و كبرنا ..

طفولة

فاطمة هدى روحي اخذي زينب من يم احمد الولد ما بقي شي لامتحانته و هاي شالعة كلبة

هدى ترا شلعتوا كلبي انا هم عندي دراسة كلشوية صيحيها و صيحيها

راحت و هي تتأفف ..

احمد دايصلي و زينب غافية بجربايته

انتضرته يخلص صلاة

هدى حمودي عمة تريد زينب

احمد كليلها نايمة هسه اني اجيبها

راح و عافت الباب مثل كل مرا صاح عليها و طنشت كام سدة و رجع لملازمة

اقل من شهر و يبلش امتحانة الوزاري هواية ملازم لازم تخلص كل همة ينقبل صيدلة حلمة الازلي

…

فتحت الباب هدى و هي لازمة صينة العشى

هااك

اخذها و راح قرب لزينب

حبيبتي زنوو تعالي اكلي و رجعي نامي

شلعت كلبة مثل كل مرا

زينب اريد اناام

احمد ايي اكلي و رجعي نامي

زينب باوعتلة بمكر اذا اكلت ابقى يمك

ضحك اييي تبقين

كمزت من مكانها للسفرة

زينب 12 سنة اكثر شي متعلقة بي احمد و هسه احمد سادس ميبقوها حتى لتشغلة ..

خلصوا عشة و رجعت تركض لجربايته

بس لاا اجتي فاطمة تخرب طموحاتها

فاطمة ماما تعالي خلي حمودي يدرس خطية

باوعتلة بترجي

احمد عمة خليها ميخالف ..

كلعادة بقت يمة تغفى و تكعد الصبح تلكة نفسها بغرفتها ..

اغلب الوقت تبقى يمة يشتريلها نمنميات و يلعب وياها مجان اكو احد بعمرها و مجانوا اهلها يقبلون تلعب بشارع

مرت الايام و احمد يدرس و يدرس لحد ما خلصت امتحاناته

وكتها زينب جانت فرحانة اكثر منة حتى

و انقبل طب اسنان احمد و انشغل ازيد وي دراسته الصعبة و زينب كبرت هم بطلت تهتم للعب هواية
بس بقى اقرب واحد الها و بقت كل ما تضوج تجي اله

علاقتهم قريبة و قوية

زينب احمد اريد اروح لصديقتي تاخذني

احمد خلي اخلص هل جابتر

جعدت ع جرباية منتظرة

لبين ما خلص دار وجهة علية

احمد هاي شنو بوجهج

بقيت منصدمة

شنوو