منعطف واحد

مشهد

منعطفٌ واحدرواية الغموض.

 بقلمي حفصه الهاشم 

 ________________________ 

منعطف واحد غير مسار حياتي الى الجحيم
اتدارك عواقب اخطائي بأخطاء لا تغفر ..
 وددتُ لو اني في ايام الطفولةِ مفنيه ..
 ولا اعود لجحيم هذا الكوكبُ ..

 بقلمي حفصه الهاشم

 بابا فوت من هذا المنعطف يجوز يوصلنه اقرب والله تعبنه جسمي نمل من الكعده بالسياره 

 حجيت ويا واني اتحرك بضوجهباوعت على اختي الصغيره نايمه هيه وامي واخويه الصغير
 هذوله شلون يكدرون ينامون بالطريقاشو اني من اسافر لو اموت من النعس ماعرف انام بالسياره ...

 وهذوله شخيرهم عالك

 جاوبني وهوه يفوت بالمنعطفاي يابه صارلنه ساعه نمشي يجوز يوصلنه هذا اقرب الخارطه هم هيج تكول 

 نط من يمه وكاللا عمي لاتفوت منا الدنيه ليل ومانعرف هذا الطريق بي اوادم لا
 رجعنه نمشي لطريقنه احسن 

 ماسمع كلامه ابويه بقه يمشي بالمنعطف الكتله عليهِاي شكو بيها التغير واجب
بس هذا ابن عمي جبان يخاف من ظله 

 ابويه لا ابني لاتخاف هسه نمشي شويه مالكينه احد نرجع مابيها شي 

حطيت السماعات بأذني وبقيت ادور على فد نغمه تريح البال
 وهذا الجبان بعده يتوسل بأبويعمي والله ماكو احد دخلينه نرجع احسن النه 

 جاوبه ابويه وهوه يلف السيارهاي هم صحيح اشو حيل اظلم ماكو روح تمشي هنا 

 شغلت نغمه وغمضت عيني شسويلهم بكيفهم عاد اني نصحتهم

 فجأة حسيت ضوه قوي صار كدام عيني وصوت هورنات قويه 

 فتحت عيني واني اشوف نفسي طايره من الكشن الورا على الجامه الاماميه ..
 اصوات فرامل سيارات ...ريحة دخان .. 

 غمضت عيني بألم ورجعت فتحتها

 ابويه نايم على ستيرن السياره وصوت الهورن معلك 

والدخان بكل مكان ويه ظلام الليل المخيف يحجب الرؤيه عنيامي اخوتي وين ..

 اخر شي شفته اقدام رجال بحذائه الاسود تقترب مني. واغمى عليه .... 

 _____________________

 مشهد ثاني

 اخذت الگلاص واني حاطه ايدي على گلبي من الخوف