للصدفة قدر

البارت {1}

الام : احنا لازم نحمي البنت يا يوسف

يوسف : طب واحنا هنحميها ازاي ده راجل قاتل يا سمية وممكن يقتل البنت في اي لحظة

البنت بعياط : يعني هتسبوني كدة...هتعملوا ايه؟!!

سمية : خلاص هتروحي لخالك في الصعيد

البنت : خالي ؟! ..وفي الصعيد ؟!

يوسف بقلق : متأكدة يا سمية ان سلطان هيحميها ؟!!

سمية بتأكيد : طبعا يا يوسف...بقلك في الصعيد

البنت بهدوء : ايوا يا ماما بس انتي قولتيلي انك معندكيش اخوات

سمية : ايوا يا حبيبتي ده يبقى ابن عمي بس هو كبير الصعايدة وهيحميكي من عمك شريف

يوسف : خلاص حضري شنطك وانا هكلم حد من السواقين يودينا الصعيد

_ بعياط : متأكدة انه هيقدر يحميني يا ماما

سمية : متأكدة يا حبيبتي...يلا

××××××××××
*أنا اسمي فاطمة كلية اداب انجليزي ودول يبقوا ماما وبابا...انا انسانة اجتماعية جدا وبشوشة وبحب الحياة والاكل والهزار بس حياتي اتقلبت من يوم اللي شوفت فيه عمي شريف ابن خال بابا وهنعرف القصة كاملة بعدين*
××××××××××
يوسف بمناداة : يلا يا حبيبتي خلصتي

فاطمة وهي بتشيل شنتطها
وطلعة من الاوضة : ايوا يا بابا خلصت

جه اخوها محمد ورايح يحضنها : ان شاء الله هتكوني كويسة

فاطمة بادلته الحضن وعلى وشها ابتسامة حزينة : هكون كويسة خلي بالك انت من ماما لغاية لما بابا يرجع وانا ان شاء الله هرجع ونقعد مع بعض زي الاول

سمية بقلق : انا اتصلت بسلطان وهو مستنيكوا...وبيقول هيبقى مبسوط لما يشوف فاطمة

يوسف بحزن وهزار : طب يلا يا فطومتي خلينا نمشي

فاطمة : يلا يا بابا
××××××××××
*في مكان تاني في الصعيد*

* : مين دي اللي هتيجي تعيش معنا يا سلطان؟!!

سلطان : دي تبقى بنت سمية يا عبلة

عبلة : سمية؟!!..حبيبتي هي جاية زيارة ولا ايه؟!!

سلطان بغموض : بيقولو ان البنت في خطر وطلبوا مني احميها

عبلة : جيبها يا سلطان...ده اني هموت واشوفها جوي..دي غالية بنت الغالية

سلطان : هتيجي هي وابوها من الشرقية لحد أهنيه

عبلة : اذا كان كده ماشي...هاروح اقول للخدم يحضروا اوضة ليهم علشان ترتاح هي وابوها من السفر...ده البنات هيفرحوا جوي لما يعرفوا ان في بنت جديدة هتقعد معاهم

سلطان : ايوا روحي قولي للي في البيت انهم يجوا علشان اقولهم زي ما قلتلك

عبلة : حاضر يا سلطان
×××××××
تصرخ احداهن من الفرحة : الحقوا يا بنات سمعت من المحادثة اللي بين بابا وماما ان في بنت هتيجي تعيش معانا