سكريبت وجع الحب

':
اسماء ف عياده الدكتور النفسي
الممرضه: اسماء محمد
أسماء بتوتر: ايوا انا
الممرضه: اتفضلي دورك
أسماء دخلت للدكتور وهى متوتره جدا وخايفه اووى مش عارفه ليه وكل شويه نفسها تهرب من المكان دا
اسماء دخلت للدكتور
الدكتور أسر: اهلا اتفضلي
أسماء قعدت وساكته ومش عارفه تقول اى
الدكتور اخد بالو وحاول يهديها وبدء يتكلم هو
اهلا بيكى انا دكتور اسر اسماء من غير متبصلو
اهلا بحضرتك وانا اسماء
اسر: لا حضرتك اى شيلي الالقاب وقوليلى ياأسر باشا اصلي متواضع
أسماء: ضحكت وقال لا واضح
اسر: ايوا يستي اضحكي ومتشليش هم حاجه
أسماء: بان عليها الحزن
أسر: بصي احكي كل واى حاجه في دماغك كل اللى يجي في بالك احكيه اعتبري بتحكي لنفسك اى رايك
أسماء: حاضر هحاول
أسر: شطوره الاول احكى عن نفسك
أسماء: حاضر
انا اسماء    معنديش خوات بنات عندى تلاته شباب وانا الوسطانيه
أسر: كويس خالص احكي عن شخصيتك
أسماء: انا حد هادى جداا بحب الهدوء والعزله مش بحب اختلت بناس غير لما اكون عارفاهم بضحك قدام الناس بس من جوايا بعيط بخاف اتعلق بحد ويجرحني او يسبني زى مناس كتير عملت يعتبر معنديش صحاب كلهم صحاب مؤقتين كل واحد بيقربني منو بمزاجو ويبعدني بمزاجو محدش بيحبني ولا حد متمسكك بيا
اوقات بحس نفسي تقيله على كل اللى اعرفهم اوقات مش بحب نفسي خالص
وحيده لدرجه كبيره وكلو مفكرني مبسوطه ومحدش بيحاوب يسالنى مالك الكلمه دى لو اتقالت من  حد قريب هطلع كل اللى جوايا
عارف احساس انك تروح لحد وتبقا عايز تحكى بس تتراجع عن قرارك عشان خايف يكون ردو عليك معلش النهايه دى وحشه اووى ازاى
ليه مفيش حد يهون علينا ليه مفيش حد احنا عندو اغلا من روحو
أسر:اى وصلك للحاله دى للدرجادى معندكيش صحاب ولا حتى حبيتي قبل كدا
أسماء:كان عندى صحاب مقربين بس كل واحد عندو الاهم دالواتى عندى صحاب بس مجرد علاقه سطحيه مش اكتر
أسر:امممم والسؤال التانى
أسماء:اه حبيت وكانت اول مره واخر مره افكر انى احب حد
أسر:ليه
أسماء:حبيتو اوووى حبيتو بكل صفاتو بحنيتو وبطيبتو بعصبيتو بغيرتو بتحكمو بكل حاجه وحشه قبل حلوه
كانت اول مره حد يعملنى بحنيه او حد يقولى بحبك ف وشي دايما كنت بشوف الحاجات دى خيبه وقله تربيه وانها حرام ومينفعش وان كدا غلط وووو كتير كان حلمى بسيط واحد يحبني ويحافظ عليا ويكون ملتزم ومطيع لربنا واحد يكون فاهم الغلط من الصح حد يقوى علقتي بربنا كان نفسي في بيت صغيف فيه زوج صالح بيحبني وبيخاف عليا والبيت فيه صوت قران وزوجى يحفظنى القران ونصلي سوا بس دا كلو راح فين معرفش كلمت الشخص دا نسيت كل حاجه ركزت فيه هو بس عقلي حبو قبل قلبي اتمنيتو وطلبتو من ربنا في كل سجده وكل قيام ليل
بس كنت بدعى ربنا لو انا خيره ليه افضل ولو انا شر ليه ابعد واطلع من حياتو
كان بيتخانق معايا ع طول معرفش ليه كنت بخاف ازعل منو لانو مكنش هيجي يصلحنى معرفش ليه بس كنت بحس كدا
شويه احس انى اغلا حد عندو وشويه احس انى اقل من اى حدفي حياتو
