#بدايتها_لعبه
ماسه: راقده
امل (ام ماسه): نوضي خلاص وقت ع مدرسه خلاص قريب سبعه ونص امته بتلحقي تلبسي وتفطري
ماسه: مارقدتش طول ليل وهيا تفكر شن قصه الي جت لعندي هذي مشاكل يجن لعندي 😞 خلاص هيا نايضه
اب ماسه (احمد) مسافر.
امل: هيا تعالي افطري سقدي 😒
بيب بيب صوت باص مؤيد معاذ هيا جاكم باص اطلعو بسرعه كما يسيبكم طلعو.
ماسه: من يبي يشيلني مدرسه يوم انا😌
امل: انا طالعه ع 9 خلي واحد من خوتك 😌
ماسه: اوف بهي
ماسه: مراد هيا شيلني
مراد: اصبري ندير شعري
ماسه: من يبي يبحت فيك صبح
مراد: مش شغلك 😒
وهما في طريق لحقتهم سياره في الاول ماسه مافطنتش بس بعدها قعدت كل ماتبحت تلقي سياره جنبها لعند ماوقفو في صمافرو بحتت في سياره زين لاكن كانت مظلمه ماعرفتش 😞 قعدت سياره تمشي وهيا وراهم لعند مادرسو قدام مدرسه نزلت تجري
ماسه: طبقت باب سياره بالقوة ونزلت جري
مراد: ياحيوانه باب نبيه مزال 😓
ماسه: خشت للمدرسه وتفكر في سياره وهيثم الي امس
( كانت مدرسه ماسه مختلطه ولها فروع ونفس الي قروه معاها في ابتدائي لعند ثانوي)
محمد (صديق ماسه من طفوله وديما بتاع مواقف ويصبي معاها)
محمد: كنك قالبه وجك من صبح
ماسه: دخلكش بيا خطاني هي
محمد ع راحتك
جاء وقت ترويح وكانت ماسه تنقل من سبوره وتبي تطلع هيا وصحبتها محمد كان يبي يطلع
ماسه: محمد نبيك في خدمه
محمد: شنو
ماسه: هاك رقم هذا واعرفه ليا في منظومة ليبيانا
محمد: كنك حد يضايق فيك
ماسه: لا لا نبي نقصقص عليه
محمد: بكل انتن يابنات فاضيات نشيش وقصقصه 😂😂
ماسه: 😂😂
ماسه: تراجي في هلها
لين نادو ع اسمها
ماسه: طلعت وحقت مراد وجت شور سياره تبي تركب وتبحت هك تلقاه نفس سياره مدرسه
مراد: ساعه عشان تطلعي
ماسه: سمعتش اسمي
مراد: عقلك وين
ماسه :😒😒
وهما يمشو وسياره نفسها تلحق فيها وعلي اعصابها
مراد: كنك تفنصي ستر 😂😂😂😂
ماسه: مش شورك
مراد: ربي يشفيك
وصلو للحوش فتح باب قراج مراد ويبي يخش سياره وتجي سياره تخطم من جنب باب وماسه في سياره فطنت
خشو جوا وامل حطت غداء
ماسه: نبش نتغداء عندش نيه في شي في عقلها ( حي عليا من هذا ياربي سترك يارب)
ماسه كلمت فون نور
نور: الو
ماسه: يانور سياره تلحق فيا يانور
نور: تبصري
ماسه: والله مانبصر حي عليا من هذا
نور: اهدي انتي بس مش عطيتي رقمه محمد توا يجيبلنا زبدته 😌
ماسه: زعمه سياره الي تلحق فيا هذا الي امس رن عليا
نور: مش عارف كل شي جائز 😫
ماسه ترن علي صحباتها
هدي :الو
ماسه: قتلك مش عندك خو اسمه هيثم معطيتي رقمي
هدي: لا مستحيل نديرها ووخويا م 93 يقرا ثانوي
ماسه: تمام شكرا
ماسه: ترن علي صحباتها تسال فيهن تعرفن حد اسمه هيثم ومافش وحده تعرف
مهند: كنك تخنسي ع تليفونات وخايفه
ماسه: لاشي
مهند: في حد مضايقك( في عقله هذي مش عارف شن دايره مش متريح انا)
ماسه: لالا
بعدها ع ساعه 12 رن فون
ماسه: مسكت فون من يبي يرن عليا في هاليل
لقاته هيثم ردتش عليه 😌
توقعاتكم يطلع الي يلحق فيها هيثم ولا لا
