يكول الشاعر.......
كلشي مايكول تعالو عالقصه 😂💔.
السلام عليكم اني مروان من أهل الحويجه عمري
٢٣ سنه عايش ويه امي واخواني الثنين محمد وحسين محمد أكبر مني وحسين اني اكبر منه محمد مزوج وعنده جهال ٢
المهم يوم رجعة من الشغل تعبان حيل
جان يوم ضربه الصهرج مال الحويجه اني بهذاك اليوم جنت اعاون عمامي بالبستان يعني نحصد ونزجي وهيج شي المهم ورجعت كلش تعبان عالبيت
واخوتي الثنين يشتغلون بالسوك محلات ومحمد جان يشتغل حلاق
وبذاك اليوم صارت ضربه حي الصناعي وجان يتدمر
محل محمد بالضربه
المهم اني نمت باليل بس ميت تعب
ثاني يوم الصبح ندهني محمد وكال خل نروح نجي تالي غراض محلي اني جنت حيل تعبان ومابيه حيل اكوم تغذرت منه
محمد:كوم يخوي نجيب غراض المحل
مروان:والله مابيه حيل يخوي
محمد كال لحسين انت تعال وياي
كام حسين ويه محمد قبل لا يطلع كعدو ويه امي بالحديقه سوالف وضحك وهيج رد محمد وكالي راح البس شحاطك لأن نعال مكشوم كتله يمعود جنك عالشحاطه أخذها المهم هم راحو اني طلعت عالحديقه بس حيل حسيت نفسي مخنوك
كلت خل ارجع انام ويه ما فتت عالغرفه
جت السيخوي (نوع طياره) صار القصف اني طلعت اركض تا اشوف اخوتي وين دحجت عالدخان من بعيد عرفتو قريب على دكان اخوي طلعت اركض
لاكاني سامي جيرانه كتلو شفت ولدنه كال لا والله بس امشي خل نروح ندور الهم
بهل حجي جاني حسين
كتلو ها حسين وين محمد كالي لم الغراض وهسه يجي وراي
رحنه اني وسامي نركض عالمكان الضربه
عبرنه حيين (منطقتين) والجسور ركض
وصلنه مكان الحادث يم محل محمد
َاني اركض وادور لمحمد
واند ادور لكيت واحد لكيت اخوي محمد مرمي
عالكاع وسبحان بدمو وثنين دواعش فوكا
كللولي لاتبجي بعدو طيب بهذا الحجي اخوي جان عند لحيه بزم الدواعش لأن جان ممنوع واحد يشيل لحيته
فجابو سياره دير بيها براميل كاز حطو اخوي فوك الكاز بالبودي تا نودي عالمستشفى فه جيه واحد من الدواعش شايل ايد مال بشر مكطوعه ذبها فوك اخوي اني جنت فاقد اعصابي
فذبيت الايد عليه كتله هسه خل ننقذ البشر الطيب
وصلنه المستشفى واحنه بالطريق تمشي على أشلاء مال بشر شفت ثنين أطفال عمرهم تقربياََ ٨ سنين
واحد كاضب ايد الآخر وميتين والكلنس علكان عد روسهم اضاهر جانو يبيعون كلنس وصلنه المستشفى
ماكو مان ارمي اخوي
من كثر البشر
كمت اصيح حته احد ينقذو فه بذاك الوكت ماجن احد موجود كلمن ملتهي بنفسه والدكاتره جانو يسعفون بس الدواعش لأن جانو يخافون
رميت اخوي بحضني واني من راسي للكاع صرت دم
لأن اخوي جان ينزف
فجت مره بدون نقاب بوكت داعش جان ممنوع المره بدون نقاب اني بيني وبين نفسي كلت هاي لو خبله لو بيها شي
تمشي بلا نقاب فه من شافت محمد بحضني
كامت تبجي وتصيح علاوي علاوي هذا علاوي جارنه
اني كتلها خاله يا علاوي هذا اخوي محمد
كالت هذا جارنه علاوي الصبح طلع بهاي الملابس
اني بذاك الوكت جنت مو صاحي من شدت الرعب والموقف نفسه حطيت ايدي بجيبو حته اشوف هويته مالكيت لكيت بس فلوس بس فلوس جثيره
انتبهت علملابسه
هاي مو ملابس محمد دحكت عالنعال أجلكم الله
هذا مو نعالي كان لابس حذاء ماعرف شصار بيه هذا مو محمد اخوي رميتو بحضن المره ورجعنه اني وسامي نركض واني كلي دم والعالم بالشارع كلها
ودحك كلمن يشوفني عباله اني مصوب يكلي هل نسعفك واني على وكضه وحده
وصلت بيت أهلي وجان اشوف محمد عالباب
اني بذاك الوكت ماصدكت رحت ركضت حضنته
واني ابجي واضحك كتله انت بعدك طيب
اني عبالي القصف عليك وحجيت لهم الصار وياي
ورجعه اني وخوتي عالمستشفى على علاوي
لكينا متوفي بيد المره شلنا ودينا عالمقبره
ورجعنه واني بهذا الوكت اعتذر من صاحب الايد إلي
جات فوك اخوي لأن جنت فاقد اعصابي
وهسه انام واكعد اروح اشوف محمد بفراشو وأحمد الله انه كلنه طيبين هذا الرعب عشنا وكت داعش الله يرحم الأموات ويحفض المسلمين
هذا جزء بسيط من قصتي الي صارت ويه داعش الله يساعد الناس ويصبرهم يجوز اني أقل شي هذا الله يصبر الأمهات الفقد أطفالها والنساء الخسرت ازواجها ولهنا خلصت قصه مروان من الحويجة
