The invaluable person who is one & only ❤
🎵~~မနက်ခင်းပွင်းတဲ့ ပန်းလေးထက်ကိုပိုမွှေးတာ~~~ချစ်သမီးလေးရဲ့~~ပါးနုနုလေးတွေမှာ~~🎵
ငှက်ကလေးများရဲ့တေးချင်းထက်ကိုချိုမြတာ~~~🎵
ချစ်သမီးလေးရဲ့~~စကားလေးများကြားစဥ်အခါ~~~🎵
သီချင်းသံသဲ့သဲ့ကိုကြားနေရပေမယ့် အိပ်မက်လား တကယ်လားရေရေရာရာမသိ၊ မျက်လုံးကိုလက်နဲ့ပွတ်ရင်းသီချင်းသံကိုကြားနေရင်းမှ ဒီသီချင်းလာတိုင်းအမြဲလိုက်ဆိုနေကျရင်းနှီးနေတဲ့အသံတစ်ခုနဲ့အတူ "မီးမီးရေ....ထတော့လေ၊ နာရီကိုလည်းကြည့်ပါဦး ၈နာရီထိုးနေပြီ" ဆိုတဲ့အသံကိုကြားလိုက်ရတယ်။ ဒါဆိုသေချာပြီ...သူဆိုင်ကပြန်လာပြီပေါ့....ထမယ်အလုပ်မျက်လုံးကိုဖွင့်ပြီးနာရီကိုကြည့်တော့ဝေဝေဝါးဝါးနဲ့မြင်လိုက်ရတာ ၇:၄၅ ....ထုံးစံအတိုင်း နည်းနည်းတော့ပိုလိုက်ရမှကျေနပ်သူကြီးလို့ စိတ်ထဲကတွေးနေရင်း "ဖေကလဲ ကျောင်းပိတ်ရက်လေးတစ်ခါတစ်လေအိပ်ရတာကို" လို့မျက်လုံးသေချာမပွင့်သေးပေမဲ့ အရင်ဆုံးရန်ပြန်တွေ့ရမှကျေနပ်တာကျွန်မရဲ့အကျင့်ဆိုးလေး
🎵~~ဘာမဆိုရင်ဆိုင်ကာတိုက်ခိုက်ဖို့အသင့်ပြင်ထား~~~ပျော်ရွင်ပါစေတသတ်လုံး...သမီးလေးရဲ့ကိုယ်စား~~🎵
စကားပြောသံတွေကြား Radioကကြားနေရဆဲသီချင်းသံလေးကိုနားထောင်နေရင်းပြုံးပြီးထိုင်နေမိသေးသား......ဒါပေမယ့်နောင်တစ်ချိန်မှာဒီသီချင်းကြားရင်မျက်ရည်လည်မဲ့ ကျွန်မအဖြစ်ကိုဘယ်သူမှမသိသေးသလို ကိုယ်တိုင်လည်းသတိမထားမိခဲ့ပါဘူး....
ကျွန်မဘ၀မှာအစားထိုးလို့မရတဲ့သူတွေရှိပါတယ်။ အဲ့ဒီထဲကမှထိပ်ဆုံးမှာရှိတဲ့သူကတော့ ကျွန်မအဖေပေါ့။ ကျွန်မကိုယ်ကျွန်မထက်တောင် ကျွန်မစိတ်ကိုပိုနားလည်ပေးတတ်တဲ့အဖေ၊
ကျွန်မမျက်ရည်ကျရင်အရမ်းဒေါသထွက်တတ်တဲ့အဖေ၊ အရက်မူးနေရင်တောင်မူးနေတာကိုမသိစေချင်ပဲဟန်ဆောင်ကောင်းလွန်းခဲ့တဲ့အဖေ။
အဖေကကျွန်မဘဝရဲ့စံပြပုဂ္ဂိုလ်တစ်ဦးပါ။
