فصليه دكتوره🥺💔

البارت1

﴿¦ مـטּ يستهين بقيمتـʊ̤ ساެجعل قيمتۿـہ تحت قدمــʊ̤ 🖤🔥 .﴾‏✞♕

هلااو حبايب هاي اول قصه اليه بالواتباد انشالله تعجبكم حخلي الابطال يعرفون ع نفسهم......

هلو اني اسمي نفس عمري 26 سنه اني خريجة طب عام قسم جراحة اني من بغداد اداوم بمستشفى ال............

مواصفاتي :بيضه حيل عيوني زيتوني شعري كلش طويل يعني يوصل لركبه رجلي طولي 158 وزني 56 احب العناد وعنوديه طبعا عصبيه نوع ما كلبي من حجر دمعتي متنزل كدام بشر..

بابا:خالد عمره 50 سنه شيخ عشيره(مايشتغل لأن رجال جبير)
ماما:الاء عمرها 45 سنه الشيخة(ربه بيت)
اختي:غزل عمرها 18 سنه طالبه خامس اعدادي لان راسبه سنه هي مو بيضه مثلي لا سمره بس عيونها زرق حلوه ملامحها
......................................................................

هلو اني اسمي  فهد شيخ عشيره من بعد ابويه الله يطول بعمره عمري 33 سنه خريج كليه اداره واقتصاد بس مموضف لان اشتغل ويه ابويه بلمشيخة اني طبيعتي عصبي لدرجة وعايش بالبصره كلبي هههه مو كلب حجر...

مواصفاتي:اسمر مو هواي بس اسمر عيوني صفر طولي 180 وزني 79 معضل اكره شي اسمه عناد وماحب لبنيه التتبجبج لان من اشوف واحد يبجي انقهر مادري ليش جنت مزوج بت عمي اكرهها ماحبها بس قسمه توفت هي وداتولد ابني الي هسه عمره 11 شهر

ابويه:قاسم (شيخ عشيره)
بيبيتي:سالمه( الشيخة) كلش احبها
امي: فاطمه العافيه( ربه بيت)
اختي: ريم 19 سنه مبطله من الثالث متوسط لان هيج عاداتنا البنيه متكمل دراسه حليوه ونفس سماري وعيوني
اخويه: احمد 20 سنه هم بالثالث وبطل لان ميحب الدراسه وصاااااااايعععع شاعل جدي السابع هم اسمر بس عيونه سود طبعا ممزوج (منو يقبل بيه اييع)
اخويه الثاني:مصطفى عمره 26 خريج هندسه بس مموضف لان هم مأجاه تعيد ويانه بلمضيف خاطب بت وياه جانت بالكليه يحبها (سوده شيحب منها😒)

................................................................................

يلا نبلش بالقصه

نفس رجعت متأخره للبيت لكيتهم كلهم نايمين فتحت للثلاجة شفت لفه لحم ايييع هم لحم شيحبون منه مادري...
رحت سبحت وبدلت لبست كيمونه زيتوني ونزلت خدرت  الجاي وطلعت طحينيه لان ماحب الاجبان والالبان مهم اكلت وطلعت درست عمليه باجر حسويها ونمت كعدت ع صوت المنبه ساعه 6 ونص فتت سبحت وطلعت نزلت شعري ربع ساعه لان طويل والله ابالي اقصه بس امي تموتني هففف يلا تأخرت اروح البس احسن من لحجي....
لبست فستان محجبات  ميدي للحجل ولفيت الملفع و حطيت مرطب وجه وشفه ومسكاره باوعت ع ساعه ساعه 7 هلو تأخرت طلعت ركض شفت العافيه بالمطبخ تسويلي لفطور بستها وكعدت كتلها...!
نفس:يمه يلا بسرعه ب8 ونص لازم افوت لغرفه لعمليات.
الاء (امي):اي يمه تحكين بعد ساعه 7 وخمسه هياتي المستشفى حطيت الها الاكل طبعا بس طحينيه لان متاكل لابيض ولا حليب ولا اللبان واجبان ولحوم شكد تضوجني بأكلها
نفس:ماما هايي وين صرتي مهم اكلت وكتلها يلا يمه اني طالعه
الاء:الله وياج يمه ربي يسهل نتبهي لطريقج
نفس:صار يمه مع سلامه
الاء:الله وياج راحت قفلت لبواب ورجعت نمت واليسأل ع غزل فليوم مدرستها عدهم سفره خارج المحافظه وهي مراحت...