في محافظة الإسكندرية في بيت عائلة سليم المنشاوي داخل غرفة بطلتنا كانت نائمه تدخل عليها والدتها
الأم : حياه يا حياه قومي يا حبيبتي كفايه نووم قومي يا كسووله
حياه بنوم : حاااضر يا ماماااا
الأم : يا بت قومي بقى
حياه : يووه يا امي انا نايمه امبارح بعد الفجر سيبيني يا ماما عاوزه اناااام
الأم : طب نايمه ليه بعد الفجر كنت بتعملي ايه
حياه و هي بتتعدل : ابدا يا اختي والله ما فيش كنت بذاكر شويه وبعد كده صليت قيام الليل وبعد كده صليت الفجر بس والله
الأم بضحك :طب يلي يا آخرة صبري قومي خدي دش واتوضي وصلي الصبح علشان الفطار
حياه وهي بتقلد امها : حاضر يا اول صبري
الام و هى بتقلع الشبشب : امشي يا بنت الجذمه
حياه وهي بتجري نحيه الحمام و بضحك : هههه حاضر حاضر
الام خرجت وحياه دخلت الحمام
تحت على سفره الطعام
الجد سليم : عملت اي في الصفقه الجديده يا يوسف
يوسف : كله تمام يا حج جاسر شغال عليها كويس قوي
الجد سليم : تمام
يارا وهي بتتزحلق التربزين : صباحووو
جميله وهي مسكه الشبشب وبتضرب يارا : مش انا قلت بلاش حركات الولاد دي دول اخواتك الولاد ما بعملوش كده
فارس وهو بيتزحلق : صباح الفل على الياسمين
يارا بسخرية : فعلا مش بيعملوا كده خلاص يا ماما
سليم / يوسف بيضحكوا على منظر جميله
فارس بعدم فهم : هو في أي
جميله بصدمه : ايه يلي عملته ده
فارس بجهل : انا عملت اي
جميله بغضب : يعني انت مش عارف انت عملت ايييه
فارس وهو بيبلع ريقه : والله معملت حاجه
جميله بغضب وبتضربه بشبشب : وكمان بتحلف
فارس بصريخ وجري : عااااا والله معملت حاجه قوليلي انا عملت ايييه
يارا بضحك : سلم على الشهداء يلي معاك ههه
فارس : شهداء مين قولي امك ملها
جميله وهي بتحدف فرده على فارس والتانيه على يارا :
انتوا لسه هترغوا يا بن الهبله انت و هى
يارا بوجع : اااه طب ليه كده بس يا نبع الحنان
فارس بوجع : والله يا ماما منا عارف عملت ايه علشان تعملي كل ده
جميله بصتلهم بقرف و دخلت المطبخ
فارس وهو بيعرج : ااااه يا صغير على التعب يا فارس اااه و وجه كلام لي سليم ، ينفع يلي بتعمله مرات ابنك ده يا حج ااه ياني ياما
سليم بضحك : ههه احم معلش يا بني استحمل امك بردو
فارس وهو بيعوج بقه : وانا بعمل اي غير أن استحمل
يارا : خلاص يا عم مانا انضربت زيك اهو الله
فارس : الا قوليلي هى امك ملها نزله فينه ضرب ليه هو ابوكي اتجوز والا اي
يوسف وهو بيرمي عليه الجرنان : اي يا حيوان الكلام ده أخرس علشان لو امك سمعت الكلام ده انا وانت مش هنبات في البيت
فارس وهو بيتلفت حولا نفسه بيشوف أمه سمعت ولا لا : اه عندك حق يا ابو الحجوج
يوسف بقرف : ابو الحجوج طب كل كل
فارس : منا باكل اهو يا عم بس برضه لازم اعرف هي كانت متعصبه ليه
يارا وهي بتاكل و بلامبالاه : لا ابدا هى متعصبه مني انا علشان بتزحلق على التربزين وبتقول انا اخواتي الولاد مش بيعملوا كده وانت عملت علشان كده
فارس : ااااااه علشان كده وآلله انا افتكرت حاجه كبيره على كل الضرب ده
يارا : لا متفتكرش
قاطع كلامهم صريخ جاسر
جاسر : __________
~~~~~~~~~~~~~~~~~~~~~~~~~~~~~~~~
( وكده خلص البارت الاول )
( يا تره جاسر بيزعق ليه )
( و يا تره ايه يلي هيحصل )
( انتظروني في البارت القادم)
{ بقلم : حبيبه محمود }
بيبووووووو ♥️😘
أنت تقرأ
احببتها ولكن لم اعرفها
Lãng mạnهي بنت مجنونه وطيبه جدا و متواضعه جدا غنيه و بتحب عائلتها بتحب الغناء و قريبه من ربنا ، هو طيب و مغرور في نفس الوقت وعصبي غيور اوي وبارد غني بيحب عائلته و قريب من ربنا هيسمع صوتها ويحبها بس مش هيعرف شكلها
