احببت مطلقة ♥️
_بارك اللهم لكما وبارك عليكما وجمع بينكما ف الخير .
=مبروك يا عروستي .
_الله يبارك فيك.
=مالك بس يا ياسمينتي.
_مليش يا احمد .
=ملكيش ازاي بس بقا ده شكل عروسة مالهاش.
_احمد مش قولتلك بلاش نكتب الكتاب دلوقت انت لي مستعجل .
=بحبك يا ستي ومعتش قادر استنى اي تاني؟ في اي قالقك اوي كدا ؟
_احمد انت عارف اني انخطبت مرتين وسبت واتطلق مرة قبل الفرح .
=ايوة عارف .
_بس متعرفش لي ؟
=ومش عاوز اعرف يا ستي .
_بس انا عاوزة اقولك السبب .
=لا مش عاوز اعرف هو انا معاك ومش هستغنى عنك مهما كان السبب .
اتنهدت قليلا وبدأت الدموع تتساقط من عيناها ثم قالت :
_احمد بجد انا عاوزو اقولك ف اي بس اديني فرصة .
=يا قلب احمد صدقيني مش عاوز اعرف ومش هسيبك مهما كان وخلاص شهر واحد بالكتير ويبقى الفرح ومحدش يفرقنا مهما كان مين
.......مر اسبوع وفي يوم كانت تجلس مع امها
_ماما انا خايفة جامد.
=لي يا روحي .
_احمد مش مديني فرصة اقوله وانا خايفة لو اكتشف بعد كدا يسيبني وانا معتش حمل اي صدمات تان .
=طب بس طولي بالك ومتقوليش كدا احمد ابن اصول وعمره ما هيأذيك ابدا، يلا بقا قومي اجهزي عشان منتاخرش ع الدكتور
_حاضر يا ماما قايمة اهو
.......وقامت ولبست درس اسود مشجر ف لبني وخمار بيبي بلو تحفة عليها ونزلت مع مامتها ولحسن الحظ او لسوءه قابلو احمد ف الشارع
_خير في اي رايحين فين كدا
.....رد ام ياسمين قائلة:
=رايحين للدكتور ياسمين عندها كشف
_كشف اي؟ ولي؟ ياسمين مالها؟ ولي مقلتليش ؟
=الموضوع طويل يا بني واحنا متاخرين اوعدك اننا هنيجي وانا هكلمك واشرحلك كل حاجة.
_طب ماشي ممكن اجي معاكم .
=ماشي بس؟!.....
_مبسش انا جاي اهو .
=طيب .
......وفعلا مشا معاهم وكان الصمت هو سيد الموقف لحد كا وصلو عيادة الدكتور ودماغ احمد عمالة تودي وتجيب مش قادر يفهم اي حاجة ولا قادر يستوعب حاجة ولا قادر يسأل عشان مش شايف الوقت المناسب.... وصلو العيادة واتفاجأ احمد بعيادة الباطنة بس فضل السكوت احسن من انه يتكلم
ودخلو العيادة وكشفو وخرجو كل دا واحمد منطقش ولا كلمة لحد ما خرجو فجأة وقف كدا وقام قايل :
_ممكن اعرف اي؟ دا ومن امتا؟ وازاي؟ معرفش؟
رد ياسمين قائلة:
=ايوة يا احمد زي ما عرفت كدا انا بغسل كلى ومن زمان كمان وكنت عاوزة اقولك من قبل كتب الكتاب بس انت مدتنيش فرصة حاولتش كتير افهمك وانت مسمعتش مني مردتش تديني فرصة ايوة انا بغسل ومن زمان اوي ودي السبب اللي سيبوني خطابي قبل كدا واطلقت المرة اللي فاتت قبل الفرح بسبب ده خلاص كدا عرفت وفهمت كل حاجة
....بدأت تنهار ياسمين واحمد حاول يوقفها .
_ياسمين اهدي بس اهدي.
=يلا نروح معتش عاوزة اتكلم خالص
..........وفعلا روحو اليوم ده وعدا اليوم كله من غير كلام وتان يوم لقت ياسمين احمد بيرن عليها فبترد تقول:
_ايوة يا احمد؟ ف اي؟ عاوز حاجة ؟
=عاوزاك تجهزي نفسك شوية وجاي .
_حاضر
......قامت تجهز نفسها وهي مش قادرة تفصل تفكير وخايفة لاحمد يسيبها ويطلقها زي اللي قبله لبست درس فوشيا ع خمار بينك غامق شوية الباب خبط عرفت انه احمد جات تطلع تفتحله لقت امها فتحتله
_ايوة يا احمد يا بني خير ف حاجة؟
=لا يا مفيش اي حاجة عاوز بس ياسمين ف مشوار .
..........خرجت ياسمين وامها وافقت وقالتلهم ميتاخروش
...........ياسمين واحمد مشو ومتكلموش خالص وساد الصمت ع الموضوع وحسو ان الطريق طويل وياسمين مش عارفة رايحين فين ومش عاوزة تسأله لحد ما وصلو نفس العيادة اللي كانو فيها امبارح وياسمين اتفاجأت بس متكلمتش خالص وكمان مش قادرة تفهم حاجة لحد ما وصلو واخدو دور ودخلو للدكتور
الدكتور:بس ياسمين معندهاش كشف دلوقت ولا دور هي دورها يوم ويوم وهي كانت هنا امبارح .
احمد: مش ياسمين اللي هتكشف انا اللي هشكف .
انصدمت ياسمين مما سمعت ولكنها لم تنطق بأي حرف فضلت تراقب الموقف
الدكتور : وحضرتك تقرب اي لياسمين ؟
احمد:جوزها... انا جوزها وعاوز اكشف وجايب مراتي معايا .
الدكتور:تمام اي شكوت حضرتك ؟
احمد: عاوز عملية وازرع كلى لياسمين
......ياسمين وشها قلب الوان مش قادرة تصدق ولا تستوعب ولا تفهم اي حاجة ولا تنطق حاجة
الدكتور : تمام اتفضل ع سرير الكشف .
كشف وطلب اشعة وجهزت كل حاجة ف خلال اسبوع واتفقو ع معاد العملية واحمد اجل الفرح بتاعهم كمان شهر لحد كا ياسمين تقوم بالسلامة ويطمن عليها كويس
......جه وقت العملية وخلاص مجهزين كل حاجة وداخلين العمليات الاتنين مع بعض .
.........ياسمين وهي بتبكي :اي انت بتعمل كدا يا احمد؟
_مقدرش اعيش من غيرك يا روح احمد .
=احمد انا خايفة اوي اول مرة ابقى خايفة كدة
_متقوليش كدا يا روحي هتخفي وهتبقي كويسة ان شاء الله يا روح احمد عشان انا محتاجك معايا ومش قادر اتخيل حياتي من غيرك .
...........ودخل احمد العمليات الاول واما طلع ف الافاقة دخلت ياسمين ع طول ونجحت العمليتين وقامو ابطالنا بالسلامة وجه الفرح واتجوزو وعاشو ابطالنا ف سلام وامان .
واخيرا جاني اللي سنين اتمنيته 😍😍😍♥️
#بسمتي💜
#bassmahaboelfotoh
