ناديه= شايفه جوزها بيبحبها ازاي
ردت سعاد بغيرة= اه والله دا مش بيبعد عنها لحظه يا بختها
ناديه بحقد= اه يا بختها حظها حلو مش زينا ..رجالتنا ولا ليهم اي لازمه
سعاد= اه والله عندك حق
ناديه= بصي بصي شايفه محافظه علي جسمها وواخده بالها من نفسها ومن لبسها ازاي
سعاد= جوزها مدلعها يا بختها
ناديه= اه والله يا بختها وشايفه الاتنين عايشين حياتهم ولا العرسان الجداد ازاي
سعاد= تعرفي انا سمعت انه كل يوم يشتريلها هديه وانه بيرجع من شغله جري عليها واول ما يدخل البيت ياخدها في حضنه ويضمها زي الافلام
ناديه= الله يا بختها .. ابعتلنا نص حظها يارب
سعاد= يارب ولا ربع حظها حتى احنا راضين
___________
بعد اسبوع..
ناديه بصدمه= سمعتي الا حصل...
سعاد= ايه الا حصل قلقتيني
ناديه= مش جارتنا الا جوزها علي طول بيدلعها دي ماتت النهارده
سعاد بصدمه= معقول ماتت امتى وازاي
ناديه= بيقولوا انها كانت تعبانه وعندها كانسر والدكتور كان قايلهم انها ممكن تموت في اي وقت
سعاد= لا إله إلا الله ..احنا كدا لازم نروح نعزي
ناديه= اه طبعا واجب ..يلا بينا
_________
في شقة جارتهم المتوفيه..
ناديه بصوت منخفض= شايفه جوزها حزين عليها ازاي
سعاد بصوت منخفض هي كمان= اه والله دا شكله كان بيحبها اوي
ناديه بحسره= مش زي رجالتنا لو الواحده فينا ماتت من الصبح مش هيعبر وهيجري يتجوز عليها
سعاد= اه والله اصل الرجاله دول حظوظ وهي حظها كان حلو الله يرحمها بقى
فجأة الكهربا قطعت والاصوات اختفت وكل واحده فيهم مبقتش شايفه التانيه ولقوا نور ضعيف ظهر وحواليه دخان لونه ابيض وطلعت من وسط الدخان دا جارتهم الا توفت وهي بتبصلهم وقربت منهم وهما مش قادرين يتكلموا وحاولوا يصرخوا وصوتهم مكتوم وقربت منهم اكتر و....
يتبع✍..
