فتحت الباب وشفت احلى بت شفتها في حياتي كلها نغم اللي بعتبرها بتي الصغنونه اللي طوول عمري بعتبرها استثناء والدنيا بتبدا وتنتهي عندها💙حسيتها يادوب رجعت نغم اللي راحت مني قبل4سنين مشيت عليها وقلت ليها: حلوه زي عادتك وهي م حاولت ترفع راسها تعاين لي وملامحها صاامت جاامده...حسيتها خايفه انها تطلع برا غرفتها مسكتها من ايدها وقلت ليها يلا💙
نغم بتحكي:(اول مره من4سنين ح احاول اطلع حاسه نفسي طالعه لعالم غريب عادل مسكني من يدي وقال لي امشي وم تخافي وحاولي وانا معاكي💙وبقيت بمشي بتردد وهو ماسكني).
نغم وعادل نزلوا واول م ابوها شافها دموعو نزلت لا اراديا وحضنها بس هي على وضعها.
عادل: عمو احنا م ح نتاخر مشوار بسيط.
عثمان: طمنوني عنكم تمام...في امان الله.
طلعوا وعادل بعاين ليها وهي سرحانه بالشباك م حاول يتكلم عارفها بتفكر وجواها مية سؤال ومية فكره ودموعها نازله وداها جمب البحر عسى ولعل ترتاح شويه قعدت في الارض وسرحت وهو من مسافه بعاين ليها فجاه لقاها ماشه على المويه جرا مسكها وبخلعه: نغن ماشه وين
بس هي خيبة ظنو ولمست المويه بيدينها💔وبدت تحركها وسرحاانه في المويه
عادل: نغم كفايه ارحمينا وارحمي نفسك كدا انتي بتقتلينا احنا عاجزين م عارفين نتصرف كيف كل الناس فقدت الامل بس انا لا وحترجعي لي فاهمه حترجعي نغم الانا عارفها....
ومسكها قومها ورجعوا البيت..وهناك عادل طلب من عثمان طلب غريب..
عادل: عمو عثمان انت عارف انو نغم اعز انسانه على قلبي..
عثمان: ايوه ي ولدي اصلا ماف زول غيرك كان معاها لحظه بلحظه وم خليتها براها💔
عادل: الله يعزك ي عمو...بصراحه انا عايز اتزوج نغم...
عثمان: بس يولدي حالة نغم...
عادل: مالا حالتا..فيها شنو..نغم كوويسه وحترجع احسن دي حالة خوف م اكتر وحزن وانا ح ارجعا احسن واحسن ودا وعد مني انا ليك وليها💙
عثمان: حضن عادل وقال ليه والنعم فيك ي ولدي راجل وسند...وانا موافق ومتاكد انك حتكون ليها الامان
عادل: خلاص بكرا نتم ااي شي
..............
عثمان كلم اخوانو واخواتو عشان يكون عندهم علم بس لمن الخبر وصل لكامل جن جنونو...
(كامل هو ود عمتها لنغم وبحبها بس هو ولد طاايش وومفتري وتافه وبكره ود خالها لنغم اللي هو عادل💁♀)
كامل: كيف عادل يتزوج نغم ي امي انتي عارفه انو انا بحبها.
مها: عارفه ي ولدي بس توديها وين نغم البكما دي خلي اهل امها يبتلوا بيها
كامل: امي انتي عارفه انو نغم م بكما ولا شي ونغم م حتبقى لزول غيري فاهمه وضرب الباب وطلع
كامل مشا بيت ناس نغم وضرب الباب فتحت ليه الدادا وخشا بقا بتكلم بصوت عالي مع ابوها عادل كان جنب نغم الكانت نايمه...
كامل: خالو عثمان لى تزوج نغم لعادل ..
عثمان: انا ابوها وانا بقرر وبعدين انت مالك
كامل: بس ي خالو عثمان انا بحب نغم وما ح اخليها لعادل يتزوجها..
