نزلتها تاني اهو ياريت بقا يكون في تفاعل 🖤🖤
___________
تجمع من في القصر على صوت صراخه العالي
غسان بغضب: مش هتجوزها يا ابوي.......انا قلت قراري خلاص
اسماعيل بغضب: انت مفكر نفسك مين.... هتكبر عليا يا واد ولا اي
غسان: انت عايزني يا ابوي احط يدي في يد اللي قت-لوا اخويا ازاي دا يعني... وبعدين دي عيله صغيره... هتجوزها ازاي
اسماعيل بغضب اكبر: هي كلمه يا واد انت..... انا مش هطلع صغير قدام الناس بسببك... انت هتتجوزها ولو محصلش يبقى تعتبر نفسك من غير اب فاهم
غسان بيأس: حاضر يا ابوي.... ثم اكمل بخبث: بس لو جاتلك تطلب الطلاق يبقى مليش دعوه
اسماعيل: طيب
سميه (ام غسان):ابوك عاوز مصلحتك يا بنو
غسان بحزن: مصلحتي ولا مصلحته هو..... انا طالع يا امي
اما في غرفة غسان
كانت هناك من تبكي وتندب حظها: اه يما هيتجوز عليا يما اه... مش كفايا اني متحمله ابنه وبربيه ليه وضيعت شبابي عليه... كمان رايح يتجوزلي بت صغيره اه يما
الام عبر الهاتف: اهدي يا بت .. هو مش عاوزها وهيطلقها.... هيخليها تطلب الطلاق.... انت بس شدي حيلك وجيبلوا عيل يا خايبه
رشا ببكاء: هو بخاطري يما.... ما الدكاتره قالو اني مش بخلف
الام بغضب: يعني اي يعني.... احنا لازم نتصرف... بس دلوقتي اهم حاجه تفردي وشك قدامه كده وتتدلعي عليه فاهمه
رشا بإيماء: حاضر يما
وفي هذه اللحظه دلف غسان للغرفه ولم يعيرها اي اهتمام بل خلد للنوم فوراً وظلت هي تحاول ان تلفت انتباهه ولكن دون جدوى
(غسان اسماعيل الجبالي..... هذا الرجل الصعيدي ذو العيون الرماديه الامعه والشعر الاسود الكثيف والليحه الخفيفه التي تعطيه جاذبيه كبير......... ولكن لا يكتمل كل شيء.... فقد تزوج غسان من محبوبته منذ ستة سنوات وانجب منها ابنه سلمان ولديه خمسة سنوات ولكن بعد ولادة سلمان بعامان قد توفاها الله ومن بعدها اصرت عليه امه ان يتزوج من ابنة عمه رشا وهي لا تحبه هي فقط تريد السلطه بما انه الأن الأكبر والوريث)
**************************
في احدى السرايات (او قصور)
كانت تجلس بطلتنا في غرفتها تستمع لبعض الاغاني وتقوم ببعض الاعمال عن طريف الانترنت (نجاة صبحي الصياد... فتاه تبلغ من العمر عشرون عاما وهي في الصف الثاني كلية تمريض ولكنها كانت تعمل للتسويق وكانت تكتب الروايات عبر الانترنت..... كانت ذو جمال عادي عيون بنيه وشعر بندقي مجعد قليلا بشره خمريه وعيون واسعه وكانت قصيرة القامه قليلاً)
نجاة بتنهيد: ياه اخيرا... دا الواحد تعب... امتى الاجازه تخلص العيال صحابي وحشوني..ثم اكملت بمرح: هو البيت هادي كده لي لما انزل ارخم شويه (
نزلت من غرفتها للأسفل وهو تصرخ: خلصت شغل يا بلد..... ايوه انا المشهوره المحبوبه ايوه... لا لا الحقيقه معنديش وقت للتصويد
صبري بضحك:بتعملي اي يا مجنونه انت.... هو حد يعرفك غيري
نجاة بمرح: بكره تشوفي.... اه صح
صبري بأنتباه: في اي
نجاة بصراخ : جعانه
صبري بسرعه: بس بس ايي... مجوعينك احنا اصبري شويه
صباح (الام) : اي يا بت انت صوتك عالي لي؟
نجاة بمرح: جوزك ضر-بني يا ست صباح..... انا قلتلك بلاش قلة الادب دي ستي تشوفنا يا سيدي
صبري بصدمه: انا يا بت
نجاه: ايواه انت... بصوت شديه (ممثله مصريه قديمه)
صباح بضحك: والله جنانك هيوحشني يا هبله انت
نجاة بضحك: للدرجادي حياتكوا واقفه عليا.... متزعليش يا ستي الاجازه طويله لسه
صباح بتوتر: لا مهو اصل... مش قصدي
نجاه بقلق: في اي يا ماما في حاجه؟
صبحي: اصل يعني..... ابن عمك المرحوم
نجاة بمقاطعه: في اي يا بابا.... مش انتو قعدتوا امبارح علشان الصلح وانت قلتلي كل حاجه بقت تمام
صبحي: ايوه فعلا بس احنا اتفقنا ان كل حاجه تنتهي بمجرد انك.......
