عشگ الفصليه💔(باللهجة العراقيه)

part 9

اسد :لتخاف بعيوني هيه بس هسه اريدك تحجيلي شنو اللي خلاك تركض بيهه من مستشفى لمستشفى

علي:شوف رح احجيلك بس توعدني وعد انو متجيب سيره لأحد

اسد:سدك امين احجي لتخاف

علي:شوف قبل كم سنه من جان عمر مشمش 5 سنوات اخويه مصطفى جان متزوج وحده منا المهم البنيه جانت كلش طبيعية وكلشي مابيهه ف جنه مامنين بيهه وجنه كلنه دوامات واني ادرس جنت بعدني طالب المهم جنه نعوف مشمش يمهه جنت كل ما ارجع الكه مشمش تبجي ومن اسالهه تكول عمه تضربني ومن اسال صفاء (٠زوجه مصطفى) تكول جذابه لان ماخليهه تبقه تباوع ع التلفزيون هيج تحجي وجانت تحلف ع القران انو هيه ممسويتلهه شي المهم الموقف تكرر أكثر من مرا بعد فترة كمت اشوف اثار ضرب ع جسم مشمش ومن اساله تضل تبجي ومتحجي اسال صفاء تكول لو وكعت لو مجانت يمهه لو هيه تعور نفسهه هم عديتهه وسكتت بعدهم صرت انتبهه ع مشمش انو كامت قليل تحجي وأكثر الأحيان صافنه بعدهه وصارت كل ماتقربت عليهه تبجي وكامت متخلي حته امي تبدللهه اي صوت عالي تسمعه تكوم تبجي وانتبهت انو هيه كلش تخاف من صفاء رغم بالبدايه جانت تحبهه من زادت هاي الحاله عد مشمش قررت انو اراقب صفاء ثاني يوم انتضرت لما طلعو كلهم وضليت بس اني سويت نفسي تاخرت مشمش جانت نايمه وصفاء بلحديقه دخلت لغرفه مشمش وفتحت تلفوني دكيت ع رقمي الثاني وفتحت خط وضميته حته اسمع شديصير بعدهه نزلت وطلعت برا سلمت ع صفاء وجانت كلش طبيعيه بالتعاملل خلتني احس انو دا اضلمها بس مجبور اسوي هيج بعد ماتحمل واني اشوف اختي وقطعه من روحي دتذبل كدامي ومداعرف شبيهه المهم سلمت وطلعت برا بلشارع وفتريت ودخلت من الباب الخلفي مال بيت وصعدت لغرفتي بعد ماتاكدت انو مشمش نايمه وصفاء بعدهه بلحديقه مرت نص ساعه وصرت اسمع اصوات غريبه جايه من غرفه مشمش بس هو مو صوت صفاء وحدهه جان اكو احد ثاني وياها استمرت الاصوات الا ان سمعت صوت بجي مشمش ردت اكوم بس انتضرت شوي بعدهه فزيت ع صرخه مشمش ركضت لغرفتهه ولكيت وحده لازمه مشمش من ركبتهه وساده حلكهه وصفاء تسحب دم من جسم مشمش بلابره وتخلي بكلاص ووره متسحب الدم تجوي المكان جان مخليه شمعه جبيره يمهه وتحمي الخاشوكه لما تصير حمره وتخليهه ع جسمهه بعدهه تجيب موس وتجرح مكان الجويه ركضت عليهم دفعتهم من مشمش اللي شبه فاقده الوعي  اثناء ما دفعتهم وكعت الشمعه ع البرده وحتركت البرده صار دخان كلش قوي بلغرفه حرت مابين اطفي النار ومابين مشمش اللي عدهه ربو ووختنكت المهم ماحسيت شوكت شلت  مشمش وطلعت من الغرفه اركض وصفاء والمريه الوياهه ورايه كون الباب جان مسدود واني واكف وراهه طلعت بهل اثناء دخل مصطفى اخويه وويا الاطفاء طفو الغرفه وواسعفو مشمش اللي صار لون وجهه ازرك من صعوبه التنفس اللي صابتهه طبعا الشرطه اخذونه كلنه للمركز للتحقيق وهناك حجيتلهم كلشي اللي شفته وعن حاله مشمش  وسمعتهم التسجيل بعد ماحققو ويه المريه اعترفت انو صفاء جانت مدينتهه فلوس مبلغ جبير والمريه ماعدهه ترجعه وكالتلهه اي شي اكلج علي تسوي واتضح انو هاي مو اول مرا بعد اسبوعين من زواج مصطفى وصفاء كامت كل منطلع تخابر المريه وتخليهه تجي للبيت وتعذب مشمش وكالت انو هيه بلبدايه تكون طبيعيه بعدهه تصير كانما شخص ثاني تماما حته صوتهه يختلف اخذت الشرطه صفاء وفحصوهه واتضح انو هيه جان عدهه انفصام بلشخصيه والشخصيه الثانيه يصيحولها الشخصية السيكوباتيه وتكون عنيفه جدا وكلما تاخر العلاج كلما زادت بعنفهه وجانت تبدا باضعف كائن حواليهه لما تقضي علي نهائيا وتبلش تدور ع ضحيه جديده المهم صفاء اخذوهه لمستشفى المجانين والمريه نحككمت مده مو قليله وهنا بلشت مرحله العلاج مال مشمش واللي هيه اصعب فقرة طفله بعمرهه مستحيل تتحمل قوه الادويه والالم وغيرهه رح اختصر عليك الموضوع وانطيكيا من الاخير مشمش هسه عمرهه 15بس بعقلهه الباطن هيه عمرهه 10سنين