Hindi magpapahuli, hindi magpapatalo
kahit walang makain, basta nasa uso ako
kahit walang pera basta bibili ako
gusto koy ganoon, gusto koy ganito.
uso ang kalbo? nagpagupit ako
nang mauso ang ubo bumili din ako
usong malungkot? malungkot din ako
pumatok ang gwapo; meron na ko nito.
bilis magpalit ng uso sa mundo
kaya nagtanong ako sa kaibigan ko
kung ako ba ay nasa usong gwapo?
sagot ay oo, nung di pa uso ang tao.
di mahalaga kung ikaw ay nasa uso
di rin mahalaga kung gamit mo ay bago
tanungin mo muna sarili
wala ba akong tinatapakang tao?