الشيطان بأيادي رحيمة

5

#شيطان_بايادي_رحيمه
13
#شيطان_بايادي_رحيمه
13
بقيت ساكته نهه كرار المكالمه باوعلي بغضب تره انتي مراقبه
-رحمه- كرار اريد اطلع همست
كرار- هاي مثل المكبره اليطب بيها ميطلع بعد
- ليش رنا مو طلعت
- رنا انسجنت نترت بيها  بغضب
- بقيت صافنه هذا شكد حقير كلتها صوت ناصي خايفه عفيه كرار اريد اطلع منا
- كرار- استغفر الله رحمه انتي معاقبه حتى هالاسبوع مراح ترحين للاجازه
- شنو بجيت عفيه شون ابقه وحدي خاف ياذيني تذكرت غضنفر حتى عليه خايفه
- لا مياذيج لج بابا راعي خبزتج وكعدي
- ماريد اريد اطلع الله يخليك البنايه كامت تخنكني 
- مااكدر اسوي شي الاوامر جتي من فوك
- انتو معلي ومكبري بخوفكم منه همست كمت فتت للغرفه توني اطب سمعت قفل الباب انقفل عليه فتحت عيني ركضت دكيت الباب افتحها كرار
- كرار- رحمه اوامر من فوك انتي دتاثرين عالبنايه الج يومين اذا مجريتي عدل طرد وغرامه واذا مندفعت العرامه تنسحجنين تره ابقي وحدج فكري ماريد ااذيج رحمه هاي علمودج والله
- كررررار خرب حضي صحت تعال افتح الباب سمعته يكول لام عيسى انه بليل يجي ويفتح الباب ويرجع يقفلها للصبح ايست كعدت فتحت الشباك مكيفه واشوف الجلب كدامي جاك فزيت رجعت سديت الشباك بقيت صافنه غضنفر وين لزمت فوني حتى متصل بيه ضليت افكر تعبت اخو شي قررت اكعد واسكت هاي الضاهر دوله واحنا بيها خدم وحاشيه راح ابقى اراقب لحد ماالزم خيط واصلله للشيطان ضليت هادءئه واباوعرعالتلفونً غضنفر ولا اتصل ولا كال شكو  ابد  واني ماعدي رصيد نمت لان بديت اختنك حيطان الغرفه ضاقت عليه كعدت بليل الباب مفتوحه كمت بهدوء بدلت وطلعت ام عيسى كاعده وسجى ودعاء ووحده جديده باوعتلهم ونصيت راسي
- ام عيسى- ها يمه شونج
- رحمه- الحمد لله كلتها صوت ناصي
- ها شقررتي
- شقرر ليش هو بيدي انجب واسكت
- تعاي اكلي
- باوعتلهم معاجبني سجى تباوع وتنصي راسها تقصد مابيدها شي كعدت اكل بدونً نفس كلسا اباوع عالكامره اتخيل يواقبني الشيطان واتذكر غضنفر معقوله ثنينهم يراقبون يجوز غضنفر المساعد  مال تصوير وذاك هم يراقب خلي ماباوع احسن كملت اكل وكمت فتت للغرفه فتحت الشباك الجلب مربوط يم شباكي بقيت صافنه ليش هنا مربوط يعني شكو بيه اكدر اطلع منا الا اذا غضنفر حاجي هالشي محد يدري  يعني مغقول شافوني بالكامره سديت البرده وتمددت ضليت انتضر غضنفر ماكو لا حس ولا خبر ليش هالغيبه سوده عليه بس لا تعاققب من ورايه ضليت سهرانه ومحد يدري بيه ل4الفجر سمعت صوت غرفه ام عيسى كمت  باوعتها طلعت غسلت وجهه واخذت غراض التنضيف طلعت جداري من الثلاجه صغار ولبست ربطتها ام عيسى مسيحيه تلبس الربطه مثل اللفه مال المسيح طلعت هي والغراض مشيت  كم خطوه  وراها تمشي ببطيء وهدوء واني اتختل وامشي وراها تعدت الحدايق واني وراها منا مشينا