اسكريبت♕♡«خطفت بلوة...بلوة قلبي»
꧁بقلمي: سلوي ♕حسن ꧂
مريم بعصبيه: شيل ايدك بقي ياشبح عشان متوحشكش
الراجل ماسك ايديها جامد ومبيتحركش
مريم بغضب: ياربااااي هو انت اطرش يلا ولا واقع علي ودانك نورني بس
الراجل بنفاذ صبر: اتهدي بقي بدل والله اضربك
مريم بردح: تضرب مين يادلعادي ده انا اعمل منك شاورما محمضه عشان اللي زيك ميتكلش
الراجل يادوبك مسكها من قفاه رجليها طارت من ع الارض
مريم بمرح: انت بتلعب سله نزلني ياعم والله اصوت
لكن فجأة مرة واحد سمعوا صوت جهوري........
سمعليكوووو انا مريم احمد مش شخصيه معروفه و مش غنيه وملامحي عاديه وامحاويه وعيني سودة وقصيرة ومن الشرابيه حاجه تاني اه وخلقي ضيق اووي عندي تلت اخوات (علي و سندس و يحي) انا اكبرهم وهما لسه ييدرسوا سندس ويحي ف خامسه ابتدائي و علي ف اولي اعدادي وانا متخرجه من كليه ألسن امممم وبدور علي شغل بجانب شغلي عشان اقدر اصرف علي امي واخواتي ابويا متوفي طولت عليكم بس كان لازم نتعرف بالعائله الكريمه ههههه
.
مريم بتنفخ بعصبيه: يووووووه رابع فندق وخامس شركه يرفضوني اي الحظ ده
تلفونها رن مريم: الوو
صاحبتها ندي: اي ياحجه فينك
مريم بضيق: بدور يختي علي شغلانه محدش راضي يقبلني
ندي بتفكير: استني كدا يابه انا افتكرت اسم واحد كدا كان محتاج مترجمه هكلمه عليكي واقولك
مريم بفرحه: يسلم بؤكك يابرعي
ندي بضحك: اشطا اجعفر هكلمك بليل
مريم: تماموز باللوز سلام
وروحت مريم للبيت ف الطريق
مريم نامت ف المكروباص ولقت اللي عمال يزق فيها
مريم بزعيق وعصبيه: اييييييه بتزقي ليه يابنتي انتي
البت بتكبر: بنتك اي ده
مريم عوجت شفتها زي ياسمين عبد العزيز وقالت بتريقه: ونبي ياختي انتي مش راكبه الچيب ولا الهامر ده مكروباص ياروح ماما
البت بصتلها بارف وقالت: انتي نايمه علي كتفي ليه
مريم بتذكر: معلش بقي ملقتش كنبه غيرو عديني علي جمب يسطااااااا
السواق بيخبط ع ودنه: طرشتيني اييي ده انتي اول كنبه
مريم وهي بتنزل: منا قولت يمكن السمع تقيل فعملت حسابي
مربم طول ماهي ماشيه بتسلم علي الناس
مريم بإبتسامة: صباح الفل ياعم مدحت
مدحت: صباح العسل ياجميل
مريم ضحكت: فكرتني ونبي هات بخمسه جنيه عسل
مدحت: عيني عايزة حاجه تاني
مريم بشكر: لا تشكر
وخدت العسل وراحت الفرن
مريم بتاخد عيش: صباحك قشطه ياعم فتحي ياجميل انت
فتحي بضحك: صباح النور يابكاشه اتاخرتي النهاردة يعني
مريم بتذكر: كنت بدور علي شغلانه والله الحمدلله
فتحي ابتسم: ربنا يجبر بخاطرك و يعوضك خير يارب
مريم بإبتسامة: يااااه ياعم فتحي احلي دعوه النهاردة ربنا يخليك يلا سلام ومشيت مريم وراحت تجيب بطاطس
مريم بتنقي الخضار: صباحك مانجا يامو محمد
ام محمد: صباح الفل يامريم عامله ايه
مريم بتبوس ايديها وش وضهر الحركه المصريه دي: الف حمد وشكر ليك يارب انتي عامله اي يامزة الحارة
ام محمد بضحك: ونبي انتي اللي مزة انا الحمدلله يابنتي بخير
مريم بتساؤل: مالك كدا حاساكي فيكي حاجه
ام محمد بحزن: مفيش يابنتي هو محمد ابني اللي تاعبني مش عايز يريحني
