اول اسكريبت ليا
اتمنى يعجبكم وتقولو رأيكم
دعم بسيط عشان افرحكم والله 🥺
...................................
حياة جميعنا 🥺❤️
_في اي يا ماما بقالي ساعة بخبط .
=معلش يا بنتي مكنتش سامعة .
_يوووه بقالي ساعة واقفة ف الحر ده .
=معلش يا بنتي الا قوليلي عملتي اي ف الكلية النهارده.
_عادي مفيش جديد .
ودخلت اوضتها رمت شنطتها ورقد ع السرير
..اتنهدت شوية وقامت صلت الضهر وقعدت ع السرير تفرد ضهرها
-نور يا نور انت يا بت يا نور
_يوووه مش هعرف ارتاح شوية.
...وتفتح الباب نعم يا ماما .
-معلش يا نور تعال رصي معايا الغدا ابوك زمانه ع وصول
_حاضر يا ماما جاية اهو
...وقامت ترص مع مامتها الغدا وسمعو صوت الباب
_اكيد بابا جه اطلعي انت يا ماما اقعدي معاه وانا هجيب الاكل واجي
-حاضر يا روح ماما
...برة ف الصالة
_حمدالله بالسلامة يا حج عامل اي .
=الحمدلله كويس انت عاملة اي والبت نور اخبارها اي
_ مش عارفة بس حاسه انها معتش زي الاول كدا اكيد ف حاجة بتحصل معاها ف الجامعة
=طب انا هبقى اكلمها
_لا بلاش خلي اخوها يكلمها ممكن يعرف يفهمها عننا
=طيب في اكل بقا بدل ما ميت من االباب
_حاضر
...نور وداخلة عليهم
_حمدالله ع السلامة ياحبيبي
=الله يسلمك يا حبيىتي فين الاكل
_حالا اهو
....جهزو الاكل وجه اخوها الكبير من الشغل وقاعدو ياكلو شوية واستأذنت نور ودخلت اوضتها قفلت على نفسها الاوضة ومددت ع السرير من التعب
_يوووه بقا يا نور مالك في اي هتفضلي كدا كتير خلاص الامتحانات ع دخول اهو لازم تشدي حيلك مش عارفة معنديش اقبال للمذاكرة خالص والدكاترة كمان بيكرهونا ف المواد والتعليم كله
...شوية الباب بيخبط خدت نفسي ومسحت دموعها
_ايوة يا ماما مليش نفس للاكل
=حبيبتي انا ادم
..قامت وفتحت الباب
_ايوة يا ابيه ادم ف حاجة
=وحشتيني وجيت اقعد معاك شوية
_وانت كمان والله يا حبيبي
=يا فشارة يعني ولا مرة سألتي عليا وجيتي تدوري عليا
_اسفة والله غصب عني بس مش قادرة
=طب خلاص متزهقيش نفسك اي رأيك اخدك ونخرج المغرب كدا شوية
_موافقة اكيد طبعا
=تمام صلي بقا العصر وريحي شوية وجهزي نفسك ع المغرب بعد المغرب بالضبط
_حاضر
... جلست نور وحدها وهي مبسوطة فإنها تحتاج لكي تغير جو قليلا
المغرب لبست درس فسفوري وخمار اسود وكانت شبه الملايكة بالخمار
اخوها=اي القمر دا يا ولااا يعني انا همشي جنب القمر دا
_طيب يا بكاش يلا بقا عشان منتاخرش
=طب يلا
نور وادم مع بعض--سلام يا ماما سلام يا بابا
=سلام يا ولاد خلو بالكم من بعض ومتتاخروش
--حاضر يلا سلام
...وخرجو يتمشو شوية وجابلها ايس كريم وقعدو شوية ع البحر
_ها يا ست نور مالك
=مليش يا ابيه انا كويسة اهو
_عليا بردو يلا احكيلي اي اللي مضايقك
=مفيش الامتحانات قربت وانا مش عارفة اي حاجة وتايهة خالص وصحابي كل ماأسأل واحدة تقولي مش عارف والدكاترة كمان مصعبة علينا التدريس بقيت بكره الدراسة بكره الكلية كان نفسي ف كلية تانية مش عارفة اي اللي جابني هنا بس
..وبدأت عنيها تدمع
_لا لا لا اوعك تعيطي دموعك دي غالية عندي اوي وبعدين موضوع الكلية يمكن دي احسن من اللي نفسك فيه
=معرفش بس انا تايهه تعبت جامد ف الثانوي وادي النتيجة دخلت اداب مكنش عندي شك ان ربنا اكيد مش هيضيعلي تعبي بس معتش عارفة حاجة وكرهت التعليم وكرهت كل حاجة
_لا يا روحي متقوليش كدا اكيد ربنا مضيعلكيش تعبك وحايشلك ده
في حاجة تانية او يمكن الكلية اللي كان نفسك فيها وحشة عليك وبعدين متعودتش منك ع كدا انت ااقوى من كدا بكتير خلاص بقا امسحي دموعك ومتشليش هم انا هذاكرلك وهتبقي زي الفل
=بجد ربنا ما يحرمني منك ابدا
_ولا يحرمني من وجودك ف حياتي يا قلب اخوكي يلا بقا عشان اتأخرنا
=حاضر يلا
...وروحو سوا وجابلها شوكالاتات كتيييير اوي ووعدها انه هيذاكرلهاوفعلا بدأ يذاكر معاها ونور بدأت تسترجع ثقتها ف نفسها وبدأت الإمتحانات مكنتش بتكلم حد خالص من صحباتها واللي بتيجي بتكلمها مبتدرش عليها تعبت منهم ومن تصرفاتهم وعدت امتحانات اول ترم ف الجامعة ع خير بفضل ربنا وبمساعدة اخوها وجه يوم النتيجة ونور كانت قلقانة جامد واما شافت من النتيجة طلعت جري ع البيت قابلتها مامتها
_خير يا بنتي طمنيني عملتي اي
=الحمدلله يا ماما اومال فين ادم
_خير يا بنتي في حاجة
=لا يماما مفيش بسأل عليه
_لا هو لسه مجاش زمانه ع وصول
......الباب بيخبط طلعت نور جري ع الباب تفتح لقت اخوها ع الباب قامت حضناه جامد وفضلت تعيط
_خير يا نور في اي
=امتياز يا ادم جبت امتياز
قام شايلها وفضل يدوخها
الام بارك الله فيكم يا ولادي ربنا ما يحرمكمش من بعض 🥺♥
#بسمتي💜
#bassmahaboelfotoh
