فانتوم
الثالث
👑اللهم اغفر لي ولوالدي وللمؤمنين والمؤمنات الاحياء منهم والاموات 👑
في الصباح
فتحت لمار عيونها بنعاس لتلمح ساجد يقف أمام المرآة ويغلق قميصه ..
بصوت نائم : صباح الخير
لم ينظر لها : صباح الخير
جلست وهي تفرك يعينها ونظرت الي الساعه : انت هتنزل دلوقتي . مش معاد نزولك
رد ببرود : براحتي
لمار : طيب افطر الاول وانزل
ساجد : لا
وقفت واقتربت منه : اشرب حتي عصير
نفخ : قولت لا . مش بتفهمي
نطقت بحزن : بفهم.
جلست مره اخري علي الفراش وهي تنظر إلي الأرض وتحرك قدمها
نظر لها من خلال المرآه واكمل ما يفعله
انتهي من تصفيف شعره ليضع العطر المميز الخاص به .
ثم وضع اللاب في الحقيبه
لمار : ساجد .انا هنزل انهارده
ساجد : فين
لمار : هشوف شغل زي ما قولتلك
ساجد : لا
لمار : لا ليه . انت ناسي أننا هنتطلق ، وهحتاج شغل
نفخ : بقولك ايه . مش ناقص دلعك ده علي الصبح . مفيش زفت شغل . والطلاق هخاص بس اللي ورايا واشوف يوم نروح للمأذون
قضمت شفتيها و نظرت له بعتاب . ولكنه تجاهل إحساسه وأخذ حقيبته وخرج من الشقه
نظرت للامام بشرود وهي تتذكر قبل شهور
Flash back
وقف كامل بغضب أمام لمار
كامل : استعملتي حريتك وثقتي فيكي غلط . تعرفي امبارح جبتك منين يا هانم
لمار لا تتذكر شي حركت رأسها بلا
كامل بغضب : جبتك من شقه واحد . كنتي علي سريره و ساجد هو اللي اتصل بيا وقالي انه الزفت عايز يضحك عليكي ولحقناكي علي اخر لحظه
لمار ببكاء : بابا انا
قطع كلامها صراخ كامل عليها : بكره هتتجوزي ساجد
لمار : ايه . لا يا بابا . متعملش فيا كده . انا مش بحب ساجد. انتي شايف شكله مكعبر ازاي
كامل : هو انا بستاذن منك انا هجوزك ليه غصب عنك . الراجل مش بشكله .
لمار : عاقبني باي حاجه تانيه غير الجواز