مريم بزعل علي ام محمد: معلشي يام محمد ربنا يهديه وانا هكلمه
ام محمد بفرح: بجد
مريم بضيق: مع ان مش بطيقه بس عشان خاطر عيونك
ام محمد بامتنان: ربنا يجبر بخاطرك ويفرح قلبك وتلاقي ابن الحلال اللي يسعدك
مريم بابتسامه: ايوه كدا الواحد يلاقي دعاوي حلوة تسلميلي
وخدت الحاجه وطلعت شقتهم لقت الكورة لزقت ف وشها
مريم بزعيق: انا مش قولت الف مرة محدش يلعب كورة ف الشقه
يحي ابتسم وقال: خلاص ياحبيبتي احنا اسفين
مريم باسته وقالت: ونبي انت عسل
سندس بغيرة: وانا بصل بقي
مريم ضحكت وقالت: انت مانجا فين علي
علي من وراهم: راح يجيب حاجه وجاي
حبيبه بتريقه: ياخسارة جبتله وحمته يلا مش مهم
علي جري عليها وقال: جبتي عسل
مريم لسه بتتريق:اي ده انت جيت امتي
علي ضحك: الساعه سته٦
مريم بشك: انت بتتفرج علي الخليل الكوميدي ياض ده انا اقتلك فيها خد العسل اهو
سندس ويحي: واحنا فين حاجتنا
حبيبه ابتسمت بحب وحنان: انتو بطاطس مقليه معايا انا وماما
سندس ويحي: yessssssssssss
مريم بلوي بؤ: الله يرحم
دخلت الاوضه لقت امها بتصلي راحت قعدت علي الكنبه واستنها لحد اما خلصت باست ايديها وقالت بحب: تقبل الله ياست الكل
ام مريم: منا ومنكم ياحبيبتي عملتي اي
مريم ابتسمت ملقتش شغل يامي واحد كان بيعاكسني والتاني بص للبسي والتالت خلقه ضيق واتشنق عليا والرابع
ام مريم بخضه: بس بس اي ده كله وانتي سكتي ما اكيد عملتي حاجه
مريم بتمثيل: ده انا غلبانه
ام مريم بضحك: اوي غلبانه اوي
مريم قامت و شدت الكرسي بتاع امها «ام مريم عاجزة»
وطلعت بيها برة: تعالي بقي نفطر وبعدين نتكلم هحمر البطاطس واجي علي طول
امها ابتسمت واومات بماشي
(في منطقه راقيه)
واحد بيكلم ف التلفون: اخطفه وهاتهولي
اللي ف التلفون: ياباشا ماهو هيبقي ف باص كبير مينفعش
إبراهيم بعصبيه: لما ابراهيم المحمدي يقول اخطف يبقي نفذ حتي لو هتخطفه من ميدان اخلص
اللي ف التلفون بخوف: ح حاضر يافندم
إبراهيم المحمدي شاب غني و عضو كبير ف مافيا عنيه بني وطويل وابيضاني من الاخر مز
إبراهيم راح قعد علي المكت والباب خبط
إبراهيم: ادخل
دخل معاذ صديق ابراهيم وعضو ايضا ف المافيا: اي ياابراهيم صوتك جايب اخر الدنيا ياجدع
إبراهيم بضيق: البوص عايزنا نخطف راجل مهم اووي وانت عارف اني كنت داخل المافيا ليه واديني خلصت عايز اخلع منها بقي
معاذ بتأيد: مش لوحدك والله يا إبراهيم داخلينها سوا وهنخرج سوا
إبراهيم ابتسم بشر: نخلص النهاردة ونفضي للبوص نفسه
معاذ عارف صاحبه بيخطط لي اي فضحك وقال: دماغك شيطان وعاجباني
ابراهيم ضحك وقال: اخبار الخطوبه اي
معاذ قطع الضحك: ياخي افتكر حاجه عدله
ابراهيم ضحك: هي منكده عليك ولا اي
معاذ بضيق: اه ياخويا دي خطوبه نحس
ابراهيم بمكر: ياراجل تقدر تقولها كدا
معاذ: واديها بالجزمه كمان
معاذ تلفونه رن وكانت هي معاذ رد بسرعه وقال: حبيبت قلبي عامله اى
ابراهيم ضحك بصوته كله وقال بتريقه: هديها بالجزمه