اني وغضنفر هاي وين رايحه هاي بقيت امشي  واتختل حافيه احترقت ياس وطببت الغراض مديت راسي شفت طبت بحديقه غير ملكيه بناء مرتب وهادء وبسيط مثل الكوخ كله خشب  الارضيه طبت للبيت بقيت اتلفت سياره عاليه طابكه بطرمه البيت واليحيطه كله ياس الغريب بالموضوع جاك موجود نايم بالبيت الصغير مال الجلب بقيت  اباوع ردت خيط بيتمن هذا يجوز بيت الشيطان توني اخترق الياس صوت ورايه فززني ---- انتي وييين موليه
- بسم الله الرحمن الرحيم كرار
- كرار-انتي مناويه تكعدين لج بابا ستري عروحج
- ممسويه شي اااهاي ام عيسى مدري وين
- كرار-انتي مالج غرررضاستغفر الله ربي واتوب اليه رحمه تره بيها كص ركاب عاي
- رحمه- شنو ليش منو هنا
- كرار-مالج خص ستري على روحج تره تصفين مثل الفوك اشرت عالطابق الفوك
- رحمه- بقيت صافنه علىً ايده خفت نصيت راسي اسفه
- متطلعين بعد مراح ابلغ الجهات العليا بس قسما بالله اذا هالموضوع انحجه لاحد او تكرر تشوفين شي ميعجبج تره تنسجنين
- هزيت واسي اعرف كلها بيدكم
- اي كلها بيدنا امشي فوتي يله الله ستر نترت بيها
- مشيت سريع  تعديت الحدايق فتت للمطبخ  جسمي يرجف احتاجيت عضنفر حجايته براسي اني موجود لتخافين وينك لعد  وينك طبيت للقسم ولغرفتي عدل كرار بقه واكف بالباب يباوعلي بغضب  رجعت للغرفه يعني امً عيسى كذابه مجانت بالكابينه دتنضف بيت منو هذا  منوو وره شوي سمعت ام عيسى طبت ركضت عليها للغرفه فزت من شافتني
- امرعيسى وين جنتي
- وانتي شعدج كاعده من الفجر
- وين جنتي
- شعليج انتي تره هواي دتضوجيني
- شفتج وين رحتي فتحت عينها كلها بيتمن هذا والله اذا متحجين اكول للكل حتى لو اطب السجن ركضت عليه خلت ايدها على حلكي تسكتني طببتني لغرفتها نزعت الربطه
- ام عيسى- كعدي داحاجيج خرب فضولج
- احجي
- هذا بيت المحامي اللي سكرتيره يجي لهنا
- محامي الشيطان
- اي بس لتحجين تره اني وياج تحترك ورقتنا
- ام عيسى ليش هلكد خايفين منه
- موضوع حيل سري محد يدري البيت تابع للبنايه بيها كص ركاب
- عفيه هالكلمه شكد سمعتها بقيت ساكته اباوعلها وهي تفرك بايدها خايفه وتباوعلي بعتب --- وديني اريد احاجي
- المن يمصخمممه
- للمحامي
- لا مستحيل محد يعرف بي هنا
- اني عرفت بعد خلي يسجنني
- انتي مخبله
- اي اي مخبله وديني
- مااكدر شتردين تسوين روحي سوي يعني كم ايد عدي اداري الحرس واسوي الاكل وانضف بيته وعيني عالبنات شصير
- اذا موديتيني اني اروح واموله ام عيسى دلتني
- ززين زين روحي ارتاحي هسه والعص اوديج
- خل اشوف طلعت ورحت لغرفتي انام
- ام عيسى- اتصلت بكرار كتله الحك تريد تشوفه للمحامي
- كرار- لا هاي تخبلت رسمي لازم نسوي جاره
- ام عيسى- مديفيد الحجي وياها تعبتني
