لحضه غضب

اي احلى شلعت كلب ♥
اي احلى دوخه راس

··············
مازن :-
طلعت من البيت وجان بطريق الكه رجال كبير ولزمني من ياختي وهو عيونه تشدح نار وعصبي صاير ضليت بس صافن ..
الحجي (ابو مرام ):-
صالي فترة اراقب البيت وهذا الولد اشوفه يروح لبيتي ...وجان بطريق الكفه ....ولزمته من ياخته منو انت وشرايد من بيتي وشلك علاقه ب ام مرام شكو ....
مازن :-
حجي على كيفك يابه والله جاي اريد اشتري الشفل بس الحجيه ماتقبل ومستعد اي مبلغ اني ادفعه ...
الحجي (ابو مرام ):-
ضليت صافن وهديت ايدي من ياخته وكتله انطيني رقمك وباجر تعال نتفاهم ...

********

مرام :-
هذا صودوك يحجي يوميه جاي اهنا .....

ام مرام :-
ولج يمه مرام هذا الولد زودهة يوميه جاي

مرام :-

يجوز محتاج للشفل يايمه ....
ام مرام
راح انتضر ابوج من يجي واكوله ونتفاهم ....اندكت الباب يمه مرام روحي فتحي بسلا رجع الولد ..

مرام :-
فتحت الباب وكلبي يدك حيل بحيث اسمع دكات كلبي اعلى من دكت الباب فتحت الباب واثاري ابويه جاي من وكت ارتاحيت . ....وصحت يمه هذا ابويه ...

ام مرام :-
هلة بيك الله يساعدك حجي ..

الحجي (ابو مرام ):-
يحجي وبكل عصبيه ...حجيه شنو هذا منو هذا وليش محد كلي ....
مرام :-
اني هنا خليت وطفرت لمن شفت ابويه وعصبي صاير
....يمه خل اطفر لا انعلس ....

الحجيه :-
حجي على كيفك والله يساعدك ويكويك ويرزقك وجعل عملك ضمن الاعمال الصالحه يارب ويجعلهة اجر الك يوم القيامه .... يمه مرام جيبي مي لبوج ...حجي هدي وكعد وهسه اجيبلك جاي ..حجي هذا ولد صار فترة يروح ويرجع يريد يشتري الشفل واني ماكتلك لان جديد
مرام :-
سمعت امي كالت جيبي المي لبوج وطفرت للمطبخ وحطيت الجاي جبت مي ....رحت ومن جاي ادك بالباب وسمعت حجي امي وخطرت ابالي فكرة ... دكيت الباب وقاطعت اهلي .....الله يساعدك يابه هذا المي وحطيت الجاي هم ....يابه عدي الك فكره ليش ما تبيع الشفل للولد وتحط شرط ..

*الحجي والحجيه صافنين بذهول
الحجي :-
ويساعدج بويه .....اي شني الشرط بله (حجاهة بستهزاء )

مرام :-
بويه لا تضحك عليه ...اني اكولكم ...بيع الشفل وشرط علي يبقه يمك وانت لو اخويه علي (الاخ الاكبر بعد مرام )يشتغل بي وكول شهر تنطي فلوس الشغل وانت تاخذ تعبك وبهيج حاله احنه مستفادين وهو هم مستفاد
الحجي :-
خوش فكره بويه واني بليل هم افكر والصبح ادز على الولد ويجي ونتفاهم ....
الحجيه :-
خوش فكرة يمه...
مرام :-
طلعت من غرفت اهلي واني هله اطك اصبع وهز جتف هله هله
مازن :-
رجعت للشقه بدلت ورحت بليل للشركه حتى احرسه وبالي كوله وتفكيري بيه وبالحجي شلون خايف على بيته حقه والله .....صار الصبح ومااسمع اله رنت تلفون وطفرت عليه .. الو ...الو ...منو ...
الحجي :-
صباح الخير بويه شلونك
مازن :-
بخير الحمد لله (حجيتهة واني تعبان وثاوب )
الحجي :-
اعذرني بويه خاف دكيت من الصبح ...بس مر عليه العصر ونتفاهم على الشفل ...مع السلامه
مازن :-
اي حجي ان شاء الله ...حجيتهة واني ميت تعب يا حب يا بطيخ ...رجعت للشقه وحطيت المنبه على الاربعه ونمت واني بملابس الحراسه .....طفرت وجان الكاهة ب4 وذكرت الموعد وكمت بساع سبحت وبدلت ورحت لبيت الحب ♥

الحجي :-
رجعت للبيت واطيت انذار ال مرام ماتطلع ومنتضر الولد وصارت ب4.....وندكت الباب ورحت فتحت الباب هله بيك وليدي هله بيك اتفضل ..

مازن :-
دكيت الباب واني ميت خوف بسلا مااشوفهة ..
طبيت وسلمت ...
الحجي :-
الله بالخيراوليدي
مازن الله بالخير والعافيه
الحجي :-
اوليدي انه قررت ابيع الشفل بس بشرط
مازن :-
اي حجي شنو شرطك
الحجي :-
ابيعه بس يبقه يمي اني اشغله وانطيك الوارد مالته
مازن :-
اني من غير تردد وافق حجي ....اريد بس شي يربطني بيهة يربي .....

يتبع ...حبايبي اسفه اتاخرت