عشگ الفصليه💔(باللهجة العراقيه)

Part 1😐

هلاااو
نبلش القصه.....

ملاااحظه القصه خياليه

اسمي نور بس يدلعوني مشمش عمري 15بعد 3اشهر واصير 16 شكلي: اني مو محجبه عيوني كبار عسليات بيهن شوي خضار مادري بالعكس 😁 بس المهم لونهن كلش حلو ورموشي طواااال حيل وكثيفات بحيث اللي يشوفهن يكلي حاطه رموش😐 وخشمي صغير وشفايفي مليانه وحمر عبالك حاطه حمرة 😁وشعري طويل يوصل لحد ركبتي لونه بني بي شكار واني مو طويله ولا قصيرة طولي حلو 160 و إني 50 يعني رشيقه جسمي فوووول واني بيضه كلش   اني  البنيه الوحيدة لأهلي والمدلله بنفس الوقت وعندي اخوه 2 مصطفى وعلي احنه عايشين خارج العراق بعد ماصارت الأوضاع بالعراق مو كلش زينه بابا خاف علينه وكال لازم نطلع نعيش بالخارج المهم وهاي احنه صار النه 10 سنين من انتقلنا من العراق لهنا احنه نعيش بأحد الدول الأوروبية

ملاحظة مراح اذكر لأن همه فورا حيسافرون تمام

وهسه ننتقل للبطل

مرحبا اني اسمي اسد  عمري 30 اني عراقي الأصل بس عايش  بالخارج احنه اساسا من البصرة اهلي شيوخ ابا عن جد اني أصغر واحد باخواني (عندي اخواني أحمد وصلاح وحسين واخواتي ليلى وشهد توم ) وابوي جان حيل يضغط عليه حته ارجع واني استلم المشيخه من عنده رغم اخواني كبار أكبر من عندي بس ميامن بيهم ومن هالسوالف وهم اخواني من غير ام امي جانت الثانيه وجابتني بس اني وتوفت أثناء مدتجيبني المهم علاقتي مو كلش ويه اخواني واخواتي وهم كذلك لأن ابوي يحبني ويريدني اصير الشيخ وهمه معارضين عود لأن اني عايش بالخارج ماعرف بالتقاليد وكذا 🙄 المهم شكلي اني كلش حلو اني ظابط وعصبيتي فوول وماتحمل احد ومن اعصب ما هتم جبير زغير يخاف مني لأن يعرفوني من اعصب بعد ماشوف طريقي شكلي اني حنطاوي طويل طولي 184 وزني 86 معضل بحكم شغلي بس اني فوك التدريبات العب حديد ومن قبل لا اصير ظابط اني جنت معضل ويمكم الحساب شكللي عيوني كبار سوود وكذا خشمي متناسق وي وجهي رغم ملامحي بسيطه بس شكلي كللللش حلو

  نرجع للقصه

مشمش : مرااا طلعت حته اروح لحفله عيد ميلاد صديقتي سيلينا  وطبعا بعد توسلات وسحلت نفسي سحل يله اهلي قبلو لأن راح ارجع بوقت متأخر ويخافون بس عساس ابات يمهه رحت بدلت وليست جينز  ابيض مشكك وتشيرت صلوخ ابو الصرة اسود وحذاء اسود تران شوز يعني وطلعت  وصلت وسلمت عليها (همه يحجون اجنبي بس اني يعني حترجمهه بالعربي ؤك وهاا سلينا امهه عراقيه ومعلمتهه تحجي عراقي بس مكسر )
مشمش :هلااو حبي كل عام وانتي بخير
سلينا :حياتي وانتي بخير يروحي تفضلي فوتي دخلت وانطيتهه الهدية وركصنا وكلنا وشبعنا بس شفت البيت هوسه وكلهم حيباتون يمهه حسيت نفسي حصير ثكيله لأن هواي فقررت ارجع
وأثناء مكاعد امشي شفت شله مال شباب تقريباً 4 أو 5 وشكلهم سكرانين المهم اني خفت وحصرتني البجيه عبرت الرصيف ورحت من جهه الشارع الثانيه حته ابتعد منهم اشو هذول لحكوني وضلو يحجون واني كمت ابجي اريد بس اوصل وهمه يحجون اني افهمهم لأن اعرف احجي بلغتهم ف واحد منهم اجه لزم ايدي وكان يجرني ويا واني ميته بجي واجه يريد يحضني والشارع فارغ واني كلما اريد اعيط يخلون ايدهو ع حلكي فجأه جانت اكو سياره جايه وكفت السياره ونزل واحد منها لابس زي مال شرطه من شافهم هيج طبعا هو منزل علمودي لأن همه اول مشافو السياره ضموني وراهم وضل واحد لازمني وساء حلكي وهمه واكفين ورانه من شافوه ظابط رادو ينهزمون لأن يحبسهم بحساب سكرانين والشارع وهاي بس طلع مسدسه وكلهم انو اي واحد يتحرك ينكتل فهمه بقوو  وبقا هذا الولد لازمني اجه هذا الظابط حجه ويا كله شديصير هنا همه صايرين كبال هذا الازمني اني اريد بس يؤخر ايده حته اعيط المهم ملكيت غيرهه عضيته وخر ايده وعطت الظابط جان يحجي وياهم من سمع صوتي سالهم كلوله ماكو شي وذاك هم رجع لزمني وسد حلكي بس ضربته برجلي وعاط وخر ايده واني عطت شافني الظابط افتهم  تقدم علينه وكله جيبهه بس ذاك مقبل  ودفع الظابط الظابط رجع ضربه وذولا الويا هم هجمو ع الضابط بس همه سكرانين يعني كوه يشوفون طريقهم وضعاف مو مثل الظابط قميصه يريد يطك من العضلات ضربهم الظابط وضل هذا الولد لازمني ومصدوم شلون 3 مكدرو ع واحد شفته صافن عليهم  دفعته وركضت الهذا الظابط ختلت ورا  كامو ذولاك وهجمو علينه يردون يسحبوني واني مجلبه بقميص الظابط وميته من البجي جروني من أيدي رجع الظابط جرني منهم من جرني لزكت بصدره جلبت بقميصه وهو خله ايده ع ضهري حته ميجروني ضرب طلقه بالهوه اني من الخوف مادري شصار بيه اني عندي سكر هبط سكري وردت اوكع بس هو جان حاط ايده ع ظهري سألني شبيج مكدرت اجاوب واغمه عليه