عثمان: ولد اخجل على دمك وطولك واحترم نفسك وامشي قبل اتصرف معاك تصرف م يعجبك
عادل نزل وقال لكامل لو كنت بتحب نغم كان بقيت جمبها وم خليتها جااي اسي تحبها..
كامل:اوو الهيرو هنا هنا اسمع نغم م حتتهنى بيها صدقني....
عثمان: بتهدد جوا بيتي اطلع برا
عادل: اعلى م في خيلك اركبوا واطلع من هنا.
عادل اعتزر من عثمان وطلع لنغم اللي لقاها بترجف وعرقانه من الخوف...
نغم بتحكي:( سمعت اصواتهم عاليه حسيت بخنقه اتمنيت عادل يجي داخل)
عادل بقا يهدي فيها لحد م نامت واطمن عليها وطلع رجع المستشفى💙وقعد في مكتبو خاتي يدينو في وشو وبفكرفي نغم وحبو ليها السنين دي كلها...
واثناء م هو بفكر دخل عليه دكتور سند(اسامه عمرو29 سنه ايضاا ابيض وعيونو خضرا نسبة لانو ابوه تركي😹💙ودكتور مع عادل في نفس المستشفى)
اسامه: عادل عندك حاله انت متابعها طلعت من المستشفى انت عندك علم؟!
عادل:...
اسامه:Hello عادل انا هنا حالتك دي بقت م مطمنناني🙂
عادل: ح اتزوج نغم💙
اسامه:😳😳شنو وبتين
عادل: الخطوه دي كان لازم اعملها من زمان بس خلاص فرصه وجات وم ح اضيعها
اسامه: انا عارف انك بتحبها بس في الوقت الحالي هي حتعتبرها شفقه ونفسيتها حتتازم زياده🙂
عادل: ح اقدر باذن الله اعالجها وحتشوف 💙
اسامه: يارب any way...اسامه حضن عادل وبارك ليه
اسامه: يلا ي دكتور حب عندك بيشنز منتظرنك🐸🌸
في بيت عثمان💁♀
عثمان اتصل لريتال اللي هي صحبت نغن من الطفوله وطلب منها تجي تقعد معاها يومين لحد م الحكايه تتم💙
ريتال: انا جييييت🌚🔥
عثمان: اهللين بتي التانيه وسلم عليها
(ريتال بت عمرها 20 سنه متوسطه في الطوول وبيضاا وعيونها عسليه ورموشها طوويله وشعرها طويل صابغاه بني🔥بتدرس علم نفس ودا كلو عشان اتاثرت بصحبتها نغم💔)
دخلت لنغم حضضضضضنتهاااااا وبكت وبعد داك قعدت تتكلم معاها وحكت ليها كلل شي حاصل معاها نغم كانت بتعاين ليها بلمعة عين...
نغم بتحكي:(ريتال💙حبيبتي واختي وصحبت عمري الفضلت لي💙عمرها م اتخلت عني كلل مره بتجي تقعد معاي رغم اني م بتكلم بس هي بتتكلم وبتحكي و ترد على نفسها💔عمرها م حست بضيق مني او زهج او اتاخرت علي💔كنت بسمع فيها ومبسوووطه معاها وحاسه انها ماليه علي الغرفه💙)
عادل واهلو جو وجابوا ماذونهم عيلة عادل مكونه من:
علي: ابوه لعادل راجل طيب وحنون ومثقف لدرجة قف تامل💙
علياء: امو لعادل ام بمعنى جنه💙#مابين كل حنان وحنان توجد الام💙
عهود: اختوو لعادل الصغيره عمرها 22💙
عمر: ايضاا اخوه لعادل الاصغر وعمرو18💙
(عيله كلها بالعين😹😹💙🌸م تسحروهم)
جا اساامه صاحب عادل ايضاا.
