هلو شلونكم
انكمل.....
**********
اندك الباب وراحت سعاد اتفتحة وشكد دعيت كون مو همة بس ياحسرتي طلعوا همة جايين فتحتلهم سعاد باب الاستقبال ودخلو وكعدت وياهم واشوي اجت اخذت ماي
سعاد... اشوي وادخلي جيبي العصير
تغريد.. اووف اي اي عود انشالله
دخلت سعاد واجتي فاطمة
فاطمة... يالة ادخلين
تغريد.. اوف هسة اشوي وادخل
مرت دقائق واخذيت العصير ودخلت لكيت اثنين نسوان اكبار وأبنية شابة تقريبا اكبر مني وسعاد اسولف وياهن وتضحك ولاجنهة حية ام راسين المهم دخلت سلمت وانطيت العصير وكعدت كامت مرة اسولف عله ابنها وعليهم وعرفت انو هاي امة واني بس اباوع باعيوني
وشوي وكامت اسولف وياي البنية الشابة عرفتني عليها وكالت اني اختة شهد وكامت اسولف وسئلتني كالت وين واصلة بالدراسة كلتلها بالخامس وهواي سئلتني جنهة اسويلي جنسية ههه والنسوان بس ايسولفن وي سعاد
وشوي وكالن يالة لازم نمشي ونشاللة باجر يجي هوة ويشوفج
ومشن وانة صعدت فوك ابجي مدري اعيوني رادت تبجي واشوي وصارت الصلاء صليت واجت فاطمة
فاطمة... هيي كولي شصار عليج الله
تغريد.. تعبانة مابية حيل اسولف
فاطمة... اشبيج عليج الله سولفي شصار عليج
تغريد... روحي لسعاد اتكلج
فاطمة... عليج الله شصار فدوة فدوة
تغريد.. يعني شصار مثل مااجو خطبوج اني هم هيج مثلج خطبوني
فاطمة... عابت مزاعلتج بعد ولا احجي وياج
رادت تمشي بس كسرت خاطري
تغريد.. خل اخلص واسولفلج
فاطمة... يمة ومااتحبين ازاعلج
تغريد... ههههه ما ايهون علية زعلج
خلصت وسولفتلها الي صار كامت اتحقق وتسألني شني مواصفاته شيشتغل
تغريد... والله ترة ما جاي هوة بس اختة ترة
فاطمة... يااا فلك جا ما كاللج
تغريد... وين الله وين الحسين اباعبدالله وين ابوفاضل كون باجر ايشوفني ويرفضني وين الكاظم
فاطمة... فلك الفلكج الناس ادعي كون يقبل انتي شدعين
اشوي وصاحتلهة سعاد علمود اسوي العشة وان كلتلهة ما اريد عشة تعبانة اريد انام كملت ورحت نمت لاوالله مانمت ضليت اشكد افكر وافكر وافكر لحد ما اخذاني النوم كعدت الساعة5ونص صليت وكعدتهم ايصلون كلها صلت وردت نامت بس اني كملت ورحت غسلت الساحة ونظفت البيت واشوي وكعد بابة سويتله اريوك واتريك ومشة للدوام
