السلام عليكم نبدي قصه حقيقيه 100%
ملاحظه :-تم نقل هذه القصه بناء طلب احد اخوة بطل القصه
تعريف صغير عن اصحاب هذه القصه :-
القصه مكونه من (مازن)وزوجته(مرام) واهل زوجته
بطل القصه (مازن ) :-
اني شاب عمري 35سنه خريج معهد انولدت في احد محافظات العراق اني عندي خمس اخوان واني السادس اتوفه والدي وبعد وفاة والدي قرروا اخوتي يبيعون البيت وامي سكنت يم اخويه الكبير واني قررت اسافر خارج العراق ورحت الى الكويت وسكنت في شقه بالكويت لان ماعندي الجنسيه الكويتيه وبعد تعب حصلت شغل حارس لوحده من الشركات في الكويت وفد يوم من الايام شفت بنت عجبتني ....
مرام :-
اني مرام من بغداد انولدت وعشت بيهة فترة واحنه اسرتنه مكونه من اني وربع اخوان وامي وابويه بعد فترة قرر ابويه يييافر الى الكويت علمود الشغل ومنهة يسحبنه ويا وفعلا اشتغل والدي ورة 3سنين سحبنه ويا ورحنه وسكنه في بيت بسيط وجان السقف جينكو وغرف ماعدنه اهواي وجنت مضايقه كولش حالتنه جانت صعبه وجان كول فلس امي اضمه حتى يشتري ابويه شفل ويشتغل بي وفد يوم من الايام قررنه نشتري هدوم ورحنه للسوك وجان اشوف شاب وشكله انعجب بيه وضل يمشي ورايه لحد ماوصلنه للبيت وندل بيتنه .....
(مازن ):-
لمن رحت للسوك شفت بنيه عجبتني حلوة وناسكه ولي شد انتباهي حجيهة العراقي المكسر متت عليهة
لحكتهة لحد بيتهم وضضليت 3ايام واني افكر بيهة وخلال هاي الايام يوميه اطلع بنهار للسوك بلكي اشوفهة لاكن ماشفتهة وضليت اذكرهة واريد اي شي اسوي حتى اشوفهة وخطرت على بالي فكرة ااشتري بيهة الشفل مالتهم الي حاطينه يم بابهم ووجان اطلع كول فلس ضامه من الحراسه ورحت كبل لبيت الحب ♥وجان ادوك الباب وطلعتلي هيه واني فز كلبي عليه متت مو بنيه قنبله ......
مرام :-
رجعنه للبيت وجنت هلكانه من فرة السوك شويه ارتاحيت وكمت ويه امي اسوي العشه وكملنه العشه وغسلت المواعين وجاي انام وضل ملبي يدك وذكرت الشاب وشكله مو كويتي وجنه انعجب واني انعجبت بي وضل يباوع واني اباوع علي ومرت 3ايام واني اتوسل بأمي يمه خلينه اروح للسوك متقبل وباليوم الرابع اندكت الباب وهاي اول مرة احد يدك الباب لان ماكو احد يمنه ولا نعرف احد ..جان امي صاحتني ..
ام مرام :-
مرااااام مراااااام روحي افتحي الباب هذا ابوج احتمال نسه شي .
مرام :-
حاضر يمه .
رحت فتحت الباب وجان اشوف نفس الولد الي بسوك من الصدمه ضليت صافنه وابتسم وهو الضحكه شاكه حلكه شك
مازن :-
لمن فتحت الباب ضلت صافنه وبتسمت كأنوا فرحانه بيه واني ضحكت لا اراديا ...وجان اتقاطعنه مرة كبيرة واتوقع امهة
ام مرام :-
منو ؟ انت منو؟شتريد ؟....مرااام دخلي جوة
مرام :-
لمن امي صرخت عليه دخلت جوة بساع وضل كول جسمي يرجف رجف
ام مرام :-
وليدي منو انت ؟شتريد ؟
مازن :-
السلام علبكم يمه اشلونج شخبارج همزين اكو عراقيين مثلي وفرحت والله من سمعت لهجتنه ....يمه اني جاي شراي على هذا الشفل
ام مرام :-
هله بيك يمه اتفضل وعليكم السلام اوليدي والله الحمد لله عايشين ..اي يمه ...والله يا وليدي هذا الشفل مال ابو جهال وجاي يترزق بي صح قليل بس الحمد لله وابو الجهال مايبعه اني اعتذر اوليدي
مازن :-
لمن سمعت هذا الحجي اترخصت واعتذرتلهة و رجت للبيت واني طاير فرح طاير فوك الغيوم احس الكاع ماشايلتني واني بدلت ورحت للشغل لان اني حارس ليلي للشركه وضلت افكر وقررت يوميه اروح للبيت بحجه اشتري الشفل علمود اشوفهة ......وفعلا اليوم الثاني هم رحت بس ماشفتهة ورحت اليوم الثالث هم ماشفتهة ورحت اليوم الرابع هم ماشفتهة وهنا يأست تماما وقررت اروح اخر مرة وهنا جانت المفاجئه .......
يتبع .......
