𝚃𝚑𝚎 𝙷𝚊𝚛𝚍𝚎𝚜𝚝 𝙳𝚊𝚛𝚎 [ 𝙲𝚘𝚖𝚙𝚕𝚎𝚝𝚎𝚍 ]

Chapter 01

I.

ကော်ဖီဆိုင်တခုအတွင်း၌ နေ့လည်စာ စားနေကြသော ရုံးဝန်ထမ်းများအတွက် ဒီနေ့ နေ့လည် နေ ဟာ အရမ်းကို ပူပြင်းလွန်းလှသည်။ဒါပေမဲ့လည်း ဆိုင်အတွင်းမှာ တပ်ဆင်ပေးထားတဲ့ Air-conditioner ကနေ ပျံလွင့်လာတဲ့ လေအေးအေးလေးတွေကြောင့် စားသုံးသူတချို့နှင့် ရုံးဝန်ထမ်းလေးတွေမှာ ခံစားနေရတဲ့ အပူဒဏ်တွေ အတော်လေးလျော့ပါးသွားရသည်။ဒါ​ကြောင့်မို့ ကော်ဖီ ဆိုင်ထဲမှာ ရှိတဲ့ လူတိုင်းက ဖွင့်ပေးထားတဲ့ လေအေးပေးစက်ကိုတောင် ကြံဖန်ပြီးကျေးဇူးတင်နေကြသည်။

"တော်သေးတာပေါ့ ဆိုင်ထဲမှာ air-conditioner လေး ရှိလို့။နို့မို့ဆို ပူလွန်းလို့ သေရချည့်ရဲ့ "

ရုံးဝန်ထမ်းလေးတွေလို့ထင်ရတဲ့ လူငယ်အုပ်စု လေး တခုဟာ ဆိုင်အတွင်းကို ညည်းတွားရင်း ဝင်လာကြသည်။

ဆိုင်အတွင်း စားပွဲတစ်ခုချင်းစီမှာတော့ သူ့အုပ်စုနဲ့သူ ကိုယ့်အုပ်စုနဲ့ကိုယ် ဝိုင်းထိုင်နေကြတဲ့ အုပ်စုဖွဲ့လေးတွေကို တွေ့နိုင်သည်။တချို့မှာ မိသားစု နေ့လည်စာဝိုင်းလေးဖြစ်သည်။ တချို့မှာတော့ သူငယ်ချင်း အုပ်စု စကားဝိုင်းလေး။တချို့များကြတော့လည်း ချစ်သူ ရည်းစားအချင်းချင်း ပျော်စရာအချိန်လေးတွေ ဖန်တီးတဲ့ ကြည်နူးစရာ romance coffee dateလေး။

"ငါတို့ကြတော့ Lunch break ပေါ့ ဟွန့် "

ခုန ဝင်လာတဲ့ ရုံးဝန်းထမ်း အဖွဲ့ထဲက ကောင်လေးတစ်ယောက်က နှာမှုတ်ရင်း ပြောပြောဆိုဆို စားပွဲလွတ်တခုမှာ ဝင်ထိုင်လိုက်သည်။ကျန်တဲ့သူတွေကတော့ သူ့အကြောင်း သိတဲ့အလားခေါင်းတခါခါနဲ့။ ဘာမှမပြောပဲ သူတို့လဲ ဝင်ထိုင်လိုက်ကြသည်။

တစ်နာရီနဲ့ မိနစ်သုံးဆယ်ကြာပြီးတဲ့နောက်မှာ တော့ သူတို့ နေ့လည်စာစားပြီးသွားကြပြီ။စားနေတုန်းတော့ လူငယ်သဘာဝ သူတို့တွေ ဟိုအကြောင်း ပြော ဒီအကြောင်း ပြောနဲ့ စကြနောက်ကြသည်။

စားလို့ ပြီးသွားတဲ့အခါ တခြား စားပွဲဝိုင်းတွေကို မျက်လုံးဝေ့ကြည့်လိုက်ကြတယ်။ အဲ့ အခါမှာသူတို့လိုပဲ စားသောက်ပြီးစီးသွားကြတဲ့ အဖွဲ့တွေနဲ့ လူတချို့ကိုတွေ့ရတယ်။