سرق طفولتي

البارات السادس

الكاتبه ( ماريانا)
اتمنى تعجبكم القصه

ساره : مرتاحه كلش بالبيت الجيديد بس ماعندي صديقات بالمنطقه لان مابيه بنات بس صديقاتي بالمدرسه الدراسه متفوقه وصرت صف ثاني متوسط عمري 14 صار بالعطله جدي ابو ابوي صار وضعه صعب تمرض بس شويه تحسن وابوي وعمامي اجو تغدوا يمنه لان جدي خلو بالمستشفه قريب عله بيتنه راحوا حته يكملون الاجرائات الخروج ساعه 1:15 الضهر ابويه خابر امي
ابوي : ابويه توفه ( بصياح )
امي : شجاي تحجي ( ضلت تصيح )
ساره : نهد حيلي من هيج سمعت هواي عندي ذكريات قبل وي جدي كلش يلعبنه ويضحكنه بس كلش عصبي ( الله يرحمه ) اشوف امي نتهت كبل خذينه سياره ورجعنه لبيت جدي شفت بيبيتي هم منهاره وعماتي وعمامي شي لا يوصف ونسوان والبيت مخبوص وصل جدي شفت ابوي اول مره هيج اشوفه منهار ابو اكيد بعد وعمامي وصياح اااووفف ضلينه هناك تقريباً 8 ايام بس ماطلعت خارج البيت اجنه بنات خالي وي بنات عمامي مرت ايام الفاتحه صراخ وثغيب واحنه والبنات قايمين بالواجب للنسوان ماي وجاي وكنس ومسح بعد تعرفون فاتحه اذا اريد اروح لخوالي اروح ضهر يمكن من بيت عمامي لبيت خوالي دقيقه اطلع ضهر حتى محد يشوفني وارجع ( للشخاص الي يكولون ما شفتي ياسر لا طبعاً طيلة الايام الي كاعدين بالفاتحه وحتى من اطلع ما اشوفه احسن وهوه ما عنده صله قرابه وي عمامي يعني مشفته ) وبعدين رجعنه لبيتنه وابوي حاله غير حال منهار كلياً

ياسر : سمعت جد ساره مات وصار عياط بالشارع تمنيت اشوف ساره بس ابد ما شفته اصدقائي تركتهم بعدين تعرفون ليش وصار ( علي ابن عمتي الي هوه ابن خال ساره ) صار صديقي المقرب نلعب حديد سوه وطبتنه وطلعتنه سوه كتله ساره واهله هم اجو
علي : اي اكيد اجو بقو 8 ايام وراحوا
ياسر : تعجبت حتركت روحي لان ما شفته كتله هاا خوش
علي : اي

ساره : بمرور فاتحة جدي هواي نسوان خطبني بس امي مقبلت تكللهن صغيره واني اكرهم كلش مجرد تفكيري بيهم مرت الايام وسنين عادي وصار عمري 15 صف ثالث متوسط

ياسر : رحت نمت بفراشي ولا يوم يمر عليه واني ما افكر بساره وابوي كل مايشوفني صافن يغمزلي😉 واني اضحك اعرف شنو معناه بس ضجت كلش لان صارلي 3 سنوات مشايفه مشتاقله حيل اكول هسه نستني سامحتني جوز تحب واحد غيري لان كبرت جوز تحب واحد من افكر هيج اموت ولا شوفه لواحد غيري اسلم امري الله وانام وصار عمري 18 صف سادس واشتغل وادوري على حسابه او رقمه حتى اتواصل وياه بس مالكيت واخاف اكل لعلاوي ويدري بيه احبه كلت خليه اذا الله كاتبلنه سوه اشوفه وادعي بس كون التقي بيه

ساره : مرات من اروح دكتور او سوق وي امي الشباب يسمعوني حجي وجهي من لخوف يضل يطي الوان قوز قزح خو من اروح للمدرسه وارجع اسكتو وخلوه اموت عباره عن جسد يتحرك مدرستنه بس بنات وبعيده تقريباً من البيت للمدرسه نصف ساعه يم السوق ازدحامات الشارع يعني انتهي ماكو خط ويا لان بس اني بنيه بالمنطقة كل ما اشوف خط يبطل اخواتي 3 بالابتدائيه قريبه علينه ربع ساعه بس اختي الي اكبر مني اسمه ( لمى ) عداديه مدرسته وحده مثل مدرستي بس بغير وقت وياه صديقاته مو وحده بس اني محد وياي امشي وحدي شفت ابوي وامي يركضون ولمى وراهم كتله لمى شكو
لمى : تعالي وراي بساع
ساره : رحت وياه وشفت .................

للحكايه بقيه
اتمنى تصوتون وتابعوني حتى استمر لان هاي اول قصه الي اكتبه صوتو تره تصويت بصبعكم الابهام اتمنى تصوتون وتستمتعون بالقصه