معاذ عمال يشاورله وقال: ا اي لا يا حبيبتي ده ده ابراهيم اه اصله ارتبط غبيقول هيديلها جزمه اه ههههه طيب سلام اول ما قفل حط ايده علي صدرو وكأن كان الاكسجين مقطوع
إبراهيم بسخريه: قلبت قطه يعني
معتذ بسخريه: بكره تحب وتقلب انت كمان
ابراهيم بغرور: بعينك
معاذ بتحدي: هنشوف
«عند مريم»
مريم تلفونها رن: اي ياندي عامله اى
ندي بقلق: الحمدلله مالك
مريم بضحك: مليش يابرعي لازم تتهزقي يعني
ندي بضحك: انا قولت ليكون ف حاجه
مريم ابتسمت: هيكون في اي ولا جديد
ندي: بقولك يامريم انا كلمت ناس ف الفندق بصي انتي هتبقي زي مترجمه علي شويه حاجات كدا هتفهميها لما تروحي بس هتطلعي رحله معاهم بكره واعملي حسابك هتبقي يومين
مريم بحزن: يبقي مش هروح
ندي بتفهم: بصي يامريم انتي عايزة تعملي العمليه لامك ده الحل الوحيد هتقبضي كويس اوي يعني خلال شهرين امك هتعمل العمليه وترجع تقف وتتنطط كمان
مريم بفرح قامت وقفت: بجد احلفي لولولولولولي
امها طلعت من الاوضه بتجر الكرسي وقالت باستغراب: ف اي يابنتي
مريم باست ايديها ورجلها وقالت لقيت شغل ياحبيبتي مرتبه حلو جدا وهتعملي العمليه خلال شهرين
الام بفرحه: ياحبيبتي يابنتي المهم انتو سيبك مني
مريم ابتسمت ومسحت دموعها: انت الاهم والمهم ياقلبي
ندي من التلفون: احم احم مريم بتقول قلبي لالا اكيد النمرة غلط
الام و مريم ضحكوا ومريم قالت: ست الكل ليها كل المحن هههه
ندي بعد ما ضحكت قالت بجدية: اه صح يامريم ابقي البسي حاجه شيك كدا عشان ده مكان كبير اووي
مريم بكثوف: احم ح حاضر ماشي الا صحيح عامله اي انتي و خطيبك
ندي بضحك: معاذ ده قلبي الحته الشمال
مريم قفلت ف وشها و رمت التلفون وقالت: لا المرارة هتتفقع لازم تكمل لبكرة
وندي قعدت تضحك علي صحبتها
بعد ساعه الباب بيخبط زي الطبله مريم وهي رايحه تفتح بترقص لقت اللي بيخبط. سكت قالت باحباط: ما تخبط ياللي كنت بتخبط اي الرخامه دي
ندي بضحك: افتحي واطبلك جوا
مريم فتحت الباب بخضه وقالت: اي اللي جابك
ندي برفع حاجب: اي الوطينه دي
مريم بغباء: مش قصدي يابه عشان كنا لسه بنكلم امك جرالها حاجه طيب
ندي بزهول: انتي سخمه يامريم امي ميته
مريم بزعل: البقاء لله ربنا يصبرك يابنتي انا مجتش ولا اي
ندي بتشوف حرارة مريم وتقول وهي بتخبط ايد علي ايد: امي ميته من يوم ولادتي انتي جرالك حاجه
مريم ضحكت: لسه صاحيه قولت اناملي ساعه وانتي عارفه لما بصحي بقي بنسي امي
ندي قعدت تضحك بعدها اعطتها شنطه وقالت: خدي ياستي ده طقمين شيك بالشنط بالجزم بكلو عشان ترفعي راسي كدا
مريم حضنتها وقالت بامتنان؛ دايما حاسه بيا تسلميلي يارب
ندي بادلتها الحضن وقالت: لو في بين الاخوات شكر فانا اللي لازم اشكرك انتي معوضاني عن اختي وامي وعن عيله بحالها اي سعني غنيه اتنازل عن اي حاجه وابقي وسطكم
مريم بمكر: احم ومعاذ اللي معرفوش ده
ندي ضحكت وقالت بهيام: لا ظه عشقي مقدرش
مريم بمرح: قومي امشي ياندي قومي ياحبيبتي
ندي ضحكت بمرح وراحت تسلم علي ام مريم
ام مريم حضنتها وقالت بحب: فينك ياحبيبتي كدا الفترة دي متساليش عليا
ندي بحنيه: سامحيني ياماما والله كنت مشغوله
