Uncover <Completed>

Uncover 7

အနေအထားစိမ်းသက်ပြီးမှ သွားရမဲ့ အလည်အပတ်မလို့ စိတ်ထဲလေးဖင့်နေသည်။ သူတို့ တစ်ပတ်လုံး မတွေ့ခဲ့ကြပါ ။ ချန်းယောလ်ဘက်က ဖုန်းတစ်ကောလ်မှ မဆက်ကြည့်ဖူးပေမဲ့ ဘတ်ဟျွန်းကလည်း လာမတွေ့ပါ ။

မွန်းကြပ်လိုက်တာ...
လူကို အမြဲစိတ်တိုအောင်လုပ်တယ်..
ပြောချင်ရာပြောမိပြီးရင်လည်း စိတ်ထဲနေရခက်အောင် လုပ်သေးတယ် ။

ဗြောင်ဘတ်ဟျွန်းက မကောင်းလိုက်တာ...
ငယ်ငယ်က ကိုကိုက အလိုလိုက်သလောက် ဒီလူကတော့ စိတ်တိုအောင်ပဲ လုပ်တတ်တယ်...

”ချန်းယောလ် တက်လေ”

သတိပေးခေါ်သံအကြားမှာ လေးဖင့်နေတဲ့အတွေးတွေကို ထားခဲ့ပြီး ကားပေါ်ပဲ တက်လိုက်တော့တယ် ။ မနှောင့်ယှက်ဘူး ပြောထားတာမလို့ ပျော်ပျော်ကြီးသာ နေပစ်လိုက်တော့မယ် ...
သူပစ်ထားရင် ကိုယ်လည်း ပစ်ထားမယ်..။

...

ချန်းယောလ်တို့ ဒီဇိုင်းမေဂျာက သူငယ်ချင်းတစ်စုရဲ့ အလည်အပတ်ကားလေးက ဆူညံနေသည်။

”အခန်း ကြိုတင်ယူပြီးပြီလား ”

ဝေပေးထားတဲ့ လိမ္မော်ရည်ဘူးကိုဖောက်လိုက်ပြီး ချန်းယောလ်မေးလိုက်တော့ ဝူဆော့က မရေမရာနဲ့

”ယူတော့ယူထားတာပဲ
သေချာမသိသေးပါဘူးကွာ ”လို့ဖြေလာသည်။

ကောင်မလေးတစ်ယောက်ဆူလိုက်တာနဲ့ ချန်းယောလ်က ဖြေတဲ့စကားကိုသေချာမကြားလိုက်ရဘူး...။

&&&&& U. N. C. O. V. E. R

အအေးဓာတ်က နည်းနည်းသီသည်။
နှင်းတွေနဲ့ ပြည့်နေတဲ့ ကွင်းကြီးကိုမြင်တော့ သူငယ်ချင်းတစ်စုက ထအော်ကြရော ။
ချန်းယောလ်လည်း ပျော်ပါသည်။

တက်ကြွနေတဲ့ အုပ်စုက ဟိုတယ်ထဲဝင်ပြီး အခန်းယူဖို့ လုပ်ကြတော့၏ ။
အရာအားလုံးဟာ ဒီထိအကောင်း..

”အားနာပေမဲ့ အခန်းမရတော့လို့ပါ ”

ကောင်တာကဝန်ထမ်းကောင်လေးရဲ့စကားမှာ အကုန်လုံးက အဆူဆူအညံညံဖြစ်ကုန်ကြသည်။
ပျော်ရွှင်နေတဲ့စိတ်တို့က ဖျက်ဆီးခံလိုက်ရပြီး
လှည့်ပြန်ရတော့မှာလားပဲ..