حب طفولتي ❤️

#اسكربت_٥
#حب_طفولتي❤
#الكاتبة_المجهولة✍💘
مجهول:كنت متأكد هلاقيكي هنا(التفتت نور للصوت و صدمت عندما رأت...)
نور:إنت!!!
مجهول:أيوة أنا
نور:بتعمل ايه هنا يا سيف؟؟
سيف:العصفورة قالتلي انك زعلانة 
نور:و عرفت منين اني هنا؟؟
سيف:العصفورة قالتلي انك زعلانة و انتي لما بتزعلي بتيجي هنا للبحر للمكان دا بالذات تحكيله و تشكيله
نور:لسة فاكر؟!
سيف:انا منستش يا نور،منستش أي حاجة تخصنا منستش ذكرياتنا لسة فاكر كل حاجة فاكر مكانا و ذكرياتنا و كل تفصيلة فيها فاكر مكان لعبنا مكانا فاكر كل حاجة فاكر كل اللي يخصك فاكر لما بتزعلي بتروحي فين و بتعملي ايه،عمري ما نسيت يا نور
نور:الزااي و الكلام اللي قولته هنااك؟؟
سيف:منستش حاجة لسة فاكر بس كنت عايز أعرف انتي لسة فاكرة لسة مهتمة بمكانا لما سألتك عن اسم مكانا كنت عايز أعرف انتي فاكرة و لا نسيتي "نور السيف" انا اللي سميته و اخترته عشان اسمك يكون على اسمي مش مدايق ولا زعلان اني سميته كدا،أنا آسف
نور:مستحييل أنسى يا سيف الأياام الحلوة و الذكرياات الحلوة مبتتنساش،تعرف أغلب الوقت بروح مكانا أفتكر ذكرياتنا المكان دا مش مجرد مكان كنا بنلعب فيه المكان دا حياتي كلها و طفولتي عشتها هنااك،بتتأسف لييه؟؟
سيف:لأني زعلت و دايقتك بكلامي انا آسف
نور:مين قالي اني زعلانة انا مش زعلانة
سيف:عنيكي بتقول إني زعلانة و انا مقدرش أشوفك زعلانة و أسكت
نور:لييه؟!
سيف:امسحي دموعك مشوفكيش بتعيطي أبدا دموعك غالية عليا جدا
نور:غالية لييه؟؟!(مع كل سؤال بسأله كان قلبي بيسأل مش أنا كأنه مستني إجابة منه كأنه مستني إجابة معينة تريحه كأنه مستني قلبه يطبطب على قلبي و يقوله انا هناا انا حاسس باللي انت حاسه و لكني لم أجد ردا يرضيني)
سكت سيف لدقايق(مع كل كلمة بقولها قلبي اللي بيقولها مش انا معرفش ليه مع كل سؤاال بتسأليه عارف انك مستنية إجابة بس صدقيني انا نفسي محتاج إجابة)
سيف:غمضي عينك
نور:لييه؟!!
سيف:غمضي بس
نور غمضت عنيها و سيف طلع بوكس صغنن كان مخبيه
سيف:فتحي
نور:ايه دا؟!
سيف:افتحيه
نور فتحته و فرحت جدا
سيف:دي كل الشوكولاتة اللي بتحبيها عارف انك لما بتدايقي بتروحي البحر و بتحبي تاكلي شوكولاتة بتهديكي شوية
نور:لسة فاكر؟!
سيف:عمري منسيت حاجة تخصك
نور:شكرا يا سيف حلويين أوي أوي
و فضلوا يضحكوا و ييتكلمو سوا
...........
(بعد فترة)
عند نور
روحت نور و كانت مبسوطة جدا من الوقت اللي قضته مع معشوقها و تتمنى لو يعود بها الزمن و يتوقف هنااك ولا يمر أبدا دخلت الأوضة و أول ما دخلت لقت.....
عند سيف
سيف:ألو يوسف فاضي شوية؟؟
يوسف:أيوة فاضي
سيف:طب أنا جيلك انت في البيت؟؟
يوسف:انت رجعت من السفر امتى؟!و مال صوتك شكلك مدايق؟؟
سيف:انت في البيت؟!!
يوسف:أيوة
سيف:طيب انا جايلك دلوقت(وقفل)
.......
عند نور
دخلت نور و لقت بوكس صغنن فتحته لقت ورقة فتحتها"آسف عشان زعلتك و دايقتك،جبتلك كوباية بدل اللي انا كسرتها عارف انها كانت غالية جدا عليكي جدا محفور عليها إسم أتمنى تعجبك آسف....سيف"
فتحتها نور لقت الكوباية كان شكلها جمييل جدا و محفور عليها اسمها و كانت مبسوطة جدا و غاصت في بحر الذكريات
Flash Back
نور:شوف يا سيف ماما جابتلي اييه؟؟
سيف:آه شوف و ياترى ميين جابلك السلسلة دي
نور:ابن عمي
سيف:بمناسبة اييه؟؟
نور:بمناسبة ان عيد ميلادي النهاردة اييه يا أستاذ انت نسيت؟؟
سيف:ومين اللي لبسهالك؟؟
نور:هو
سيف:بصفته اييه يجيبلك هدية و بصفته ايه يقرب منك و يلبسالك هاا بصفته اييه؟؟
نور:عادي يعني ابن عمي و جايبلي هدية فيها ايه دي؟؟
سيف:لا مش عادي محدش لييه حق يقرب منك و لا يكلمك غيري متكلمهوش تاني و لا تقفي معاه
نور:و دا لييه ان شااء الله
سيف:عشاان انا عايز كدا
نور:و انت مين يعني
سيف:انا ابن خالك و من حقي امنعك
نور:لا مش من حقك انت يا دووب ابن خالي بس مش أكتر
سيف:نور انا قولت متكلمهوش يعني متكلمهوش
نور:لأ هكلمه غصب عنك
سيف:انا قولت متكلمهوش يعني متكلمهوش و إلا
نور:و إلا اييه هتعمل اييه يعني؟؟
سيف:ابعدي من قدامي أحسنلك
نور:مش هبعد
سيف:ابعدي
نور:لأ
سيف:امشي يا نور
نور:مش همشي
في اللحظة دي فقد سيف أعصابه و كان في كوباية على التربيزة في الجزء الخاص بنور سحبها و رماها اتكسرت مييت حتة
نور بدموع:اييه اللي عملته دا؟؟
سيف:.......