- عوفيها عليه سديته من ام عيسى اتصلت بالشيطان--- الو ها سيدي --- اشوف لو نصرفها للعامله رحمه دتسويلنارهواي مشاكل لاحكه ام عيسى للبيت مالتك بس معوفت منو الساكن وهسه تريد تقابلزالمحامي لان عبالها هو الساكن بي  صار سيدي ماشي ماشي --- كاالي اصبر عليها خل اشوف تاليها وامنع عنها الطلعه
- رحمه- غضنفر فد نوب ماكو نمت وكعدت الضهريه دكت سجى الباب عليه كالت كومي السكرتير يريدج كمت راسن شفت نفس الشخص اللي وقعت العقد وياه سلمت وكعدت باوعت لام عيسى تباىعلي بقلق هي وسجى شمسويه قابل 
- السكرتير- رحمه كالولي ووصلولي اخبار مو حلوه عنج
- رحمه/ اريد اطلع منا حبقى اسوي مشاكل اذا مطلعت
- ممم 6اوراق كافي
- شنو
- نزيد راتبج لل6اوراق
- حتى لو مليون مااريد ابقى هنا
- رحمه اليطب هنا ميطلع الا بقتل او سجن او دفع غرامه
- كلهن متصرفلي حبقى اسوي مشاكل وابحوش
- يعني مامنج امل
- اني ماعدي شي اخسره وكله لوئيسك انه الخادمه رحمه تريد تتقابل وياك تقربت منه حتى لو ببيته البصف البنايه فتح عبنه السكرتير ورجع ليوره باوعلي
- دتحفرين كبرج بيدج رحمه
- كتلك ماعدي شي اخسره
- شرفج متردي
- بقبت صافنه فاتحه عيني نصيت اريد اطلع مناااا صحت
- ماشي اليوم بليل ادبرلج مقابله وي المحامي وقد اعذر من انذر
- يتبع
- بنات عذروني مااكدر انزل اكثر من بارت يوميه  وطول البارت القبله  1700 كلمه ليش تكولون قصير  طلابه والقصه احداثها ببطيء تكشي مو مال اسرعها
- 
-
-
-
-#شيطان_بايادي_رحيمه
14
مريم السعدي
يومين غضنفر ماكو بقيت انتضر  جيه المحلمي ردته ويايه يوكفلي بس لاخابر ولا اجه حته كملت شغل البنايه واحضر حجي بداخلي للمحامي هيج اكوله وهيج اكوله كومه سوالف براسي  سمعت صوت من فوك واني لنضف غرفه من الغرف طلعت هاي ست زهره تصيح ركضت يم بابها اشرتلي دعاء بهمس لج تعاي عوفيهم معليج سمعته يضربها وهي تصيح تتوسل تخبلت كمت ادك بالباب كل شقه بيعا بوب 2باب الهدم وباب الرءيسي اللي يدخلون النزلاء منها بدكتي للباب هداو سكتو وست زهره تبجي بخنيك متت بدمي زاد الحقد جرتني سجى للمصعد ونزلنا ايدها ترجف واني ممهتمه بعت كل الدنيا بعد شيصير خلي يصير  طببتني للغرفه مالتي كوه تبجي وتحاجيني بتوسل ---- عفيه رحمه جوزي عنهم يكتلوج والله
-مخايفه من احد اني نترت خلي يكتلوني
- ولج والله ياذوج
- يابه شيسوون خلي  يسوون الله ويايه اذلعي سجى اريد ابقى وحدي دخلت ام عيسى - تعاي رحمه المحامي يريدج بالاستقبال شهكت سجى وايدها علىً حلكها  باوعتلها ببرود ام عيسى ابدل واجي بدلت وطلعت طبيت للاستقبال بلا سلام كعدت كدامه رجل مرتب وجهه شاحب خالي من اي شعره وجنطته بصفه يطلع ب37سنه عمره اول مطبيت رفع تك حاجب
- عمر- هاي انتي بعدج صغيره
- رحمه- مرديت عليه درت وجهي معاجبني
- شتريدين انسه رحمه
- اريد اطلع منا
- ممم وبعدين
- شنو وبعدين
- باعي انتي موقعه عقود ماليه عليج شوفي
- شوفني المبالغ باوعتله اذا متسددت اضل اسوي مشاكل