وبقت نغم مرتوو لعادل💙وريتال كلمتهاا انو عقدوا ليها وهي في صمتها داك💔
بعد العقد عادل فاجأ الكل انهم حيسكنوا في بيت براهم💔
عثمان: بس ي ولدي ي عادل كيف ختخلي نغم براها م ممكن
علي: عادل بيتنا كببير وواسع جيبها واقعدوا معانا فيها شنو...
عادل: ابوي عمي انا اخدت اجاازه لمدة سته شهوور وح اقعد مع نغم ووعد منس نغم حترجع زي زمان قبل السته شهور دي ولا م واثقين فيني💙
عثمان: لالا قدر الثقه واكتر على خير ان شااء الله
عادل: جهزتوا حاجات نغم؟!
عثمان: حتجهزها الدادا اسي...
اسامه: مبرووك ي صحبي تتهنوا ان شااء الله وحتبقا كويسه
عمو عثمان مبروك ليهم عمو علي وحضنهم وبارك واستاذن لانو عندو شفت في المستشفى💙
وهو ماشي جات فايته ريتال وماشه بسرعه واتزحلقت وقعت💔
اسامه والكل: ي سااتر واسامه مشاا رفعها بس داسة على رجلها وصرخت💔
اسامه: اهدي اهدي ووسندها لحد م قعدت في الكرسي
اسامه: وين واجعاك؟!
ريتال:😭😭
اسامه: لو سمحتوا جيبوا تلج ومرهم لو موجود ورباط
عثمان: سلامتك ي ريتال اسي دكتور اسامه بعالجها ليكي💔
اسامه: ردخ بسيط اسي بتبقي كويسه واول م بدا يربط صرخت ومسكتو من كتفو😭😭
رفع راسو عاين ليها وسرح زي دقيقه كدا وقال: احم خلاص خلصنا بقيتي تمام م تمشي عليها كتير بس
ريتال: ت تتمام😭😭
اسامه: الف سلامه....♥️يلا استاذن انا ودعوه وطلع
كلهم كفروا لريتال...وعادل قال انو بعد دا لازم يمشوا...
عثمان: اتكلم معاها طيب
عادل اتفضل....
عثمان طلع لبتو وقعد جمبهت حضنهااااا: نغم حبيبتي عادل بحبكك وانا عارف وواثق ومتاكد من انو حيختك في عيونو💙وانتي كمان ي نغم خلي بالك من نفسك قاومي وارجعي م عشاني عشان عاادل وريتال احنا بنحبك وعشان ماما كمان💔باسها في راسها وطلع
عادل جا داخل:قومها ومسكها وقال ليها يلا💙حنخش دنيا جديده انا وانتي💙
نزل بيها وكل م حد يحاول يقرب عليها تمسك في عادل....💔
عادل: معليش ي جماعه انتو عارفين...حتباركوا ليها في وقت تاني ان شااء الله واسي نحن نستاذن🙂🙂
نغم بتحكي:(نزلت مع عادل وشفت ناس كتاار ايوه انا بعرفهم بش بالنسبه لي غريبين خفت منهم ادسيت ورا عادل بس لانو هو الوحيد البحميني من ااي شي...طلعنا وبابا حضني ودعنا وقال انو كل يوم حيطمن علي ومشينا بقيت بعاين بالشباك وعادل بحكي لي الحاصل معاه💙كنت مرتاحه اني معاه وفي نفش الوقت مع عالمي الكلو ضلام وسواد💔وفجاه غفيت صحيت وعادل بشيل فيني من جوا العربيه ولقيت........
#نهاية الحلقه الثانيه💙
#اقتباسة الحلقه الثانيه:
السماء دائماً مُلهمه وانت كذلك تلهم روحي السعاده لتحظى بها بكل بساطه💙🎶فطالما في عمري بقيه ساظل اتشبث بهذه السعاده التي منحتني اياها فهنيئا لقلبي بهذه السعاده💙
اتمنى لكم قراءه ممتعه♥️
