ماده خام للتنمر

بدايه غير متوقعه

فى شقه فى الزمالك
انا مايا عندى سبع سنين النهارده طنط هدى صاحبه ماما جايه تزورنا هى وابنها أسر ماما قالتلى انها مشفتنيش من وقت سبوعى عشان كانت مسافره برا هى وعمو جوزها عشان شغله فى الامارات ونفسها تقابلنى بصراحه ماما بتتكلم عليها كتير وانا حبيتها من كلام ماما ، مش عارفه حاسه ان اسر هيبقى صحبى انا اصلا مش عندى صحاب مش عارفه ليه محدش بيرضى يكلمنى فى المدرسه بعد مروقت انا وماما البيت وبدات اساعدها فى عمايل الاكل بعد مخلصنا بشويه جرس الباب رن فرحت فتحت الباب ولقيت ست حلوه اوى ومعاها طفل اكبر منى او قدى
هدى: انتى مين يا شاطره

مايا بطفوله : انا مايا وحضرتك طنط هدى صح ؟

هدى وظهر على وشها الاستغراب :اه صح

جت ماما من ورايا

الام : كدا يا مايا مدخليش طنط وسيباها على
الباب ، اتفضلى يا هدى البيت بيتك

دخلت طنط وانا وماما روحنا نحضر السفره

هدى: واد يا اسر ملكش دعوه بالبنت دى

اسر ببرائه : ليه يا ماما

هدى:كدا يا حبيبى اسمع الكلام وخلاص

قعدنا على السفره وماما وطنط فضلوا يتكلموا كتير فى حاجات ممله ،خلصنا الاكل و ماما عملت شاى

الام : مايا خدى اسر يا حبيبتى وروحوا العبوا فى
اوضتك باللعب

هدى : لاء لاء خلى اسر جمبى عشان ميتشقاش

الام : ولا شقاوه ولا حاجه مش هيبقى شقاوته ازيد من مايا يعنى

هدى بامتعاض : طيب

دخل اسر ومايا الاوضه ومايا فضلت تحاول تلعب معاه بس هو مش راضى

مايا : اوف يا اسر انت مش بتتكلم ولا بتلعب معايا ليه ؟

اسر : كدا يا مايا مش عايز

مايا : طب تعالى بص المسدس دا ونلعب كاننا ظبات  شرطه

اسر : الله دا حلو اوى بس بردو مش هينفع نلعب

مايا : ليه يا اسر مش هو عجبك ؟

اسر : اه بس بصراحه ماما قالتلى ملعبش معاكى

مايا : ليه

اشر وهو بيرفع كتفه : مش عارف بس انا لازم اسمع كلامها

مايا : طب تعالى معايا نسال طنط وانا هخليها تلعبك معايا

اسر :بجد

مايا : اه يلا

مايا كانت هتدخل بس سمعت صوت هدى بتتكلم
هدى : متزعليش منى بس انا مش عارفه ازاى بنتك انتى وياسر تطلع كدا .

الام : مالها مايا يا هدى

هدى : ملهاش بس هى مش حلوه يعنى الواحد كان متوقع انك جميله وملامحك رقيقه وياسر ملون وعنيه خضرا فاكيد بنتكوا هتطلع حلوه مش كدا ابدا
الام بحزن: هى طلعت شبه جدها مش شبهنا

هدى : متاخذنيش بس هى حتى مش ملامحها بس اللى مش جميله كمان شعرها مكتكت و صمرا

الام : مقلتلك طالعه شبه جدها فى كل حاجه

دخلت مايا وهى بتعيط

مايا : عشان كدا يا طنط حضرتك قلتى لاسر ميلعبش معايا 🥺

هدى ساكته مش عارفه ترد 😳

مايا : انا كمان مش عايزه اللعب معاه 🥺😭

وجريت على اوضتها وقفلتها ورمت نفسها على السرير تعيط

هدى : انا اسفه يا حنين انا مكنش قصدى والله انا بس كنت مستغربه

الام: لا ولا يهمك اقعدى كملى شايك

وفعلا قعدوا شويه يتكلموا تانى واسر كان زعلان على مايا اوى وقاعد ساكت خالص وبعدين روحت هدى واسر ودخلت حنين تشوف مايا

حنين: مايا انتى منمتيش ليه

مايا بعياط :ماما هو انا وحشه اوى 🥺💔

حنين :لاء طبعا يا حبيبتى مين قال كدا

مايا : طنط هدى

حنين : لا يا حبيبتى هدى مقلتش انك وحشه هى
بس مستغربه عشان انتى مش شبهنا انا وبابا لكن انتى زى القمر

مايا بضحكه : بجد يا ماما

حنين : طبعا يا حبيبه ماما

مايا : طب طالما كدا ليه مخلتش اسر يلعب معايا

الام :عشان اسر شقى فمش عيزاه يعلمك الشقاوه
ويلا بقى نامى فى مدرسه الصبح بدرى

مايا : تصبحى على خير يا ماما

حنين: وانتى من اهله يا روح ماما

وفضلت مايا قاعده تفكر لانها مقتنعتش بكلام مامتها ، وفكرت ان هى ملهاش صحاب عشان هى مش حلوه ومفيش بنات بيرضوا يلعبوا معاها ونامت
وهى بتعيط 🥺💔

------------------------------------------
الكلمه اللى بنقولها بتفرق كتير اوى فى نفسيه اللى قدامنا بالذات لو كان طفل لان شخصيته بتبقى لسه متكونتش ياريت نفكر قبل منتكلم
"لو مش هتقول حاجه لطيفه يبقى متقولش "
استنوا باقى القصه وقولولى رايكوا و توقعاتكوا للى هيحصل فى البارتات الجايه