نور بدموع:انت عارف كويس الكوباية دي بالنسبالي اييه دي الذكرى الوحيدة ليا من بابا دي الحاجة الوحيدة اللي فضلالي دي أغلى عليا من أي حاجة في الدنيا و انت كسرتها و حطمت معاها ذكريات كتيير
سيف:انا آسف مكنتش قصدي
نور:يا ترى أسفك دا هرجعهالي تاني هترجع تاني ذكرايا الوحيدة اللي فاضلة ليا من بابا دي كانت آخر هدية بابا يدهالي في عيد ملادي بعدها بشهور قليلة بابا مات و فضلت دي الذكرى الوحيدة ليا و انت بكل غباء كسرتها و كسرت ذكرياتي معاها انا مش مسمحاك أبدا(و نزلت و سابته)
Back
عند سيف
يوسف:حمد الله على السلامة جيت امتى؟؟ بقى تيجي كدا من غير ما تكلمني
سيف:الأهم اني جيت و خلاص
يوسف:مالك يا بني؟؟
سيف:نور
يوسف:نور مين؟؟
سيف:بنت عمتي
يوسف:اه مالها؟؟
سيف:جدو مصر أنا و نور نتجوز
يوسف:دا خبر يفرح انت زعلان لييه بقى؟؟
سيف:نور بالنسبالي أختي زي سما بالظبط عمري ما اعتبرتها زوجة بس...
يوسف:بس اييه؟؟
سيف:لما شوفتها زعلانة مقدرتش أشوفها كدا و روحت صالحتها معرفش لييه؟؟بس مقدرتش أشوف دموعها و أسكت،ولما شوفتها النهاردة كنت عارف انها هي و كنت مبسوط اني شوفتها معرفش لييه؟؟
يوسف:شكلك وقعت
سيف:لا مستحيل..نور مجرد أخت بالنسبالي مش أكتر و جدو عايز يجوزنا لبعض أتجوزها الزااي يعني؟؟
يوسف:قول لنور و خليها تختار لو موافقة تتجوزوا و لو مش موافقة يبقى الرفض جه من عندها مش من عندك انت
سيف:مش عايز أكسر قلبها
يوسف:عرفها أحسن ما تتجوزوا وانت مش موافق و تظلمها معاك يبقى بمعرفتها و رضاها أحسن
سيف:عندك حق هكلمها
و فضلوا يتكلمو كتيير
..........
بعد فترة
دق..دق..دق
نور:ميين؟؟
سيف:نور أنا سيف
نور فتحت الباب
سيف:ممكن نتكلم شوية
نور:ماشي
سيف:هستناكي في الجنينة
نور:ماشي
نزل سيف و شوية و نزلت نور
سيف:عايزك في موضوع مهم
نور:قول يا سيف في اييه؟؟
سيف:أوعديني متزعليش من كلامي
نور:اتكلم يا سيف
سيف:اوعديني
نور:اوعد
سيف:جدو كلمك؟؟
نور:كلمني في اييه؟؟
سيف:في موضعنا الجواز يعني
نور:اه
سيف:انتي موافقة؟؟
نور:لسة بفكر
سيف:نور لازم تعرفي حاجة قبل ما تاخدي أي قرار
نور:اتكلم يا سيف
سيف:نور انتي بنت عمتي و عارفة كويس غلاوتك عندي نور انتي غالية عندي جدا و عشان كدا لازم تعرفي اني مش موافق على الجوازة و دا مش عيب فيكي و لا لإن في حد في حياتي السبب انك بالنسبالي أختي مش أكتر زي سما بالظبط عمري ما فكرت إنك تبقي زوجة ليا،القرار قرارك في الآخر ،آسف على كلامي لو دايقك
نور بهدوء و قوة عكس اللي جواها:لا مدايقنيش ولا حاجة شكرا على صراحتك و انك عرفتني بدل ما تظلمني معااك و الحقيقة انا كمان بعتبرك أخ ليا مش أكتر و مكنتش موافقة بس مكنتش عارفة أقولك الزاي و انا  مش هقبل أتجوز حد رافض فكرة جوازنا بغض النظر عن الأسباب بكرة هبلغ جدو عدم موافقتي.....
و أثناء حديثهم سمعوا صوتا قادما من الداخل و كأن هناك شيئا قد كسر دخلوا للداخل و وجدوا..........
#يتبع.....
التفاعل جميل جدا بجد فرحتوني جدا مكنتش متخيلة تعجب حد+آسفة على التأخير بس غصب عني كتبتها مرتين و اتمسحت فتأخرت على ما كتبتها تاني...
أتمنى تعجبكم❤إنجوووووي❤باي باي فانزي القمر❤