هسه اتحضر  لزواجي سبوع واحد واصبح عروسه لحبيبي ابجي بقوه واكول ليش عافني وراح ماما اني بحاجت كيان اني لازم اموت حت اروح يم كيان تعرفين كل يوم قبل لا انام ادعي اموت ومن اكعد الصبح اكول ليش ضليت عايشه اريد اموت اريد اموت

ام مرام غزل (هيه وتبجي على حال بنتها): مرام بنتي كافي بجي ميصير كولي الحمدلله لا تعترضين على حكمت ربج

مرام:ماما تعبت تعرفين شنو تعبت انتي اكثر وحده تعرفين كيان شنو بالنسبه الي 

ام مرام غزل:اعرف يا بنتي ولله اعرف كافي بجي خذي جهازج عيدك

مرام: اخذت جهازي شفت المتصل اخو كيان حيدر اسمو الوو 📞

حيدر: الووو مرحبا مرام شونج 📞

مرام: هلا مراحب تمام الحمدلله انته شونك الاهل شونهم📞

حيدر: كلنه بخير  اكو شغله لازم تعرفيها 📞

مرام: شنو هيه 📞

حيدر: اذا تكدرين تعالي انتي واهلج حته تعرفين حقيقة موت كيان 📞

مرام: حقيقة موت كيان مسافة الطريق ونحنه يمكم 📞

حيدر:ماشي باي📞

مرام:باي 📞

ابو مرام عزام: شكو

مرام: بابا حيدر يكول تعالي انتي واهلج حته تعرفين حقيقة موت كيان

الكل: شنو

مرام: اي اني رايحه قبلكم ما اكدر انتظر اكثر

حسام:اصبري هسه كلنه نروح

مرام: اني رايحه قبلكم باي ركبت بالسياره اباوع انو صكر هم ركب بالسياره يمي كتلو شسوي انزل

صكر :امشي لان مراح انزل

مرام:ما جادلتو سقت السياره بسرعه واريد بس اوصل وصلت لبيت اهل كيان توني نزلت وصلو اهلي واهل صكر  طبينه كلنه لبيتهم وستقبلونه واخوتو جانو مجموعين وخواتي هم كاعدي وكلت

مرام: حيدر  احجي هاي كلنه مجموعين

حيدر:مرام انتي تعرفين كيان جان ضابط بالستخبارات ومحد مجان يعرف بس اني وانتي وكيان

مرام: اي اعرف اي صح جان يكول اذا احد عرف يصير خطر على حياتكم كلكم

حيدر: عصابة الذيب عرفو كيان ضابط  وكيان قبل لا يموت جان على طول تجي تهديدات وكل يوم يلكي ضرف بي طلقه وجماعة عصابة الذيب همه الي كتلو كيان وكيان ما مات بحدث سياره

مرام: اسمع كل كلمه يكولها واني مصدومه حبيبي مات مكتول واني ما اعرف ليش ما كلتولي

حيدر:هاي جانت وصيت كيان ما اكلج الا بعد ما تخلصين كلية عسكريه وهسه عرفتي خذي بثار اخوي خذي بثار حبيبج خذي بثار خطيبج خذي بثار رجلج

مرام: شهر واحد لا اكثر يا موتي يا موت عصابة الذيب .......

ملاحظه: طبعن كيان جان دكتور جامعي وضابط استخبارات وكرايب مرام بس من بعيد

وشكراً لمن مره من هنه وتركه⭐

احبكم وقرائه ممتعه