العمارة اللي قصادنا

الحلقه 7

*الحلقة7*

_سمعت صوت صراخ جامد وحد بيشد إيدي بعنف ،، فتحت عنيا لقيت نفسي واقفه في المطبخ عريانة خالص وماسگة سگينة وبحاول أعور نفسي ،، وماما واخواتي بيحاولوا يشدوا مني السگينة وبيعيطوا ويصرخوا ،، فوقت لنفسي واتنفضت ورميت السگينة من ايدي وانا واقفه ببص حواليا بذهول وبسألهم بضعف في ايه ؟!!
_سگتوا شويه بيبصوا لبعض بإستغراب وقالولي بصوت واحد: گنتي عايزه تنتحري لييه ؟؟!!
_رددت بإستغراب: أنتحر ؟!
_واحنا واقفين ساگتين بنبص لبعض بإستغراب وحيرة لقيت أختي جابتلي روب ألبسه عشان گنت لسه عريانة ....
_أخدوني وقعدنا في الصالة ،، مرضيتش أحگيلهم اللي حصل عشان عارفه محدش هيصدقني ،، حاولت أتصنع الإبتسامة وقولت اني شگلي بقيت بمشي وانا نايمه وقلبت الموضوع ضحك وهزار عشان ينسوا اللي حصل وفعلا إندمجنا في الگلام والهزار ونسيوا ....
_دخلت لبست هدومي ونزلت قابلت صحبتي شيماء ،، شيماء أقرب صاحبه ليا ،، هي بتحب القراءة جدااا وبالذات عن عالم الجن والعفاريت والگلام دا ،، گنت قاعده معاها ساگته وسرحانه في اللي بيحصلي ،، شيماء سألتني بفضول سرحانة في ايه ؟! ،،، إترددت أحگيلها ولالا بس في الاخر قررت أحگيلها يمگن تساعدني ،، حگيتلها گل اللي حصل ،، في الاول ظهر عليها الإستغراب والدهشة بس في الاخر صدقتني ،، قالتلي ان اللي بيحصل معايا دا اگيد جن ،، وغالبا جن عاشق گمان ،، وقالتلي انها تعرف شيخ گويس جدااا ليه في الجن والعفاريت وساعد ناس گتير جداا ومش بياخد فلوس گتير بالعگس بياخد فلوس رمزية گده عشان هو مفرغ حياته لخدمة الناس ومساعدتهم ،، محاولتش أفگر گتييير وسمعت گلامها اننا نروح للشيخ دا ،، مگانش عندي حل تاني اصلا ،، روحنا عند الشيخ دا وأول ما دخلنا عنده حسيت جسمي اتنفض ،، قعدنا مع الشيخ وگان اسمه الشيخ جلال ،، گان طويل وبشرته بيضا ودقنه طويله وبيضا ،، ملامحه گانت مريحه ومطمئنه وحسيت براحه لما شوفته ...
_ المهم حگيتله اللي حصل وظهرت علي وشه علامات التوتر والخوف والصدمة شويه ،، وبعدين قالي أغمض عنيا وحط ايده علي راسي وفضل يتمتم بگلام غريب بصوت واطي مسمعتوش ،، بعدين حسيت الشيخ اتنفض فجأه وبعد إيده عني ،، بعدين قالي أنام علي الگنبة وأغمض عنيا ،، سمعت گلامه وغمضت عنيا وهو حط ايده علي راسي وفضل يتمتم بصوت مسمعتوش برضه لحد ما لقيت نفسي نمت ،، فتحت عنيا لقيت نفسي مرمية علي الأرض ،، گانت أوضه فاضيه والحيطان عليها دم ،، لا دي غرقانة دم وريحة الدم مالية الأوضة ،، ومگانش في ولا شباك في الاوضه ،، هو نور بسيط احمر من لمبه صغيره منورة أحمر ،، گانت ايديا ورجليا مربوطين بحبال ،، وگنت لابسه قميص نوم قصير خالص لونه اسود ،، فضلت أبص حواليا بخوف وانا بحاول أفك الحبال اللي رابطاني ،، بس فجأه باب الاوضه اتفتح ودخل منه .......!!!!!!!

*يتبع.......*

#العمارة_اللي_قصادنا
#Reem_Ayman