كان ياما كان
#بين-الركن-والمقام
الحلقه الاولى
بين الركن والمقام
بين ارضها وسمائها بيارق من الحسنات متوزعه افضل مكان يرى به الله داخلك نضيف وترى من حولك من كل الاصناف يرتجون منه عز وجل اللطف وغفران الدنوب بقعه اراد بهاالله ان يعطينا فرصه الولاده من جديد بدون ذنوب تشوبنا الا والله ماااجملها من مكرمه رحماك ربي ما الطفك ان هيات لعبدك سبل الهدايه ان شات ان تهديه الى الدين الصحيح القويم لا (اكراه في الدين) ايه واضحه بعبرها ومعانيها الدقيقه البناءه ان لا يجبر المرء بالعمل الصالح. بل بالطرق الايجابيه الالهيه بالعقليه المتفتحه الواعيه يجذب الى مكنونات عزته ورحمته ويكون اثوب ان عمله بملا ارادته نابع من اعماق ذاته وروحه الخصبه سبحانك ربي مااكرمك --------
بين الركن والمقام قصه واقعيه والعائله ويانا بالكروب كل ماهنالك تلاعبت بالزمن والاحداث لتصويرها الكم متابعه ممتعه ----
مريم السعدي
السلام عليكم من ارض الحرم انه نايف من جده عدي ١٢اخ من امي ٦ومن مرت ابوي٦
انه اهلي من الديانه السلفيه الوهابيه المتعصبه بالنسبه الي انه بعيد عن الدين اكل طك هواي من وره هالسالفه وكت الصلاه اصلي لخاطر مايطكوني
مااعرف مامقتنع انه عمري ٢٤حاليا. راح احجيلكم عني قبل جثيث الهندام وسعودي الاصل انه الاخ الوسط عدي كل الاعمار باخوتي من عمر اشهر لعمر ٤٠ههه وعدي خوات ٣ اشوف كره اهلي لغير ديانه لدرجه العقوبه القصوى ----
راشد- يله شباب فزو صلو ماتسمعونه دياذن
نايف- يخوي والله رايح اصلي بس اتركني انام شوي
واشد- كم لا بارك الله فيك لا اطكك بالمداس
نايف- استغفر الللله رايح رايح كنت اوكف اصلي بصغري من دون مااعرف قيمه الصلاه بتعبيرها اصليها خوفا من اخوتي من من الله ومن كبرت وكمت اسمع محاضراتهم مااقتنع بيها من يومي انه الحين اصلي بقناعه قلب بس حيز بكلبي مامطمن لديانتهم المتعصبه اللي حتى اليدخن ينضرب اثرها بالنسبه لعملنا احنا نشتغل بداخل الحرم انه عالمكينه مال مسح الارضيه المقدسه وره كل سجده يسجدوها لازم تنمسح الارضيه خوفا من الامراض التنتقل عن طريق النفس لان اذا اجت غير عالم ورجعت صلت بنفس الموقع راحت تتمرض نفس القبلها
واخوتي حرس بالمقام يم الحجر الاسود راشد ويم المسجد انه يومي عباره عن شفت من ال٨الصبح لل٥المغرب قبل الاذان وبعدها ارجع لبيتنا ارتاح واطلع الديوانيه وي ربعي بالسر بدون مايدرون اخوتي عبد الله وعبد الرحمن وعمران ويوسف اخوتي الاكبر منني شاكين فيني اروح الديوانيه صحباني بالديوانيه مايعرفون بيه بوضعيه اخوتي كانو ميجيبون طاري الموضوع يعرفون فيني اعصب بعد سنه من اماتي بالديوانيه وي الربع وكوني انسان عادي مو سلفي اشرب الاركيله واسولف معاهم ونجيب طاري البنات عادي وسواليفهن ونوبات نطلع المولات سوه لزمني اخوي عبد الرحمن طكني كدام صحباني وانه باحد المولات اشرب الاركيله بذاك اليوم صارت فضيحه جبيره صرت اخاف اطلع وياهم واخجل وهمه بعد صارو يخافون يردون علي لا اسويلهم مشكله ضنو بيه اني مدسوس بينهم من قبل الحكومه غيرو مكان جمعتهم بغير ديوانيه انه ماعرفها
٢
مشت الايام صرت اتطبق بطبايع هلي واخوتي امي من الطائفه السنيه عمرها مافرقت لو حابت طاري احد حنونه وراقيه باسلوبها وتربيتها
يمممه يمممه ام راكان ام عبد العزيز
-- ها يمااا سم كول ااامر
- يمه حدي جوعان ماتنجبين الغدا
- يخسا الجوع ينضر عيني شوي ويوصلون اخوتك وناكل كلنا
- ماشي يمه احجيلي عن قصه الرسول ابوي يكول النبي رجل اده رسالته وراح انه من افوت لمسجده اللي بالمدينه روحي ترفرف
- - الله يارسول الله هنست باذنه يمه ابوك متعصب يضن انه احنا مشرك بجبنا للمولى عز وجل واحنا نحب رسول الله لان هو سبب هدايتنا روحي له الفداء انه اكلك العلموني عليه هلي والباقي ضلت يمك انت رجال وفاهم تروح تقره كتب
- - يمه اخوتي مايحلوني اقره اي كتاب
