باچر الدنيا تلمنة واگعد اتأمل عيونـك.💕
نرجع الناز
ناز:اول درس خلص بدأ الدرس الثاني الي هو امتحان جغرافية اباوع على غسق تريد تبجي من الخوف كملنة امتحان بدت الفرصة طلعنة من الصف نحجي
ناز:ها غسق جاوبتي لا
غسق:اوفف اسكتي يمعودة نسيت فرع من السؤال
دنيا:عادي يمعودة علية درجتين ونص
كتلهن ترحن نشتري شي كالن اي يلة
رحنة للحانوت اشترينة ورجعنة كعدنة عل مصطبة
ناز:تعالن يمي اليوم والله وضوجة
غسق: كالت اي عادي
دنيا:كالت اشوف اهلي اذا قبلو اجي
اكلنة وكملنة دك الجرس هاذا الدرس عدنة رياضيات مااطول عليكم رجعنة نمشي للبيت ونسولف
ما انحس بس واحد دك هورن ويمشي بصفنه
الولد: مرحبا ياحلو اطيني رقمك
ناز:امشي غسق بسرعة
غسق: يلة
كمنة نمشي سريع وهوة يمشي ورانة انداريتلة كتله
واني عصبية ناز: شتريد من عدنة امشي لا اصيح والم عليك العالم طايح حظ
كال:فديت العصبي اني
كتلة: اتحرك والله اصيح العالم
كال:يدلل الحلو بس اطيني رقمك
كتله: تف عليك لو عندك خوات ما سويت هيج
كلت الغسق امشي
فتنة بشارعنة عاد راح
كمنة نتنفس سريع
ناز:يلة حبي اشوفج اليوم
غسق: اوك حياتي العصر اجيج
رجعت للبيت ماكو احد صعدت للغرفة طبيت اخذت دوش وطلعت لابسة البرنص لان ما اعرف ابدل بالحمام طلعت رحت للغرفة لبست تراك وشسورت شعري وحطيت مرطب الشفايفي ونزلت للمطبخ طبعآ اني ما اعرف اطبخ بس اعرف اسوي حلويات شاطرة بيهن ف ماما بليل تركب وتروح للمستشفى ف حميت الاكل على ما يجون
الساعة 2:00
اجو بابا وماما واخواني
كتلهم
ناز: هلاوو شلونكم
حسام( الاب):هلة ببنيتي شلونج بلمتحان
ناز :الحمدلله بابا جاوبت كلش زين
ماما:كالت هاي ابنيتي الاعرفهة
ناز:حبيبتي ماما انشالله ارفع راسكم
كتلهة :ماما اني حميت الاكل روحو بدلو واني اصبلكم
راحو يبدلون سويت زلاطة وصبيت الاكل صحتهم تغدينة
وغسلت اماعين كلت الماما راح اصعد فوك اخابر صديقاتي
وها صدك اليوم راح يجون يمي
امي:كالت هلة بيهم حبيبتي
صعدت للغرفة خابرتهم مكالمة جماعية كتلهن ها تجن
غسق :كالت اني اجي
دنيا:كالت كلت الاهلي وافقو
كتلهن تمام كملنة مكالمة قريت التحاضير مالت باجر
كملت نزلت اسوي حلويات سويت كعك وبقلاوة وحضرت شباسة وعصاير ونساتل
العصر الساعة 5:00
اندك الباب رحت افتحة
شفت غسق ودانيا
غسق ودانيا: هلووو حبي
ناز :هلاوات يلة فوتن
فاتن سلمن على امي
كتلهن نصعد فوك لو اهنا
كالن بكيفج
كتلهن نصعد فوك
صعدنة فوك بغرفتي
كتلهن هسة اجي اني
نزلت اركض على الدرج هاي عادتي انزل اركض
حضرت الحلويات والعصاير وصعدت
لكيتهن مكنكات بالموبايل
كتلهن: قريتن التحاضير
كالن: لا بعدنة
كتلهن: هاا اني قريتة
عاد صار المغرب راحن
نزلت اساعد ماما بالعشة كتلهة
ناز: ماما لعد بيت جدو ابو ابوية وين ليش ما نروحلهم
امي:يمة انتي ماتدرين تعاي اسولفلج كالت يمة اني من جان عمري 16سنة اروح للمدرسة اشوف ولد يباوعلي ما اهتملة يوم بعد يوم اشوفة يوكف اباب المدرسة مرة جنت جاي
امشي ولحكني كتلة انتة شتريد مني كالي والله نيتي زينة اني اريد اخطبج كتلة اني اريد اكمل دراسة واشوف مستقبلي
وبعدني صغيرة كال اني اخليج تكملين دراسة يمي كتلة ها ما ادري وعفتة ومشيت ثاني يوم ماكو ومر شهر وهوة ماكو
بدينة امتحانت نجحت رحت للخامس وهوة ماكو اختفة مرة رجعت من المدرسة وحسيت سيارة تمشي وراي التفتت
واشوفة اني كلبي كام يدك سريع مشيت وصلت للبيت وثاني يوم هم كام يلحكني كتلة شتريد كال احبج واري اخطبج كتلة
بس اني اريد اكمل دراسة واهلي ما يوافقون كال اني اجيب اهلي واجي مرت ايام ومرت اشهر وهوة اختفة اني تخرجت
من السادس بمعدل عالي مرة رجعت من الكلية شفتة بالشارع مالنة كتلة شتريد كال اريد اجي اخطبج بس اهلي ما يقبلون
يريدون يزوجوني بت عمي كتلة اي عادي ازوجهة وعفتة ورجعت للبيت للعصر اندك الباب راح اخوية يفتحة شافة
بالباب سلم عليه هاي فوتة يم ابوي بالستقبال حجة وية ابوية وكلة هيج وهيج الحجي وكلة شتريد اني حاضر
ودراسة هم اخليهة تكمل ابوية وافق وازوجنة ومن يومهة ابو تبرة من عدة كلة لو بت عمك لو ماكو هوة متخبل وطالع من البيت وبعد من يومهة ما راح الهم
ناز:عزة شنو من عقول عدهم
ماما: ما ادري ياامي
ناز:زين هسة جدو وين
ماما :كالو مات
ناز: الله يرحمة
اجا بابا وصبينة عشة تعشينة وكمت اغسل الاماعين سويتلهم جاي
سمعت بابا يحجي ويا ماما
يكوللهة:ماادري شسوي
***************************
أثاري الروح
من تشتاگ ما تندل دربها منين . .
حبايب كلبي لهنا وخلص البارت لا تنسو التصويت
