انا حبيت احط الاتنين مع بعض لانهم مرتبطين ببعض جداً
نبدأ:
١- وصف الشخصيات
انا لما بدخل على قصة و الاقي وصف مفصل للبطلة او البطل
ممكن اطلع من القصة و مقرأهاش او اعدي الجزء ده
اسهل حاجة في وصف الشخصيات انك تحطي كاست، و لو مش عارفة لاي سبب اعملي الجزء الاول كاست، و ابدأي في الاحداث
او دخلي الوصف في السياق زي:
"استيقظت الفتاة ذات الشعر الأسود اللامع..."
ممكن تكملي الوصف في نفس المقطع او تكمليه بعدين على حسب الموقف زي :
"نظرت لعينها الزرقاء البريئة....."
فكده يبدأ يتكون شكل البنت
و احسن حاجة ان الوصف متكامل يكون في جزء واحد علشان منضيعش.
٢- نوع الشخصية
تقريباً كل اللي بيكتبوا بيحطوا شخصية لازم تبقى حياتها جحيم و الشخصية دي غنية جداً لدرجة ان امها و ابوها بيهتموا بالفلوس اكتر منها و لو في الثانوية تبقى متنمرة و البطل ييجي ينقذها
او ابوها و امها مطلقين
او البطل/ة يبقى
EMO او Punker
زي هاري في افتر
ومفيش شخصيات متنوعة يعني لازم هاري يبقى
Punker
و بتاع بنات
و زين الرومانسي
و ليام العاقل
و نايل الاهبل اللي بيحب ياكل
و لوي برضه اهبل
يعني انا بحب القصص اللي بيبقى فيها كده بس لما يبقى الواتباد
99.9%
منه قصص زي دي اكيد هيجيلي ملل و على فكرة مش كل اللي في امريكا او لندن الخ..
بيبقوا مطلقين في ناس هناك عايشين حياتهم كويس جداً كأسرة مرتبطة ببعضها
و مش لازم القصة علشان لون دي تبقى في لندن ممكن تبقى في اماكن تانية.
٣-الاحداث
انا شرحت شويه احداث بس في كمان
لو القصة ون دايركشن فيها مشهورين يبقى لازم البنت تبقى محظوظة و يختارها من بين خشروميت بنت غيرها
اللي قولته ده لما البنت تبقى فحفلة
انما لو بره الحفلة فالبنت بتخبط فيه و هي ماشية
انا لما بقرأ الحجات دي بيجيلي شلل اطفال والله
خبطها من بين خشروميت وحدة
طب ازاي يعني O.o
على فكرة ممكن تعملي حاجة تخلي الموضوع مش اوفر و هي انك متبدأيش القصة مع البنت ابدأيها مع العضو من الفرقة اللي هيقابلها و خلي جزءها كبطلة يبقى بعد الحادثة دي.
و قصص العلاقات الغريبة زي لاري الخ....
لازم يبقى واحد برضه
Punker
و التاني خجول و انطوائي
اقسم بالله في افكار تانية علشان تجذب القارئة
بس مش عارفة ليه كده
قصدي ان الاحداث هي هي بس بتفرق في حجات بسيطة فياريت لما تيجوا تكتبوا قصة تنوعوا
و شكراً
