ချန်းယောလ်တို့ သုံးယောက်ရဲ့ လမ်းလယ်က စကားဝိုင်းလေးက အခုထိ မပြီးပြတ်သေး...။ အကြောတင်းနေတဲ့ ချန်းယောလ်ကို ပြုံးပြီး အလိုလိုက်သလို ကြည့်နေတဲ့ ဘတ်ဟျွန်းဟာ ချန်းယောလ်ရဲ့ ကားအဖြူလေးကို မှီရပ်ထားသည်။
”ယောလ်ရယ် ကိုယ့်ကားပေါ်တက်တော့
နေပူကြီးထဲ နေလောင်ခံနေတာ ကိုယ်မကြိုက်ပါဘူး ”
”ခင်ဗျားသာ လာရာလမ်းကို ပြန်လိုက်တာ ပိုမကောင်းဘူးလား ဗြောင်ဘတ်ဟျွန်း
ကျွန်တော်ကတော့ ကျွန်တော့ချစ်သူနဲ့ Date လုပ်ဦးမှာ ”
ဒီကောင်လေး တကယ်မသိတာလား?
ကျွန်တော့ချစ်သူ ကျွန်တော့ချစ်သူဆိုတဲ့ စကား
ဘတ်ဟျွန်းရဲ့ ဒေါသကို ဆွနေတယ်ဆိုတာ...။
”တော်ရုံပဲပေါ့ Channie
ငါ နားကြားမြင်းကပ်နေပြီနော် ”
ချန်းယောလ်က လှောင်ရယ်ရယ်လာပြီး
”နားကြားမြင်းကပ်ရင်လည်း
ကြွလိုက်တော့ CEO Byun ”
ဘေးက မီဆိုလက်ကို လှမ်းဆွဲလိုက်ပြီး ချန်းယောလ်ထွက်သွားဖို့ လုပ်လိုက်သည်။
”ငါကောင်းကောင်းပြောနေတာ ငါ့ကောင်လေးက လက်မခံချင်ဘူးပဲ ”
တင်းသွားတဲ့ လက်သီးစုပ်နဲ့အတူ တိုးတိုးလေး ရေရွတ်လာပြီးနောက် ဘတ်ဟျွန်းနောက်လှည့်ကြည့်လိုက်သည်။ Boss ရဲ့ အချက်ပေးမှုမြင်တာနဲ့ အနားရောက်လာတဲ့ သက်တော်စောင့် လေးယောက် ။
”အဲ့လက်လွှတ်လိုက်တာ ကောင်းမယ်နော် ဘေဘီ ”
ချန်းယောလ်ကိုင်ထားတဲ့ မီဆိုလက်ကို ကြည့်ရင်း မျက်နှာသေနဲ့ ဘတ်ဟျွန်းသတိပေးမိသည်။ အကြောတင်းလေးက လက်မခံတော့လည်း မတတ်နိုင်ဘူးပေါ့...။
”သူ့ကို ကားပေါ်တင်လိုက် …”
Boss ရဲ့ အမိန့်တစ်ချက်အောက်မှာ လှုပ်ရှားလာတဲ့ လူတွေကြောင့် ချန်းယောလ် မျက်လုံးပြူးသွားရသည်။
”ခင်ဗျား ”
မီဆိုဟာလည်း ဘတ်ဟျွန်းလူတွေရဲ့ အားနဲ့တွန်းထုတ်မှုကြောင့် လမ်းမဘေးမှာ ပုံလျက်သား ။
အနောက်တိုင်းလူကြီးတွေရဲ့ လက်ထဲမှာ ချန်းယောလ်လည်း ကစားစရာရုပ်သာသာ ပါသွားတော့သည်။
KAMU SEDANG MEMBACA
Uncover <Completed>
Fiksi Penggemarချစ်တဲ့စိတ်ကို မဖုံးကွယ်တော့ဘူးမလို့ ခင်ဗျားဘက်က ဆက်ချစ်ပေးပါဦး ChanBaek
