#هديه من ربي
الجزء10
زينه- كتلت اخويه مو شجنوك شطلعك انت قاتل
فيصل- كتلته من وراج كلي ماتت
زينه- حتى تنساني جنت متزوجه من شهر باوعت لبنتي وهاي بنتي
فيصل- بجيت بحركه اني قتلت بدون سبب شون كدرتي تعيشين وياه
زينه - كوه نسيتك بس هو حباب مقصرر بشي حتى انساك مع العلم مجان يعرف عدي علاقه واحبك عباله لان تصفيه حساب اخذني اكرهه
فيصل- شون تصفيه حساب
زينه - جان يطلب اخويه 60مليون قبل سنتين واخويه ماعده كله ادخلك السجن لو تنطيني زينه
واخوي قبل وجبرني حركت روحي وتلحكولي ومن جيت كلك هيح حتى متوصلي بعد وانت كتلته
فيصل- مرتاحه دموعي تجري وهي بارده ومو يمها
زينه- كلش مرتاحه كلش خوش ولد يله اترخص انت هم عيش حياتك انساني كلشي قسمه ونصيب
فيصل- فاتت من يمي واني شوي وووكعت حسيت روحي بالمستشفى وعادل يمي
عادل- حمد الله عسلامتك
فيصل- شكرا تنهدت عادل زينه مميته
عادل- تنهدت اعرف
فيصل- ومكتلي
شراح يفرق عدك متكلي شراح يفرك نستك وكونت بيت واسره وانت هدمت حياتك كتلت اخوها وطردت مرتك والشرب والمكسرات فيصل انت طلعت بفرصه من ربك جان هسه كاضي كل حياتك بالسجن العفو من ربك حبيبي تلحك لروحك بني ادم اليوم هنا باجر يم ربه اصحى لدنياك عمرك33 شوكت تجر عدل عفته وطلعت
فيصل- عادل عادل تعال بجيت
عادل- ها خويه دمعت عيني موقصدي ااذيك والله بس خايف عليك بسته من راسه
فيصل-اكعد عادل اريد احجي حطك
عادل- جريت الكرسي وكعدت كدامه اني مالي غيرك وانت مالك غيري
فيصل- سفانا هي البقتني يمها من انهزمت من السجن احجي ودموعي تجري بقيت يمها 5ايام كلبتلها بيتها جنه وعاونتها على امها المريضه جانت كلش حبابه بيوم من الايام سمعتها تحجي بالتلفون جنت مو يمها سمعتها تكول
انه خوش ولد بس مااكدر ابقه ويا ماارتاح شيكولون العالم اني توقعت بلغت عليه لان نفس اليوم بليل جوي الشرطه واخذوني وبده التعذيب انت مشايف جسمي كله محفر ومعقج ومشكك من التعذيب اللي شفته كل الم تالمته حلفت وقسمت يمين اني انتقم منها لان بلغت ومن طلعت تذكر البيت الرحنه عليه كلولنا انتقلت لبغداد
هو هذا البيت البقيت بي ومن جيت انصدمت وره 3اشهر لكيتها ببيتنا تدرس ابنك خطبتها راسن وانت كدامك مردت اكلف روحي بهالزواج واني كل همي انتقم منها واجهتها وكتلها انتي من وراج تتوسل وكلتلي مواني مصدكت بيهالان سامع باذني وراها جتي جوارينهم من منطقتهم تباركاها بزواجها وكالت بالصدفه انه هي البلغت تخبلت وحجيتلها كلشي وكتلها اني محاب غير زينه وزواجي جان على اساس انتقم منج
هي رادت تنفصل واخر شي البارحه من عرفت عدي علاقات متحملت بعد طلعت من البيت وهسه هي مو ببيت اختها والاظرب من هذا كله زينه عايشه وموسائله عني كرهتها واني جنت معتبرها اوفى وحده بالدنيا
عادل- جنت مصدوم من ديحجي بس فاتح حلكي واسمع
مسحت دموعه خويه هايدالدنيا تشوف بيها اشكال بس تقويك متوكعك الزم روحك تنهدت يعني انت متحبها لمرتك تريد تتطلكون
فيصل- متريدني بعد تنهدت بحسره ومنو تقبل هيج زواج اني هنتها بكلشي بمراسيم الزواج بتركي الها10ايام بدون مااقرب منها واكولها متعجبيني وحارت شلبست تغريني
