Zayn's P.O.V
مارتن ادانا هدوم و لبسناها و بعدين نزلنا من البيت خالص
ليام و نايل كانو لابسين جلاليب صلاة الجمعة و راسمين علي وشهم شنب و دقن و لابسين نضارات و ماسكين سبحة xD
و لوي لابس فستان مبين رجليه من بعد ركبه و مليانة شعر و لابس باروكة لونها اصفر مستفز و عليها اشارب مبين منه نص الباروكة و حاطط ميك اب بالهبل و ععامل حسنة ف خده و ماسك عروسة لعبة لاففها كأنها عيل xD
هاري كان عامل زي الدادة دودي نافخينه من ورا و قدام و ماسك عكاز و و بيسند علي مريم الواد بيفكر بردو xD
انا بقا كنت قرفان من نفسي بسبب اللي انا لابسه دة اصلا ، لابس بنطلون اخضر مسقطه و مبين بوكسر معفن كدة لونه رصاصي اسمه قوطونيل و لابس تيشيرت احمر ديق ب نص كم و حاطط حاجة عجيبة كدة علي شعري لونها ازرق و اسمها رويال چل باين ملحوسة شعري و بقا شكل شعري زبالة بجد و لابس جزمة بني تحس ان الشعب المصري كله لبسها ! ناقصني زعرورتين و سلسلة دهب و ابقا سنوب دوج xD
مارتن مشي قدامنا و انا وراه و ورايا ليام و لوي عاملين فيها عواجيز و بيتكلمو و هاري و مريم ورا خالص و هاري قاعد يتسند عليها الجزمة و حاطط ايده علي كتفها الحيوان xD
و احنا ماشيين طلع قدامي راجل شكله متكحرت و لابس جلابية مقطعة و ماسك كيس بلاستيك فيه بر .. بلاش اقول احسن !
الراجل زعق : حاجة لله ..
قلت : مفلس و حيات ربنا !
الراجل زعق تاني : حاجة لله ربنا يسترها معاك !
قلت : و الله العظيم ما معايا !!
الراجل زعق جامد ف وشي : دة احنا ولاد حتة واحدة يا راجل ! ربنا يطلعها ف عيالك يا رب و يبقو شحاتين مش لاقيين ياكلو زيي !
مارتن ظهر فجأة و قال : جرا ايه يا عم ايوب دة تبعي ! هتعمل الشويتين بتوعك عليا و علي رجالتي ؟
الراجل بص لمارتن بقرف شوية و قال : ماشي يا سوستة انتا و رجالتك .. منورين الحتة يا رجالة !
و سابنا.و مشي ، ايه الراجل دة !
مارتن قال : معلش انتو بس عشان جداد فـ الحتة و كدة هتحسو بشوية رزالة و تبابتة و رخامة من اهل الحتة ، تعالو نكمل ..
كملنا مشي وراه و لقيت واحد ناطط لهاري و مريم و شكله مش مظبوط قاعد يرمش بعنيه و راسه طالعة لقدام شوية و ماسك كيس بردو بس مش فيه الـ ما علينا هو الكيس فيه علب ادوية متهيألي ..
الواد قال ناحية مريم : جرا ايه يا عسل انتي برضو مش عايزة تبصيلي ؟
مريم قالت : اقعد علي جمب يا محمد يا زلطة انا مش عايزة اتغابي عليك !
أنت تقرأ
The Abnormal's 2
Fanfictionفي الجزء اللي فات من قصة ذا اب نورمالز ، البويز و جاستن و البنات حاربو الكات وومن اللي كان فاكرها زين انها سيلينا ، بس هي مش سيلينا اصلا ، و مش ضروري تعرفو هي مين x'DD و كمان في الجزء دة هيدخلو البويز و جاستن في حرب تانية اكبر بكتير و حاجات كبيرة بت...