- هههه طنين الذبان لا يوثر بروض البستان سوي براحتج وعطله ماكو ولا راتب بعد شتردين
- شنو مااشتغل
- ترفع دعوه عليح واني محامي شاطر اطلعلج شغلات مسامعه بيها اخليج تشتغلين فوك
- بقيت صافنه ليش مجلبين بيه
- والله صراحه اني هم كلت هيج بس الاوانر جايه من فوك متطلعين شكلها شغله عناد
- هااا هيج يعني زين دبرلي مقابله وي الشيطان
- ههه محد شايفه ولا يعرفه
- لعد شون
- هاهي العدي كلته شتردين تسوين سوي تعاندين تره نعاند دير بالج عروحج
- شتسوولي يعني كام واخذ جنطته نوديج فوك عزيزتي وانتي ينطلع بيج
- باوعلي من فوك ليجوه نضره   كلها تفحص لجسمي عراني بعينه درت وجهي  وصرت نار كعدت بعصبيه شسويلهم بله شووون مالي غير حل اكعد واسكت ايست منهم وعدي شك غضنفر هم معاقبي ضل بالي يمه لليل كملت شغلي بس متوتره وعصبيه والبنايه الحمره كلها تخنك الكامره كمت ماباوع بيها لعبت نفسي صارت ب12نامو الكل بقيت الوب واكلب بالتلفون سمعت دكه شباك ركضت غضنفر باوعتله دمعت عيني فتحت الشباك يباوعلي بعتب --- وينك
- تاليها وياج
- نصيت واسي وصلتلك الاخبار ومجيتني
- مكدرت مراقب ليش هيج تسوين
- اريد اطلع اختنكت
- هفففف استغفر الله اطلعي تعاي
- طلعت من الشباك حضنت زنده ميل راسه على راسي شاورني اركدي عاد حياذوج
- باوعت بعينه مو انت موجود ليش تخليهم
- بقيت ساكت مغمض عيني لااريد اخسرها ولا اريد ااذيها السكوت احسن حل  الي جنت هارب منها بس اليوم متحملت بعد جيت اشوفها جريتها لليساوي اتلفت هالمره خايف اكثر من قبل كعدت وضلت تدردم
- شششششش كلشي اعرف تره
- ومتجي
- دااكولج مراقب
- هيج تخاف على شغلك
- سكتت باوعت بعينها ماريد اخسره خبزتي
- ليش هي هاي هم خبزه حلال
- كافي رحمه فدوه جيت اشوفج
- خل ننهزم
- مااطلع منا وين اروح اكدي
- ههه باوع خل احجيلك سالفه تره ربك يرفع العبد وربك يذله
- شون بله
- مثلا حواريو عيسى عليه السلام  جان واحد منهم عماله واحره يوم بيوم فد يوم من الايام حايط حديقه  الملك تاكل ودزو عليه وعلى جماعته يسوو وهو ديبني شاف بنت الملك دتكطع ورده كلش عجبته وانزرعت بكلبه ضل بس يفكر بيها علًى الرغم من انه مره وحده شايفها  المهم باوعتله صافن عليه متصنت عالقصه المهم مرت الايام اجه نبي عيسى وكله اي شي تتمناه اني اسوي طبعا هي بيها غير شي بالبدايه بس ناسيته
- غضنفر- كملي ميخالف
- رحمه- اي كله اي شي تتمناه يصير باذن الله يعز من يشاء ويذل من يشاء
