شلة المجانين

البارت السادس 🤍

عاملين ايه وحشتوني جاااامد دلوقتي نروح

نكمل حكاية المجانين الستة اللي مش عارفين

هتخلص ع ايه يلا بينا نبدء مين متحمس يلا

مليكة:يوووو بقا أنا زهقان يا نااااس يلا نعمل اي حاجة بدل الملل ده

يارا:ومين سمعك أنا كمان زهقانة

ريم،طب خلاص يلا نروح طالما زهقنين

مليكة:يا بااااي بقا يا ريم خلاص كفاية كدا

يارا:اه والنبي يا ريم مش ناقصة

ريم :خلاص ماشي هسكت اهو

مليكة:طب هو فين ادم ومازن واياد

يارا:راحوا يجيبوا حاجة

ريم:هو في حد بيبيع حاجة هنا علشان يروحوا يجبوا حاجة

مليكة:صح يا بت اول مرة تفكري

ريم:لا والله طول عمري بفكر بس انتي اللي معندكيش نظر

يارا:هي دي ريم

مليكة:ريم فين كياتك راحت فين

ريم:كان فيه وخلص مازن كان بيديني دروس في السرسجة

مليكة :سرسجة مالك يا ريم انتي سخنة معنتيش تقعدي مع مازن تاني علشان هو نوتي

ريم:بس يا مليكة انتي اللي نوتي

يارا:ايه ده بتشتمينا علشان مازن كدا في حاجة غلط هو سحرلك يا بت

مليكة:أيوة انطقي يا بت شربك عصير اصفر اللون وقالك أنه منجا

ريم:لا لا أنا شربت قهوة عادي

يارا:يبقا عملك عمل لا لا أنا هروح اضربه أنا عايزة ريم ترجع

ريم:وهو حد قالك اني مسافرة

مليكة:بقيتي لمضة اوووووووي

يارا:ما تيجوا ننزل البادروم بتاع البيت نشوفه

مليكة:لا يا اختي لحسن يطلع فيه حاجات زي الروايات أنا مش ناقصة

يارا:واه تتخطفي وان شاء الله تتعذبي ويطلع لك ابو رجل مسلوخة من الشماعة

ريم:يا مامي أنا بخاف منه اوي

مليكة:ايه ده انتي شوفتيه

ريم:لا سمعت عنه زمان بس ده ايه بياكل رجلك بس ويسيبك

مليكة:طب كويس أنها هتيجي ع قد رجلي

يارا:يا لهوي دول مصدقين بجد علميا مفيش الهبل ده

مليكة:يا بت متقوليش كدا لحسن يطلع لك

ريم:أيوة يا يارا اوعي تقولي كدا ممكن يطلع يسلخ رجليكي

يارا:ربنا يصبرني يلا علشان ننزل

مليكة وريم:طيب ماشي