دخل ابوها غرفتها اللي كانت مرتبه ونظيفه جداا لقاها قاعده كعادتها في نهاية الكنبه ضامه رجليها ويديها عليها وصامته وسرحانه وملامحها باهته وهاديه بس جميله كعادتها شاف فيها صورة والدتها وهي مابتدي ااي احساس ظهرت عليه نظرة الحزن بس اكتفى بالابتسامه وقعد جمبها وقال عثمان: نغم💙صباح الخير....
....
عثمان: انا طالع الشغل لاني اتاخرتا دادا منى حتجيب ليكي ااي شي عايزاه خلي بالك من نفسك باسها في راسها وطلع وهي على نفس الوضعيه حتى م عاينت ليه....
طيب نقيف وقفه ونعرف ديل منو..:(نغم هي بطلتنا عمرها20 سنه قصيره بالاحرى قزمه جدا سمراء سماار يلخم شعرها اسود وطويل طوول ماعادي ملامحها جميله جداا وهاديه واكتر💙..بس للاسف نغم عندها مرض الانعزال جاتها الحاله دي من يوم اتوفت امها قدام عيونها في حادث سير بشع كان عمرها 16سنه...
عثمان هو ابوها عمرو47 سنه راجل واب بمعنى السند والفرح وكل شي جميل هاادي بطبعوو وطيب طيبه شديده هو اللي فضل لنغم💔بعد امها....
#Flash back:
نغم: ماما فكيني انتي بتقطعي الظلط بسرعه وانا بخاف..
انغام: بت نغم حبيبتي م تفتكي مني..بس نغم فكت يد امها وجرت قطعت الشارع وامها عشان تلحقها لحقتها وما ان وصلت نغم نهاية الظلط واتلفتت على امها اللي كانت في نص الظلط وجات عربيه طايره وضربتها وطارت انغام بعيد واتجمعوا عليها الناس ونغم كانت في حالة عدم استيعاب لحد م وصلت لمحل امها واقعه ومن المنظر الشافتو وكمية الدم وانو امها مفتحه عيونها بتعايت ليها بس كانت خلاص روحها غادرت💔اغمى عليها وما صحت الا وكمية الناس اللي في بيتهم صحت وهي فاقده امها واختها وصحبتها وسندها وحياتها (نغم وحيدة امها وابوها) حياتها اتقلبت180 في لحظه فقدت ابتسامتها وفرحتها وروحها الحلوه بقت منعزله دخلت عالم كلوو ضلام بس شايفه منظر امها💔
كل الناس حاولو معاها بس هي في صمت تام وعالم م عالمها...حتى انها امتحنت شهاده وجابت93% بس فرحتها م تمت وحصل معاها الحصل وم حاولت تعمل ااي شي...
#Back..
مرا اليوم ودادا منى بتجيب ليها الاكل وبتجي تشيلوا شبه زي م هو اتكلمت مع ابوها وسالها منها قالت ليه كالعاده بتاكل شي بسيط💔رجع ابوها البيت وبحكي ليها الحصل في يومو..
_نغم بتحكي:(بابا جا كالعاده بحكي لي يومو والحصل فيه وانا في دنيتي اللي فيها ماما بتتكلم معاي💔كنت بسالها سؤال طوالي:ماما انا السبب في انك مشيتي وخليتيني براي صح💔انا العملت فيكي كدا صح)
قطع كلامو صوت الجرس اللي رن الدادا فتحت الباب وعثمان نزل كان ولد في نهاية العشرينات عمرو29سنه طويل وابيضاني وملامحو جمميله جداا وجاده دارس طب💙وشغال في مستشفى والدو ونقدر نقول اقرب زول لنغم
_عمووو عثمان وحضنو..
عثمان: عادل كيفك ي ولدي ووين انت غايب كم يوم كدا(وعادل هو بطلنا)
عادل: والله يعمو م فضيت من المستشفى لو م كدا عارفني م بغيب..نغم كيفها🙂💔؟
عثمان: حمدلله ياهو حالها زي م هو💔
عادل: ح اطلع ليها لو ممكن
_عادل بحكي:(طلعت لنغم ودقيت الباب ودخلت ليها كانت قاعده في سريرها وضامه رجليها ويديها وسرحانه كعادتها احساس اني عاجز اقدر ارجعها نغم الانا بعرفها بزيد كل م اشوفها في حالتها دي💔جمعت قوتي وقعدت جمبها)
عادل: نغم
نغم:........
عادل: نغم سمعيني صوتك ارجعي لي ارجعي كووركي فيني زي زمان ارجعي اصرخي وكوركي وغني لي بصوتك الحلوو الاشتقت ليه دا💔نغم حياتي نجمتي اللامعه ليه م عايزه تعايني لي في عيوني لى م عايزه تضربيني ونتشاكل زي زمان زي م اتعودت عليكي؟💔
نغم:.........
عادل: بصرخه: نغغغغمممممم ردي علي.كفاك اربعه سنين انتي في حالتك دي كفااك تقطيع في نفسك واذيه كفااك تعذبينا انتي قايله كدا بترجعي خالتو انغام لا ي نغم كدا بتعذبيها كدا بتكون م مرتاحه انتي عايزاها كدا...هااا انطقي مالك ي خسااره ي خساره تعذبيها لىىى...💔ردي علي عايني لي هنا ردي💔
كفااك يااخ😭ارجعي لي نغم البعرفا ومتعود عليها كفااك اربعه سنين غياب
نغم:....😭😭
عادل بحكي:(اول مره من اربعه سنين نغم تبكي♥️حسيت انو في امل حسيت انها رجعت لي حضنتها علي بكل قوتي♥️كاني كنت م لاقيها♥️)
نغم بتحكي:(كلام عادل رجعني 4سنين ورا حسسني اني فعلا بعذب ماما وانا بسمع كلاموو ولمن حضني حسيت باني قويه جدااا بس م قادره احررنفسي من سجني دا ونزلت بس دموعي كرد فعل💔)
عادل: قومي...قومي ي نغم اقيفي فتحت الدولاب وطلعت فستان رمادي كان نفسي دايما اني اشوفها لابساه تاني وحسيت اني لازم اطلعها برا سجنها دا واوريها انها لازم تتعود...لميت ليها شعرها لورا وختيت ليها فيونكه حمرا♥️ وقلت ليها خمسه دقايق وبجي راجع ودا كلو عمو عثمان بعاين بس م ادا ااي رد سقتو والدادا خشت ليها...وبعد خمسه دقايق فتحت الباب و............
اقتباسة الحلقه الاولى💙
"فاطوي على يأسي روحي واكتفي بالصمت فياااحزن ذل عن قلبي فانه انهكه اليأس"🖤
#فاطمه الزهراء عثمان💙
اتمنى لكم قراءه ممتعه♥️
نهاية الحلقه الاولى💙