- كله اني اتمنى بنت الملك هويتها ومتحله غيرها ببالي كله روح عليها وتقدم شوف الملك شيكول العامل كله يمعود اني عامل بنه كاله ميخالف روح واسال شوف شيكول مبيها شي المهم كول راح للملك وكله اطلب ايد الاميره الملك تخبل باوع لمستشاره كله سمعته المستشار كله سيدي لتهينه وتكوله انت خلك بنه وماانطيك الاميره الشعب يضل يحجي عليك اطلب طلب قوي مهر ثكيل هو يروح بعد ميجي قنع الملك رجع ساله كله تريد بنتي بس مهرها غالي العامل كله شكد الملك كله عشر نوك محمله بالذهب العامل ضل صافن وطلع من القصر راح لعيسى عليه السلام ساله النبي وجاوبه العامل باللي كاله الملك اله وعيسى كله بس هيج جيب النوك سطر قاطره من النوق وحده وره اللخ عشره التبي عيسى كام يشيل تراب يتحول ذهب واندار عالعامل كله وين الكرك مالتك يله اكرف وحمل النوك العامل يكرف ومنبهر بالسالفه مسطور وراح اخذها للملك الملك تعجب ونطاه بنته وعينه مستشار صار نسيب الملك ومستشاره الاول  بعده باسبوعين توفى الملك ومنو تتوج ملك العامل زاره عيسى عليه السلام  لقصره  وكاله ها مو كتلك ربك يعز من يشاء ويذل من يشاء بغير حساب جاوبه الملك العامل وكله صدقت انتبه انه المسيح  لابس لبس تعبان هو ليش يسموه مسيح لان جان يرتدي المسوح وهو صوف بالي يعني موزين
- ممممم هزيت راسي
- اي فكاله عدك كل هالملكيه وهذا لبسك كله اني بعت الدنيا واشتريت الاخره الملك كام من مكانه صافن كله والله انت نبي نزع تاجه وشمرمعطفه واندار عالاميره كلها شوفولكم غير ملك اني حروح وي عيسى عليه السلام وصار من حواريو عيسى
- ابتسمت جريت نفس اباوعلها مشتاق لقصصج
- عرفت قصدي من القصه
- اي
- وهسه
- مااكدر
- لعد ميفيد الحجي وياك  باوعتله باسف  نصه راسه لزم ايدي
- شسوي حتى تعرفين الموضوع
- سكتت جريت  نفس وكفت واشوف كرار كبالي صافن متعجب --- ككرار
- غضنفر- خرب بقيت منصي تقرب منها
- كرار- ولج شووون طلعتي فهم--- قطع كلامي منضر مخيف بلعت ريك سيدي همست
- رحمه- بقيت اباوع عكدت حاحبي شو يكوله  سيدي رجعت باوعت لكراريباوعلي ويباوعله خزرني خايف وغضنفر غمض عينه فرك ايده بوجهه
- غضنفر- روح كرار
- كرار- صار سيدي باوعت لرحمه وعفتهم صدك جذب يعني يعني يعرفها من هاي مجلب
- رحمه- انت منوو رجعت ليوره احجيي
- غضنفر/ ضربت على فخذي عضيت شفتي رحمه تعاي
- مااجي احجي
- رحمه همست لتخافين شبيج
- انت منو
- اني المحامي
- المحامي اجه اليوم وشفته
- انت منووووو عضيت شفتي هزيت راسي انت الشيطان موو
- رحمه همست اباوعلها بس تعاي
- مااجي توني امد راسي للغرفه انهزم وكف يباوعلي مشه اصابعه براسه رفع راسه ليفوك على غفله سمعنا صياح عالي وطبه قويه رجعت طلعت راسي شفت وضعيه غضنفر ركض وكرار هم ركض والحرس جوي كلها تتراكض وجاك وويا جلاب 2 ركضت بدون ماحس على روحي شفت زهره بطرمه الخارجيه شامره روحها من البلكونه مدمايه وكفو كلهم كعدت على ركبي وكفت الدنيا عدي كمت اصرخ واضرب براسي بالكع شنو من دنيا عايشين بيها الفقير ياكلووو كمزت على غضنفر املخ بيه يدفعني بتعب وعينه على زهره باوع بعيني عيونه غركانه دمع حضنني اني بعد محسيت بشي بعد الصار اغمى عليه
-