نهايتي المفاجئة

حذرية

نهايتي المفاجئة .

سميتي حذرية و عندي 19 عام ، و المواصفات ختكم كاملة مكمولة ههه . شعري طويييل و مبوكلي أما هو ملون مرة بني مرة أسود ، و فيه واحد اللمعة زوينة و الشمس كتزيد فيها . فورمتي كنقول عادية ما طويلة ما قصيرة و ما غليضة ما رقيقة كلشي فبلاصتو . و لون بشرتي بيض بحال ثلج كانو كيسموني بياض الثلج و كيقولو ليا بلي ورثو من ماما ليرحمها هو و نمش لي مغطي ليا وجهي . فالزين أنا خذيت حقي منو . و عينيا لونهم بني غامق عاديين فاللون أما قوتهم كتجذب و هدشي لي كيزيد من زيني و كي مِيزني على الدريات لاخرات .أنا دابا فالكلية ديال طب ، باغا ا فوقاش نسالي و نحقق حلم الطفولة و نفرح معايا بابا مسكين لي تمحن عليا باش اوصلني لهنا ، أنا البنت الوحيدة عندو كيشوفني عينيه الله يخليه ليا . ماما عمرني شفتها بحكم ماتت وهي كتولدني ، عندي ليها ا صورة وحدة فبالي واخا مكرهتش تأنا تكون عندي أم ولكن بابا عوض ليا داك الفراغ . دابا عطيتكم غير لمحة عليا باش تقدوا تخيلوني أما هادشي غير اللول و مازال أتزيدو تعرفوني مزيان و كيفاش توصلت لفين وصلت . (مبغيتش نحرق عليكم كلشي . )
______________________

-براء : حذرية يله معايا دغيا .. سربي أري إيديك .
-حذرية :(و هي طايحة فالارض كتبكي) براء واش هذا نتا بصح ولا كنحلم؟؟؟ عافاك قوليا مكنحلمش .. فين كنتي ؟واش مبقيتش فيك؟
_براء :(و هو كيغوت) واش صماكيتي ؟؟ مكتسمعيش ولا كيفاش ؟ قلت لك أري إيدك ، أتبقاي هاكا طايحة و كتبكي . ولا مباغانيش نعونك ؟ كرهتيني لهاد الدرجة؟ (كيقول فهاد الهدرة و الدمعة ف عينيه) . أنا أنهنيك مني فمرة و أنمشي و عمرك أتزيدي تشوفيني و سمحي ليا لضريتك شي نهار و داكشي لي كان بيناتنا ديما أيبقى فبالي و مغنقدش نساه حيث نتي أ حذرية كنتي أصدق حاجة وسط گاع ذاك الكذوب . بسلامة .
-حذرية : (تخلطات ليها البكية و الصدمة ، مكرهاتش تموت ألف مرة و متشوفش براء مخليها و عطيها بالظهر. غوتات بگاع جهدها ) عمرنييي أنسمح لك سمعتيني ، عمرنيي عمرني ، واش كتسمعني ؟؟ سولتك واش كتسمعني!؟؟؟؟ كون راجل مرة فحياتك و واجهني . مقديتييش آ ضعييف. صافي هاكا كنتي و هاكا أتبقى جبان ، مكقدش إواجه مشاكيلو.

(تنتااراااراااا....كتصوني رحاب. )

