أسيرة في قفص حبك

البارت العاشر

صوت طلقات ومسيقه اقترب من بيتنه
طب ياسر وكال اجت الزفه عمي

كام ابوي وامي جرتني كعدتني بمكاني.
وني والله العظيم كلشي ما مستوعبه
بحاله ذهول شنو اني بحلم لو بها
كعدتني بمكاني وهي تسب بيه
يافكر يلططوه تخيلوا عروس ولابسه بدلته وأمه اتكله يلبومه يلططوه يلفكر عساج لا تهنيئتي هاي امي وهاذه يوم وذاك يوم وما نسيت كلامه
طبت عمه وبناته وكرايبهم ولهلاهل والجكليت. ترس الكاع ترس بحيث من امشي على الجكليت كمت اجت عمه وقمر فرحانات بس روان وجه ما يكصه السيف ألشويه كالو ياله

ابوي وده ممنوع وحده تروح وياه وده علبه لامي اجت فكته كدام النسوان ولبستنياه جانت كلاده ذهب خارطه العراق.

ألشويه طب معتصم وطبو اخوتي وأبوي وعمي اجه باسني من جبيني صاح أمه
معتصم ياله يمه جيبو العبايه
جابو البرنص لبسونيا كمت ومد أيده معتصم حته الزمه رفعت ايدي على القلاده وكطعته ورجعته بمكاني كدامهم كلهم امي وأبو رادو ينفجرون. لان هنتهم بس همه. ذبحوني بكلامهم تمنيت لو ميته ولا هاذه اليوم كضبت بدلتي بثنين اديه ومشيت وما كضبت أيده اجت عمه ساعدتني هي وقمر طلعت وربعه حركو الجو بلرمي بس عمي ادم طلع وراي ركبت بل سياره وركب هو يسوق
ونطلقنه لبيته. طول الطريق ساكته
وهو ابد ما حجه
والسيارات والطواط والمسيقه والرمي والرقص مستمر. بيني وبين نفسي شيصير لو هسه اني اضحك وفرحانه بزواجي وبحب اهلي المادام ٥ ساعات

وصلنه للبيت ونزلوني وتلكاني ولد ذبح الخروف على حذاءي

عمه كانت فرحانه وقمر ما بطلت ركص وروان كالبه خلقته هو نزلني وراح يم ربعه وتعشينه وبعد العشه ودو كالو راح نزفه اخذوني الغرفه وفتت وشفته كانت حلو والديباج الابيض مفروش
ومفتوح بنصه القرءان وراسمين قلب بل جكليت والغرفه متروسه. نفاخ. وشموع قفلت الغرفه وكعدت يم الباب اباوع عليه هاي سوالف قمر. سمعته دخل للصاله وسده. وسمع صوت هلاهل عمه وقمر. ما بجيت ولا نزلت دمعه من عيوني كنت مصدومه لحد لان كنت اباوع على الشموع. وهن ينطفن اني مثل الشمعه نطقت فرحتي وغابت ضحكتي. اندك الباب
معتصم. افتحي الباب جنى خل نسولف

من سمعت صوته وتذكرت كلشي سوا وكل كلامه. بعد ما كدرت اسيطر على دموعي كمت ابجي بصوت مخنوك
معتصم فتحي حبيبتي. والله احبج. خل نسولف ونتفاهم

تهسترت من كال حبيبتي كمت أصبح
مو حبيبتك اني حقير الله يلعنك ليش هيج. شنو سويتلك ليش ليش

معتصم لا تجاوزين وخل نسولف افتحي الباب. ربعي متانيني بره
من كال هيج
باحلامك حقير الله ياخذك انته وربعك. يا حيوان يا سافل والله اقتل نفسي أذى تقربتلي

معتصم لا تجاوززين ما اتقربلج إلى برضاتج بس افتحي الباب.

جنى بعد ما جاوبته طلع وسمعت صوت الصاله نسد. وسمعت صوت الرمي.

اندك الباب
سماء ماما جنى افتحي الباب
مسحت عيوني وفتحت اله الباب لكيت روان وياه
روان. شو انتو صدك ما تستحون ليش ولج ما مخليه اخوي يطب الغرفه لا وبعده البدله لابسته
سماء. امشي روان ومعليج بهاذه الموضوع انتي همه يتفاهمون علي
روان بس ماما
سماء. شكلت اني امشي ولي
حاضر
طلعت روان
سماء اكعدي حبيبتي
شوفي جنى. ابني غلطان من ساسه لرأسه بس انتي اوكفي وياه وبنفس الوقت عاقبي على غلطه
جنى ما خليته تكمل نزلت يم رجليه فدوه عمه. بداعه قمر. لا تحجين ما أريده اكره. فدوه لا تخلي يجي يمي كليله. اعيش يمكم حالي حال قمر كلشي ما اريد منكم بس تحملوني سنه وارجع لبيت ابوي
سماء. بس هاذه مو حجي ياعيني اني اريدج حنه الي وام احفادي وهو يحبج

جنى فدوه عمه بروح زوجج ما اريد اكره والله خلي بعيد عني واني باجر انقل غراضي بغرفه قمر وما عليه بي انتي مو تحبيني فدوه عمه اكفي وياي

سماء. هسه انتي تعبانه وما جاي تفهمين عليه ارتاحي وغيري بدلتج ونامي وما يصير خاطرج إلى طيب

راحت عمه واني نمت بدلتي. كعدت وهيس ثكل على شعري وحصري
لكليته هو فاتح شعري ونايم علي طبعن اني شعري كلش طويل واسود وثخين وبل صالون ما ميشته سويته خصل كالت ما يتميش الى اكصه واني ما قبلت اكصه نايمه بإبدله وشعري فارشه ونايم علي ويده على خصري من شفته يمي كمزت وكمت ابجي بصوت عالي هو فز من نومه
معتصم. بسم الله شبيح جنى
شتسوي هنا. ها وابجي وأصيح
معتصم شبيج بابا شبيج. تخبلتي غير غرفتي وعريس ونايم يم عروستي وبغرفتي. قابل انام للشارع

كمت أفتر بل الغرفه. وبعدين رحت الكنتور افتح كمت الم بملابسي
شدسوين
راح اروح يم قمر اني كلت لعمه
شبيج تخبلتي. شبيح جنى
ما بيه سلامتك فرحانه ومتونسه بيوم عرسي. من شخص ساوم على سمعتي وشرفي

اني حسبالي تختلفين عنهم طلعتي أمر منهم
اتركي لابيدج وخل نتفاهم تره بده ينفذ صبري

دمتم بخير 🌹❤️🌹
اتمنى البارت نال اعجابكم
لا تنسو التصويت وابداء آراءكم بل تعليقات 🌼🌼🌼