- - يمه اذا بالسر ماراح يشوفك روح اتطلع وشوف نبيك ومرسول ربك شسوه وشون تاذى من شاننه يابهد روحي يارسول الله
- يشفعلنا يوم المحشر
- يممما ابوي يكول ما كو شفيع كلمن بعمله
- - يايمه كل العالم تكول يااروحي الا حبيبي المصطفى يصيح ياامتي روحي له الفداء يابعد خاطر امه وعمرها وسنينها تروح للمكتبه المحمديه و تطالع السيره النبويه انت صار عمرك ٢١سنه روح طالع السنه التجي تتخرج من الجامعه وتصير مهندس كهرباء بكد الدنيا وتنور علينا وعلى امه محمد يله حبيبي ابوك وصل سد الموضوع مارايد ه مشاكل وي اخوتك وابوي حدي البارحه متهاوش وياي الله يساعدك ابو عبد الرحمن
- ابو عبد الرحمن- هله بام عبد الرحمن حطي الاكل يله يولد تعالم توضوًوتوجهو للسفره
- صار حجي
- نايف- انه اخوي ابراهيم من مرت ابوي ال٢احبه وايد لانه فاهم وواعي واحسه كبيرنا ويفهم اكثر من عبد الرحمن ومايثق بالتطرف ومو بمتعصب بس هم من السلف صحباني كلهم من السنه الجماعه وانه روحي بيهم وعبد الرحمن يكللي عليهم مايفهمون وانهم مشركين بعباده ربي خلاني اتركهم عنوه وهمه هم ماكصرو خافو مني كلش لاني من الاصوليه ومبدا الاصوليه السلفيه اما ان تكون منها اما انت ضحيتها واني بين الانجراف وبين العقيده النبويه الشريفه صرت اتطلع بالمكاتب والكتب وعبد الرحمن اخر كم يوم احسه يراقبني من بعيد وصدك ضني وكان بمحله مجرد دخولي للمكتبه لمحته من كامرتها بسرعه طلعت من الباب ال٢كمت احس بمضايقته الي ويلحكني وين ماروح شكيت لاخوي ابراهيم كاللي تعال يمي ببيته بمنطقه ابها سافرت اله وبقيت كم يوم ارتاحيت وايد ببقيتي يمه من اسمع ذكر الحبيب من لسانه ولسان اهل زوجت ابوي خوال ابراهيم ارتاح وايد اهل مرت ابوي ساكنين ابها وابوي كل شهر يزورهم يبقى شهر ويرجع لجده كدامه ما يحجون عن الرسول يخافون منه ابوي حجي واصل بالحرم -------/
- والحين لازم ارجع لان موسم حج يبدي بعد شهر واحنا كل عام هالوكت نتحضر بالحرم النواقص الكهربائيات العطلانه اداره مي زمزم هواي اكور ادامه تباريد مكيفات ارضيه وكذا رديت لمكه وانه مهموم بس الله يدري بهمي ربي بحق حبيبك المصطفى اذا درب اهلي وابوي صح مشيني بي واذا كانو على غلط اهديني وهيالي الهدايه يارب انه على بابك عاجز وحاير بين الخطا والصح حاير واريد طريك الصح بدينا نحضر الحرم
صرت اشوف حبيبي المصطفى بالطيف كانما صوته بالسما ان انه حكون من المومنين به مر شهر وانه بشكل كل اسبوع اشوف طيفه يزورني صرت اقره القران وانذكر نزوله عليه ومره كدرت اتسحب واروح المدينه ازوره بكيت لحضه وصولي احساس يهزني انه يمس روحي وقلبي من الداخل مسكت شباكها وطفت وي الطائفين ولو احد اخوتي شافني ليذبحني جنب منه رجعت لجده والصبح كان اكو اعمال عماره العواميد بالحرم والحرم المكي صاير كله بناء الناس تطوف موهامها شي انه امسح عالماكنه وراشد احوي يسحب مواد البناء الباقيه بقت هالحاله ٣ايام من بدء موسم الحج واستمرو بسحب العواميد تزحيفها لتوسيع الحرم المكي مر اسبوع واليوم يتم سحب اخر ٥عوامد عملاقه الناس مزدحمه كلش ماشاء الله صارت عيني على كروب اعجمي صفوي اللي يسمي ابوي واخوتي جانو يبجون بحركه يم الحرم صارت عيني على بنت شابه تطلع حوالي ب١٨سنه عيونها كبار كلش وحاجبها مرفوع وضامه بقيه وجهها بعباتها بقيت اطالعلها جذبتني شافتني اطالعها عكدت حاجبها لان هم يكرهون السلف وانه ولحيتي وشاربي المزين ودشداتي الكصيره عرفت ملتي دارت وجهه خايفه مني جلبت بعبات امها كلش بقيت اطالعها مبتسم اضحك عليها ماشوف الا والارض تهتز تحتنا رفعت راسي اشوف العوامميد تطيح وراح تطيح عالبنت واهلها وبسرعه الخطف حركت ماكنتي سحبت البت قوي ومشيت سريع اذكر اني دست على رجل كم حاج بس كن خوفي طاحت العواميد وصارت ضجه وفوضى عارمه البنت تصيح بيدي وتضرب وكلشي ماافهم عليها