كنت بسال نفسي ليه ليه دا بالذات ليه مش قادره تخدى موقف وارد ع نفسي انى بحبو عارف يادكتور اعتبرتو الاب والاخ والصديق والحبيب وكل حاجه كان نفسي بس احس انو متمسك بيا وانى مش مجرد حاجع عاديه في حياتو عمرى محولت اعمل حاجه غلط عملت وكلمتو
اسر: يااه للدرجادى بتحبيه رغم كل اللى حصل
أسماء بضحكه ودموع سوا: بحبو اووى يمكن عشان اول واحد قدملى الحنان واول واحد سمعنى وخاف على دموعي كان احن عليا من امى كان حاجه كدا صعب تتوصف ضحكتو كانت عامله زى البدر المنور حاجه كدا مش في حد غيرو تعرف يادكتور رغم ان فيه شباب تانيه احلا بس صدقني معرفش ليه مش شايفه غيرو وعمرى متمنيت اكون زوجه لغيرو عمرى معيط على حد غيرو كنا بنتخانق ونبعد واروح اكلمو واسمع صوتو لان صوتو دا بيريح قلبي اووى مبكلمهوش غير وانا مخنوقه وخلاص على اخري بروح ارن عليه اسمع صوتو لو حتى لثوانى بعدها بحس اني فرحانه وبمشي مبتسمه
بدعيلى اووى والله يادكتور انو يكون مبسوط في حياتو حتي لو مش معايا المهم هو مبسوط وسعيد ودا المهم
اسر: مش يمكن هو محبكيش ياسماء وكان بيتسلا بيكى ولما زهق خلع
اسماء: الله اعلم عارف يادكتور فكره انو بيحب واحده تانيه وبيكون حنين معاها دى بتموتني مبنمش من التفكير في انو ممكن يكون مع غيري بحلم بيه
مش متقبله حد مكانو كتير حاولو غير انت عارف الريف وعويدهم ف العرسان
بس انا مش عايزه حد عايزه هو
نفسي يحبنى نفسي يبقا خايف من عدم وجودى نفسي اكون اهم حد ف حياتو
اسر: كملى كملى متسكتيش خالص
اسماء: ههه لا مخلاص بقا هو مش ليا ولا انا ليه اصلا هو مس طيقني

اخر مره كلمتوقالى انتى بالنسبالى اختى قولتلو وانا موافقه قالى اه مانتى الموضوع عندك عادى مش فارق استغربت جدا طريقتو اى دا مش هو اللى عايز كدا ف اى بقا مالو
ف مره كان عندى امتحانان ف المدرسه وكنت ناويه ارن احكيلو على حاجات كتير مش عارفه ليه اصلا بس قررت احكيلو  عن حبي ليه وقد اى هو مهم المهم دخلت اللجنه وكان ممنوع الفون فالباسورد والايميل ف الفون طلعت الفون اجيبهم وبعدين كنت عايزه ارن ع بتى بس المستر قالى شيلي الفون طيتو   ف الشنطه ورنيت من غير مشوف الاسم وطلع هو وكنت ف اللجنه ومش عارفه اتكلم هو يومها قلي كلام مش حلو خالص وخلاني عيط كنت عايزه اشرحلو بس هو مردش عليا 
اسر: ياه للدرجادى كان بيكرهكك؟! 💔
اسماء: مش عارفه ليه كان بيعملنى كدا كان دايما بيحط كرامتى في كل موقف بيحصل دايما شايف انى مش بسمع كلامو دايما بخونو مع انى مليش غيرو
عارف نفسي اشوفو واسالو على حاجات كتر
اسر: زى اى
أسماء: عايزه اسالو ليه محنيش زى محبيتو
وليه كان مفكر انى بخونو
وليه كان دايما بيهملنى
وليه مكنش بيهتم من غير مطلب
وليه مكنتش حد مهم في حياتو
واى الغلط اللى فيا
ليه البعد مبيتعبهوش زى لي
اسر: لو رجعلك هترضي
أسماء: لا مش هوافق لانو هيرجع ويمشي تانى
اسر: هو الحب بيوجع كدا
أسماء: بيوجع لما يبقا للشخص الغلط بيوجع لما تحب حد انت مش في بالو
أسر: معاكى حق
اسماء: الكلام خدنا والوقت خلص حقيقي ارتحت جدا لما اتكلمت مع حضرتك
اسر: طيب ياستي هستناكي الاسبوع الجاى عشان مراتى تتعرف عليكى هى دكتوره برضو
اسماء: ان شاءلله ....
بقلم بًآئعٌهّ آلَوٌردٍ
سكريبت وٌجّعٌ آلَحًبً 💛
رايكو