𝐇𝐄'𝐒 𝐌𝐘 𝐃𝐈𝐋𝐄𝐌𝐌𝐀

𝖢𝗁𝖺𝗉𝗍𝖾𝗋 13: 𝗃𝖾𝗋𝗄

Khawngaihin Vote leh cmt pe hram zel ang u.

Mutthilh tumin puanin ka han inlukhup vang² a,thil chi hrang² ka ngaihtuah a mutthilh chu khawilam ka harh tulh² maiin ka hria.

"Aaa.......kha nu kha engvangin nge in checkup pui turin a kalpui bik a"tih pahin ka thu chhuak hlawl a,ka lungawi thei thlawt lo.A fa paitu zawk pawh ngaihsak lovin a bialnu chauh maw a ngaihsak a

"A ti mah² ani"tih leh ka tho thut a sana ka en chuan zing dar 5 alo ri der tawh.

Mu lovin ka tlaivar leh thak tawh,ka rai hma kha chuan mut ka duh ve thin asin mawle mahse tunah chuan mitthilh ringawt pawh ka harsat.Nau ka pai avangin damdawi ka ei thei silo ka kham takzet.

Ka mutthilh theihloh em avangin Taehyung room kawngka bul chhuatah bang ngheng chuan ka thu reng a.Layla nen an inzui lai ka ngaihtuah chhuah apiang hian ka thin a rim tlat zel
A chang leh Layla te chu a hmangaih alawm ka ti thul mahse ka chhungril ah thikna a awm tlat anih chu! Ka in hrethiam tawh bik lo,hetiang hian a hma khan ka awm ngai miah si lova.

Thil tha deuh ngaihtuah chhuak niawm tak chuan ka ding hluai a
"Breakfast atan chocolate croissant kan siam teh ang...."inhnuai lamah tlanthla ngalin kitchen ah ka lut vat bawk,tumah an ka tho lo bawka ka siam vag anga ka room ah ka awm daih ang,taehyung hmel ka hmuh chuan ka thinrim leh mai² ang

Chhangphut zawngin cabinet vel chu ka hawng dan² a
"Khawiah nge am dah le?...."fridge pakhat zawk ka hawng chiah mai chu phawk fe hian ka meng nghal kawk a

"Ge..gelato....lalpa leh!" fridge khat vekin Gelato ice-cream  flavour chi hrang² in alo khat vek anih chu!

A hma in a awm tawp silo,anih chuan heng thil zawng² hi Taehyung tih vek maw!! Taehyung thu lo chuan tuman heng thil hu an dah dawn lo hrim².

"Ka ei peih tawh loh veleh...niman ah ka ei daih tawh"tih hluk pahin cream bur lian zet pakhat chu ka la thla nghal a,ka ei peih tawhlo ka ti tak na in ka kâ khat tunin kan hawp mai chu a tui teh e.......

Ka thuam ang tawkin ka breakfast tur chu ka han siam vel a,oven a ka dah avang chuan nghah pahin tiin chair a thu chungin ka thlir reng a,ka mut loh mai bakah ka chau bawk nen minute 20 lai nghah ala ngaih avang chuan kitchen table bawh pah chuan ka muhil sek² a.

Thil rimchhe zet chuan min tiharh zawk,ka hawikual chu alo khu luih² mai.

"Engthil mge mawle?"ham bai² pahin ka hnar chu ka han len vela,awi leh ka thil ur....

"Lalpa leh...."tih pahin ka tho vat a,oven lah a khu luih² tawh mai bawk si.Ka chi ai bawk nen dawmchhan in oven hawn ka tum rawk a ka kut a kang chiang ngei mai.

Ka chetbuai em avang chuan tanpuitu koh nachang pawh ka hre tawh lo,oven ka hawng chiah chu a rawn alh ta puat mai,ka tawlh hnung na lamah chhuatah ka thu chawrh a ka mangang takzet,engtin nge ka tih tak ang?

Thelh tumin ka kawrlum haklai phelh in kan vai vela chutih lai chuan tu emaw hian fire extinguisher in mei alh chu a rawn kap mit ta vek mai!
Ka lawm lutuk chu ka thaw huai thei.

"Engthil phaingsen nge i tih le?"tih pahin extinguisher chu a paih nghal pawo a,lalpa leh Kim taehyung maw lo ni a! Min hau leh ngei² ang

"Heng te hi enge?"tih pahin ka chhang ur dum vek tawh chu a rawn khai chhuak va² a.

"In tih kan i tum ami? Tun atang chuan kitchen ah lut tawh suh ang che...."naupang ang maia min vin vak² avang chuan ka rilru ana takzet,ka mittui a tling pam tawh,ka kut na chu ka hup tlata ka kun tlat bawk.