هلوو حبايبي رجعتلكم بارت جديد
#نهوة ابن عمي
البارت 6
بقلميmyar
قراءه ممتوعه
لا حضوركِ كحضورهم ... 🌍
ولا غيابكِ كغيابهم ...💙
فسبحان من زرع بداخلي #محبتكِ❤
و #الإشتياقُ لك#وحَدك
فليتَ كُل من حَولك #أنا ... وليتَ كُل من حَولي #أنت فقط❤💙
علي
ما ادري شلون انگلبت السياره بينه كل الي بالي غزل وعباس اريد ارفع راسها ما اكدر سندت نفسي وانه اسمع اصوات الناس رفعت راسي وصارت غزالي كبالي والدم تارسها البدله البيضه صارت عبارة عن دم وغزل وجهه ما مبين من الدم الي مغطيها صحت غزل ما ترد وعباس كذالك اريد احرك نفسي ما اكدر شويه شويه كمت افقد سمعت صوت محمد يصيح اريد احجي ما اكدر بعدها مدريت بنفسي
علي
ما اعرف شكد صارلي فاقد اسمع اصوات يمي سمعت صوت احمد اي هذا صوت احمد وابوي اريد افتح عيوني واحجي ما اكدر حسيت نبضات گلبي تسارعت ونفسي ضاق شويه حسيت بجكت الابره عرفت بنجوني بعد ما حسيت مدري شكد وكعدت شويه كدرت احجي صحت احمد
احمد
هاا خويا الف الحمدلله
علي
فتحت عيوني بصعوبه جان الكل موجود ابوي واخوتي وقسم من عمامي كتله احمد عباس وغزل
احمد
عباس الحمدلله اصابته خفيفه بس ايديه وخشمه انكسرن وو
علي
وغزل ماتت مو راحت غزالتي كلته بغصه
احمد
لا لا والله بعدها عايشه
علي
احمد الدم تارسه انه كتلك جدي جيه ياخذها مني
احمد
كول يا الله ان شاءالله اتكومون بالسلامه
علي
ان شاءالله
عرفت انه ايدي مكسوره وراسي مشكوك وعباس هم ضربته ان شاءالله اخف بس اوف غزالتي الضربه جت اقوى عليها مكسور ضلعين من القفص الصدري اليمين والشك الي براسها جبير سألت احمد شكد صارلي فاقد
احمد
والله يا خوي صارلك يومين البارحه بنجوك
علي
يعني اليوم ثالث يوم عرسنه المفروض هسه جاي انعيش احلا ايام حياتي اخخ يا وجع گلبي ظليت على حل حاله اسالهم على غزل يكولون بعدها بالعنايه المشدده انه اعرف حالتها خطره واضح من عيون الكل محد متأمل بيها تعيش من اباوع على اهلها انسى حتى وجعي
ظليت على هل حاله اربع ايام واليوم الخامس كدرت اكوم انه بس اريد اشوف غزالتي اجه عباس
عباس الحمدلله على سلامتك
علي
الله يسلمك ابو فضل شلون صارت صحتك
عباس
الحمدلله لا يظل بالك خفيفه ان شاءالله
علي
تنهدت ان شاءالله كمت كتله انه اروح اشوف غزل
عباس
خويا هسه طيب والله كريم
علي
لا عباس ما اتحمل بعد مشيت وخطيه هو ما عافني وصلت للعنايه واشوف الكل واكف اووف يا غزالي الكل واكف ينتظرج وانتي ما تكومين 🥺
تلكاني احمد
