ONE SHOT

Moon

𝗙𝗹𝘆 𝗠𝗲 𝗧𝗼 𝗧𝗵𝗲 𝗠𝗼𝗼𝗻

Ikaw ay aking kaibigan
Na aking hinangaan
Ang aking paghanga ay hindi ko inasahan
Na aabot ng gan'to kalala.

Minahal kita ng palihim
Kinukuhanan ng litrato mula sa malayo.
Para kang buwan na sobrang ganda at kinang,
Lahat ay hinahangaan at iniibig ka.

Sobrang laki ng distansya ko sa iyo
Sobrang layo at taas mo.
Hindi kita maabot,
At alam kong hanggang tingin na lang ako.

Ngunit hindi ko inasahan na
ikaw ay may tinatagong pagtingin din sa'kin.
Napuno ng paru-paro ang aking tiyan
Ganoon na din ang aking kapaligiran
Para bang nililipad ako ng mga ito papalapit sa iyo,
Aking buwan.

𝗧𝗮𝗹𝗸𝗶𝗻𝗴 𝗧𝗼 𝗧𝗵𝗲 𝗠𝗼𝗼𝗻

Ang saya na naramdaman ko noon
ay napuno ng sakit ngayon
Walang araw na ako'y hindi lumuha
Walang araw na hindi kita inalala

"Ano ang aking nagawa?
Ano ang aking pagkukulang?
Hindi ba ako sapat?
Bakit ako'y iyong iniwan?"

Ang aking tanong habang naka-tingin
sa madilim na kalangitan
Na pinalilibutan ng mga makikinang na bituin
Habang sa gitna nito ang napaka-gandang buwan.

𝗧𝗮𝗸𝗲 𝗛𝗲𝗿 𝗧𝗼 𝗧𝗵𝗲 𝗠𝗼𝗼𝗻

Ako'y patuloy na nasasaktan,
Ngunit ako'y lumalaban.
Ayokong pag-sisihan ang lahat,
Gusto kong gawin ang aking makakaya
para bumalik ka sa akin.

Ngunit hindi ko kaya—
Hindi ko na kinaya
Lumalaban ako habang pinaglalaban mo siya—
Ang aking kapatid.
Bakit siya pa?

Ako'y nag papa-ubaya
At ikaw ay aking pinapalaya.
Ngunit bago ko ito tapusin
Gusto ko lang sabihin—

Sana maging masaya ka—sa iyong araw
Sana mapasaya mo siya
Lagi mong iparamdam sakaniya ang pagmamahal mo
Lagi mong sasabihin sakaniya ang salitang,
"mahal kita," 𝒎𝒂𝒉𝒂𝒍 𝒏𝒂 𝒎𝒂𝒉𝒂𝒍 𝒌𝒊𝒕𝒂.