-حذرية :(فايقة مخلوعة و كاملة عرقانة) برااااااء !!!!!! (كتخطف تيليفونها بزربة تجاوب و هي كترعد ) آلو ؟ شكون معايا ؟
-رحاب : اويلي على صحبة د آخر زمان .. كيفاش شكون معايا؟ يكما سكرانة آلموصيبة هههه.
-حذرية : (باقا مصدومة و مفاهمة والو ) كيفاش؟
-رحاب : ممقايداش نمرتي ؟ ا و الله تنقتلك ابلتي تنتلاقاو مع 4 . هادشي لكنتي ا الآميرة النائمة باقا عاقلة عليها .
-حذرية : (مسحات على وجهها و شافت سمية لي معيطة ) ااااه رحاب صحبتي .
-رحاب : رووورووررووي انزغرت . اول مرة انفرح نسمع سميتي .
-حذرية : ا سمحي ليا و الله ، راه حلمت حلمة مكفسة بزااف . حتى لالارم(l'alarme ) ,لي كنت محققاها مسمعتهاش .
-رحاب : ديك لحلمة عاوتاني ؟؟ .
-حذرية : وياااه . اسكتي مازال مقديت نساه ، كنتعذب اختي والله كون انموت و نتهنا باش ايسالي هاذ العذاب خلاص.
-رحاب : اويلي اختيتي متقوليهاش حتى بضحك . لمشيتي أنا شكون لي أيبقى عندي ؟ بلاما تبكيني،خلينا ناشطات . باقا جاية مع 4 ياك ؟ .
-حذرية : و الله ما عندي لخاطر ..
-رحاب : لا لا هاذ الأعذار معندي ماندير بيهم ..قلتهم فاش كنت كنتبوحط على ماما باش منمشيش نقرا ههههه.
-حذرية : هبيلة ههه.
-رحاب : أنا هاذ ضحيكة لفنيونة لي باغا نسمع . يله هانا غادا دابا 4 تلقيني لتحت مصدعاك.
-حذرية : سيري سيري ههه .
نسيت معرفتكم على رحاب تاهي فعمرها 19 عام بحالي ، من نهار حلينا عينينا فهاذ الدنيا و حنا صحابات ، و نقدروا نسميو راسنا خوتات حيث دوزنا لحلوة و لمرة بجوج و عمرني شكيت فمعزتي عندها . هي مختلفة عليا كلياً ..بشرتها سمراء كيقولو لينا "الشمس و القمر" ، وعينيها تبارك الله فنين لونهم أسود و قليل هاد اللون فالعينين تغرقي فيهم ، و شعرها حتى هي طويييل و كيتمايل مع خصرها فاش كتمشى . عندها لاطاي زوينة مع كطريني زادت تقادات ليها ، تصلاح تكون عارضة أزياء مع طولها . ديما كنقترحها عليها و لكن راسها قاصح ...بسيف حيث طبعها حاد و مكتسمحش فحقها و هدشي لي زاد من حبها لعالم ديال البوليس ، عندها مؤهلاتو . و كنتمنى توصل لدكشي لبغات فحياتها تستاهل . مسكينة من نهار هرب عليها باباها و هي باقا لحيمة بنت شهر أحسن حاجة غبر قبل متربي الكبدة عليه ، بحال داك نوع دالأباء حرام فيهم كلمة "بابا" .
______________________
(نرجعوا عند حذرية)

-حذرية : (حطات تيلي ، فوق طابلة و مشات تغسل وجهها و تقاد حالتها ) فيناهيا عاوتاني هاد المشطة ؟؟؟!!(كتقولها و هي معصبة ) أنبقى ديما غي نقلب عليها واش بقات ليا أ هي هاد ساعة !!
-(رجعات لبيتها و هي كتخبط برجليها فالأرض )

-حذرية : اووووف مكيناش ، واش صرطاتها الارض ؟؟؟ وليني مشكيلة هادي .

-(و هي كدور عينيها فالبيت ، طاحت عينيها على تحت نموسيتها ) .
-حذرية : (تحنات الأرض و هي كضحك على راسها ).
-حذرية : وليني شحال زوفري وليت ، لحوايج معمرين دنيا و كلشي مخربق ، و لالا بلااتي لمشطة هي لخرة محشية تحت ناموسية هههه و هااادي لي مكانتش ع لبال .نمشي نرجع دابا يله نجيبها مع 4.

-(وصلات لطواليط ):
-(و غسلات وجهها و نشفاتو ب فوطا ):
-حذرية : (حلات شعرها لي كلو صبح مشعكك) : دابا نوبتك ، نقادك عاد نشوفوا إينا مشطة نديروا .

-(كتمشط و هي كتشوف راسها فالمراية نسات راسها و سهات ، حتى كتفيقها صوت لمشطة لي طاحت ليها من يديها بلاما تحس, و بدات تنتف شعرها و تبكي بهستيريا).

-حذرية : (وهي كتبكي و تغوت ) عييييت ، عييييت ، اربي ، صافي مبقيييتش قادا ، صبرت و تقادا صبر ، ديني لعندك ا سيدي ربي و هنينييي، راني كنموت كل نهار ، عييييت صافي عييييت.

يتبع...