زولي وحبة بندولي

2

دخلت المحاضرة الدكتور قال لي وبين ياخ ما بدري 🙂🙂💔سكت ساي ما رديت قال لي يلا برا 🌚طلعت وماسكة دموعي بالجلالة قعدت مسااااااااااااااااااافة لمن رفعت راسي لقيت الولد دا تتزكروه بعاين لي قال لي بدل تبكي تعالي نتونس ممكن؟؟ 🌚
قلت ليو اتفضل قعدنا في البنش قال لي اسمك منو قلت ليو وعد وانت قال لي محمد سالتو من عمرو لمن قال لي 23 لمن اتخلعت 😱😱قال لي مالك طقطق لي باصابعو حتى وعيت قال لي مالك قلت ليو البشوفك بقول أصغر ضحك 😂 😂وعاين لي وقام على حيلو مد لي يدو قال لي أصحاب طوالي وقفت معاو هو انا لاقية أصحاب ومديت ليو يدي يلا رقمك؟؟ لمن تزلت راسي انا كنت بفكر َ في هل ناس بيتنا حيرضو او لا فقام قال لي ما مشكلة طوالي بديت في الرقم عارفة عويرة وشديد كمان 😂😂
قال لي اصبري طلع تلفونو وااااااااااي من جواي تلفون ايفون يسوي كدا 👋👋قال لي قولي الرقم قلت ليو 01******** قال سوداني؟؟ ااي كيف بالله سوداني ونص وخمسة قلت ليو انت شريحتك شنو قال لي زين قلت ليو لي شريحة الناس العندهم كاش قام ضحك قال لي يلا في مان الله وفات.....
تسرييييييع الأحداث
وصلت البيت سلمت على ناس امي واتظارفت شوية دخلت غرفتي تلفوني رن 🙆🙆فتحت الخط وشغالة انا دايرة انوم ياخ ☹️☹️💔 ما تعذبوني وانا اردح ساي اسمع ليك الو براحة كدا وصوت حنين فجأة ليك نطيت كدا وقلت ليو منو قال لي ي غبية في زول شال رقمك الليلة منو وانا من الخلعة نسيت زاتو أديت محمد رقمي قلت ليو بصوت يرجف
لالا ما بتزكر ☹️☹️قال لي اوكي باي قفل
قعدت خمسة دقايق كدا بتزكر فجأة اتزكرت محمد صرخت محححمد ودقيت ليو رد قلت ليو معليش كنت نعسانة ما اتزكرتك قال لي زاكرتك ضعيفة شديد المهم قعد يحكي لي عن يومو وعمل شنو وانا ما كان عندي صحبة مقربة شديد أو بست يعني فحكيت ليو حياتي كلها استمرت المكالمة زي 3 ساعات قفلنا قلت اسميو بشنو قلت حبيبي على الأقل ألقا لي عشم واتفكا من البورة دي وسجلتو my baby 🤤🤣وقفلت التلفون ونمت 😴😴😴بكرة الصباح صحيت ومشيت الجامعة لقيت محمد وقال لي.......
نكمل البارت الجاي دي اول لي قصة في الواتباد بتمنى تدعموني وقولو لي ارائكم في الكومنتات.. ❤️❤️