ام مريم ضحك: بهزر ياحبيبتي عامله اي مع خطيبك
ندي بضحك': مطلعه عينه
ام مريم: ؤبنا يهديكم لبعض ومتزعليهوش طلاما بيحبك
ندي: يارب ياماما وانا والله بحبه
مريم من وراهم: اي ده اي ده اي ده هو انا مليش من الحب جانب ولا اي
ام مريم حضنتهم هما الاتنين وقالت بحنيه وحب: ربنا يباركلي فيكم يا رب وتعيشو سعداء طول عمركم
«تاني يوم الصبح بدري»
مريم لبست طقم عبارة عن بنطلون اسود ماركه عاليه وبلوزه بيضه وجاكت اسود كانت مزة وأطلقت لشعرها العنان ووضعت القليل من مستحضرات التجميل و لبست كوتشي ابيض ف اسود و شنطه بيضه ورشت برفان جامد
علي بيصفر: صفيييييييييييييير اوبا مين اللي جاب المزة دي هنا
يحي بيتنح: مش عارف دي اختك لو شافتها هتشلفطها وتقول اي المحن ده
مريم بضحك: مضطرين نعمل المحن ده
علي بصدمه: يحي انت شايف اللي انا شايفه
يحي بيفتح ويغمض: اعااااااااااااااااااااا دي مريم
مريم ضحكت وباست ايد امها وراحت الشغل
«مريم ف المكروباص»
الراكبين متنحين فيها
مريم بردح: جرا اي يابرنس منك ليها ما كل واحد يبص قدامو لرقبته تتلوح
واحد من الراكبين: الكلام مش لايق مع الشكل خاالص
مريم برفع حاجب: محدش طلب راي اهلك وبص قدامك
واحد تاني: لا بس انتي مزة اي طحن
مريم طلعت مطوة من جيبها وقالت بردح وتهديد: بص ياروح امك منك ليه لتكون فاكرني من التجمع ولا م الزمالك ده انا م الشرابيه ياحلبتها ايواااان يعني كل واحد يلم نفسه بدل ما يروح لامه مصفه مكرونه فهمته ولا اعيده
الراكبين بصو قدامهم بخوف وسكتو نزلت المكان وبعدها ركبت مواصله كمان وكانت وصلت الفندق ودخلت
مريم بتلف حوالين نفسها: يابووووووووويا اي ده ده يكفي مصر كلها يخربيت الجمال
مريم وهي بتلف خبطت ف حد من اير ما تقصد
إبراهيم بعصبيه: مش تفتحي يابت
مريم بردح: البت دي تبقي خالتك ياعسل
ابراهيم برفع حاجب: تبقي خالتي ده انتي يوم امك اسود
مريم بردح: مش هيبقي اسود من يوم ابوك
إبراهيم لسه هيقرب ىقي تلفونه رن ومعاذ قاله يجي ضروري
إبراهيم بصوت مخيف: كلامنا لسه مخلصش
مريم بتريقه بعد ما مشي: هههه ابقي اعمله جزء تاني ياعنيا
وراحت للراجل اللي ندي كلمته عليها
مريم بلباقه نادر لما تكلم بيها: حضرتك استاذ احمد
احمد بإبتسامة: ايوة انا
مريم ابتسمت: طب حضرتك انا مريم اللي ندي كلمتك عني
احمد بصلها من فوق لتحت وبعدها قال: تمام يا انسه مريم الرحله اللي هتطلعي معاهم كمان ربع ساعه ياريت تجهزي
مريم راحت قعدت علي كنبه وبصت حواليها لقت واحد لابسه ومش لابسه مبينه اكتر ما مغطيه
مريم بتعوج بؤها: ده انا بخاف البس كدا ف الحمام اتلبس
بصت الناحية التانيه لقت اتنين بيبوسوا بعض
مريم بتف ومسكت بطنها: الله يسد نفسكم هرجع
الربع ساعه عدت علي خير بعد تنمر
ف الباص مريم واقفه رحبت بالكل وعرفت شغبتها تترجم لراجل مهم واتكلمت معاه شويه وطلع طيب هو كبير ف السن بس هي ارتحاتلو كأب وكمان بجانب شغلها ده تشوف طلبات الركاب
وفجاءة ف الطريق قطع عليهم بووووووم
#يتبع
#خطفت_بلوة_بلوة_قلبي
