♡كل ما تبقي لي ♡

البارت الاول|1|

#البارت الاول |1|

#كل_ما_تبقي_لي

بصي يابنتي أنتي من ساعه ما أهلك ماتوا و أنتي عايشه تحت حمايتي و أنا يا بنتي خلاص في أخر أيامي و عايز أطمن عليكي دا أنتي الغاليه بنت الغالي...

نور :  ميلت علي إيدو و باستها  يا جدو ربنا يديمك ليا و يديك طولة العمر بس بتقول الكلام ده لي دلوقتي..

الجد  :  عشان الصراحه هجوزك أبن عمك..

نور :  أتكلمت بحزن بس يا جدو أنا لسه صغيره و بعدين أنت قصدك علي أبن عمي مين انت عارف أني مبطقش كينان..

الجد  :  لا مش  كينان أمجد أبن عمك..

نور  :  يا جدو ده أنا بقوله يا أبيه أذاي هتجوزه و بعدين ده في مقام أخويا الكبير...

الجد  :  أسمعي يا نور أمجد يبقي أبن عمك يابنتي و بعدين مش غلط أنكم تتجوزو..

نور  : حاضر يا جدو طالما ده الي يرضيك و سابته و طلعت علي اوضتها..

أمجد  :  نازل علي السلم بيتكلم في الفون لقي جده قاعد راح يسلم عليه قبل ما يخرج...

الجد  :  أي يابني رايح فين دلوقتي أنت مش واخد أجازه انهارده عشان العيله كلها هتتجمع...

أمجد  :  مفيش زهقت قولت اطلع بره شويه...

الجد  :  طب في موضوع كنت عايز اتكلم في معاك.

أمجد  :  اتفضل خير في حاجه في الشغل.

الجد  : لا يابني بس كنت عايز اتكلم معاك في موضوع بخصوص نور.

أمجد  : أتعدل في قعدتهُ مالها نور يا جدي..

الجد  :  بص يا بني  انا من و انتوا صغيرين مبفرضش عليكم حاجة بس انهارده أنا هطلب منك حاجة بس ياريت مترفضش طلبي..

أمجد   :  قول يا جدو انا عنيا ليك في أي..

الجد  :  الصراحه يا بني عايز اجوزك أنت و نور بنت عمك عشان أطمن عليها انت عارف دي امانه عمك الله يرحمه..

أمجد  :  مكنش عارف  هيقول اي لانه أكبر من نور ب 8 سنين كان خايف أن هي ترفض..

بعدين اتكلم و قال طب أنت سألت نور الاول..

الجد  : أنا قولتلها و وافقت الدور و الباقي عليك انت كمان هتوافق و لا ترفض طلبي..

أمجد  :  ما عاش و لا كان الي يرفض لعزيز الدمنهوري  طلب أنا موافق..

الجد  :  علي خير أن شاءلله لما العيله تتجمع أنهارده هنتفق علي كل حاجه..

أمجد  : جاله تلفون طب عن أذنك بقي هرد علي الفون..

خرج أمجد يرد علي الفون  و بعد ما خلص وقف يفكر و كان مشغول بنور و هل هتوافق عليه و تحبه رغم فرق السن الي بنهم...