أحببتك مُعذبتي....'
الجزء العشرون والاخير
للكاتبة: ملك حلمي
اكمل خالد
عمر كان ناوي يشتري شقة في اسكندرية عشان يحميها من جوازتها من حسام لحد ما الموضوع يهدي،بس ساعتها كبير العصابة كلمه وقاله انه لازم يعملها العملية ساعتها اجوزها في شقته،لحد ما كلمه تاني وهددوه ساعتها حسم قراره واخدها وسافر انجلترا وعرف الكل انهم في امريكا بس لحد ما رجعوا واتقبض عليه وانتي يماما جيتي بس دي الحكاية
شذا باستغراب:وانت عرفت الكلام دة كله منين
خالد:حقولك مدير المطار كلمني،روحت المطار وساعتها
فلاش باك
فتح خالد الباب خير عايز اية اية دة عمر واروي
خالد:جيت لية عشان امك ولا عايز اية انت مش مكفيك كل الي عملته فيناا خليت راسنا بعد ما كانت مرفوعة نزلت يعمر نزلت يا ابن امي وابوياا
عمر:انت متعرفش انا مريت باية اهدي يا خالد متخليش العصابية تعميك مغلطتش لما اجوزت يمكن غلطت كتير بس دي الحاجه الوحيدة الي مغلطتش فيها
خالد:اه صح مغلطتش بس بسبب المحروسة بتاعتك امك اتخطفت من وسط بيتنا واضرب نار في بيتنا كل دة عشان خاطر ست الحسن والجمال
عمر:طب اهدي وافهم ححكيلك كل حاجه
باك
ساعتها فعلا هديت وقولت لازم اسمع واعرف الموضوع وحكالي كل حاجه زي ما حكيتلكم كلكم
ساعتها عمل عمر بلاغ ومحضر واعترف بكل حاجه بس وانا عشان ماسك الموضوع فظبطت الدنيا وبكرة حيتحولوا للنيابة وبعد ما القاضي يقول الحكم حنطعن فيه لحد ما يقل
وفاء كانت في قمة انهياراها
راح لها خالد وحضنها:اهدي يا امي اعترافه فادة اكتر ما ضارة
شذا:بقا كل دة يحصل ومنعرفش عنه حاجه
احمد بعصبية:خلاص يا شذا الي حصل حصل،المهم انتي يبنتي لو عايزة تطلقي اطلقي احنا مش حنجبرك علي حاجه مع ان عمر عمل كل دة عشانك سافر وسابنا واجوزك من ورانا وحارب الكل عشانك
اروي:لا يعمي مش حطلق وانت صح في كل كلمة قولتها وانا مش بياعة عشان ابيع الي اشتراني عمر حماني من نفسه قبل ما يحميني من الناس كلها وسافر بيا عشان ابقي في امان
كملت بعياط:يا ما لمته وحملته المسئولية وزعلت منه وقولته لية اخبي علي اهلي مكاني ومرضاش يقولي لحد ما عرفت كل حاجه النهاردة هو قالي قبل كدة ان في ناس عايزين يقتلوني بس الصورة وضحت النهاردة
عمري ما اسيب جوزي ابدا في الوقت دة مقدرش اسيبه ابدا وحفضل معاه لاخر عمري