عادل- انت اعرف بحياتك وبمرتك باوعتله بالم شكد شاف قهر من وره مره دمرت حياته
طلعنا من المستشفى لازم السرير مده اسبوع لان مريض
فيصل- اكيد هي هسه بابو غريب بالحديقه الشمس حلوه بالكوه كمت من وكعتي صخونه وحاله نفسيه كلش تاذيت كضيت ايام اباوع لمكانها واتذكر توسلها بيه اكره روحي والنوبه اكولها زينه اللي بكلبي
سفانا- بنت ام حسن كامت تبات يمي عمرها 18سنه كلش حبابه اقريها انكلش ورياضيات لان هي سادس علمي لهتني هواي بس هم كلما اصفن اتذكر فيصل والعذاب بس كل هذا وهو كان حنين تذكرت من طلعنا سوه وشون تونسنا تندمت لان مسلمت على خالتي واروى اتصلت بيه اختي تتعارك كمت اصيح وكتلها عوفيني ارتاح مر شهر عاى بقيتي هما جنت مرتاحه كلش مشتاقه لفيصل بس شي يمنعني منه
كعدت الصبح راحت ميسره بت ام حسن للدوام بقيت وحدي
طلعت للحديقه صليت كاعده بيها اشرب جاي
فيصل- طبت وكمت مااكدر ابقه بالغرفه اتذكر كل تفاصيلها حاضن هدومها وانام عطرها اليخبل موتني فراشها ريحتها كلشي بيها مشتاقله ندمان حسيت روحي دااتعذب حيل لزمت التلفون اتصلت مغلق
امي- بمه حبيبي شبيك شتحس
فيصل- باوعت لامي تنهدت روحي دتحترك
امي- اسم الله يمه روحلها وردها ليش تضل هيج
فيصل- متريدني
اروى- ههههه منو المتريدك تدري مره كتلها يحب غيرج الج خلك لو لا كلتلي اي الي واسوي المستحيل بس حتى ينسى حبه ويحبني
فيصل- كعدت عدل صدك اروى بداعت رواد
اروى- وروح امي ولك تموت عليك لو متحبك متاكل خجلها وتلبسلك هيج لبس وانت مالك نفس بيها
فيصل- تذكرت نصيت وكفت رايح اردها ادعولي تقبل تجي ويايه
امي- روح يمه الله وياك ويهديها عليك
فيصل- لبست دشداشه بيضه ودخلت للحمام زينت صفر ابتسم ردت اذكرها لبست الدشداشه وطلعت لابو غريب جانت ساعه 10الصبح وكفت السياره برراس فرعهم ونزلت مشي فتت من يم بيتهم مسدوده الباب افتريت مثل اول مره وصعدت عالسطح نفضت هدومي باب السطح مقفوله تنهدت هسه شون سمعتها تصعد وره ساعه ملطوع فوك دخلت للسطح تشر هدوم بقيت خاتل يم الحايط شفتها اندارت ركضت خليت السلاح على ركبتها طبعا
جنت جايب سلاحي
سفانا- عرفته هو من عطره وصارت قديمه
فيصل- حركه وحده افرغ السلاح براسج
سفانا- تنهدت عيني دمعت من جنت هارب من صدك مسويتها
فيصل- بستها من ركبتها شميت عطرها درتها عليه حضنتها قوي مدااكدر اعيش من دونج سفانا
سفانا- اني مرتاحه هنا مااتحمل اذيه بعد وخر وخر لتحضني دفعته كمت اضرب بيه
فيصل- ششش شس اسكتي خليني بس احضنج ماسوي شي والله سفانه سفانه همست متحملت بجيت كمت اشهك على كتفها
سفانه/ فيصل شبيك وكفت الضرب شبيك وفعت راسه
فيصل- درت عيني عنها تباوعني خايفه
سفانه- احجي شبيك
فيصل- زينه طلعت عايشه
سفانه- بربك فتحت عيني صدك تحجي
فيصل- باوعتها وعيني مليانه دمع متزوجه وعايشه حياتها اني متاذيت من شفتها بكد متاذيت بفراكج رجعيلي مشتاقلج
سفانه- ميتحمل كلبي اذيه بعد
فيصل- وروح ابويه ماااذيج نزلت على ركبي بست ايدها اردج عروس بس رديلي فرحتي ريحتج بعدها بالفراش
سفانه- ماارجع بعد انسى راجعلي لان حبك الاول موجود وعايش حياتك