نجاة بخوف: مجرد اي يا بابا.... في اي انا بدأت اقلق
صباح بسرعه: تتجوزي ابنهم غسان
نجاة بصدمه: اي؟!.... انت بتقولي اي؟!... انتو بتهزوا صح دا مقلب من مقالبكوا مستحيل تكونوا هتروموني في بيت اللي ق-تلوا ابن عمي!!!
صبحي بهدوء: يا بنتي غسان راجل محترم وكمان عمرنا ما سمعنا ان حد من حريمه اشتكى منه ابدا
نجاة بعدم استيعاب: لا لحظه استنى كده... هو متجوز؟!.... انتو اكيد اتجننتوا صح؟
صباح بإستسلام: بصي يا نجاة من الاخر كده لو متجوزتيش غسان لازم ابوكي يقدم كفنه ليهم
نجاة بخوف: لا لا... ابويا لا... هو ممكن يمو-توه بجد؟
صباح بحزن: طبعاً
نجاة بحزن: خلاص موافقه.... ثم اكملت في نفسها: انا هخليه يطلقني من غير ما اتعب معاه... مش بعد كل دا هيجي واحد يبوظ مستقلبي.....
صبحي: اعملي حسابك كتب الكتاب اخر الاسبوع
نجاة بصدمه: كمان اربع ايام بس!!
صبحي: ايواا مفيش وقت
صعدت نجاة لغرفتها فقط تغيرت حياتها في لحظه بسبب شيء ليس لها اي يد او زنب به..... لطالما كان لها احلام وطموحات والأن يحب ان تستغنى عنها لحماية والدها........
نجاة ببكاء: يارب احمي ابويا وامي.... وحنن قلب اللي اسمه غسان دا وخليه يبعد عني لوحده
**************************
في مكان اخر
يبدو غريب للغايه وزاهد جدا... كان يجلس هذا الشخص ينفث سيجاره ويتحدث عبر الهاتف وتجلس بجانبه هذه العاريه
.... :يعني اي هيتجور..؟!!...انت متأكد... ومين دي.... اها... طيب تابع واي حاجه تعرفني
المرأه: في اي؟
الرجل ببرود: هيتجور
المرأه بصدمه: اي تاني؟!.... مستحيل اسمح ان دا يحصل ابدا
الرجل بخبث: لي؟!... بتحبيه وانا معرفش ولا اي
المرأه بضحك مغري: انا بحب...؟!.... شكلك لسه متعرفنيش انا بس مش عوزاه يتهنى كتير
الرجل بأبتسامه لزجه: اطمني مش هيحصل... ما تيجي...... ثم غمر في اخر كلامه
وانقض عليها ليفعل ما حرمه الله
#الكاتبه_سهيله_عاشور
**********************************
رأيكم؟
كومنت حلو؟
متابعه لطيفه هنا 👈✨. SohailaAshor22
أنت تقرأ
غسان الصعيدي
Romanceروايه بتحكي عن شاب صعيدي اسمه غسان كانت عايش حياه سعيده مع ابنه ومراته لحد ما مراته ماتت وبعدها امه ضغطت عليه يتجوز بنت عمه بالغصب وبعدها التار هخليه يتجوز للمره التالته وهيكشف الحب الحقيقي وهيكشف حقايق تانيه كتير 💛💛💛💛💛
